2 Cr 9:22 - Chuj San Sebastian Bible

²² A rey Salomón, 'ec'b'al sricoal yet' sjelnal 'a yib'n̈ smasnil eb' rey 'a yolyib'n̈q'uinl tic.

Chuj San Mateo Bible

²² A vin̈aj rey Salomón chi', ec'b'al sb'eyumal vin̈ yed' pax sjelanil vin̈ d'a yichan̈ masanil eb' rey d'a yolyib'an̈q'uinal tic.

2 Cr 9:22 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 5:11

'Ix ya'n Salomón tas 'ay tz'och yuj Hiram 'a junjn ab'il: 75 mil quintal 'ixm trigo, 115 mil galón aceite yic olivo.

A Ch'an̈ B'ab'el Libro Yic Yab'ixal Eb' Rey 5:9

'Oj yic' 'emt eb' in checb' te 'a lum jolm witz Líbano, ax yem'ch te 'a sti a mar. Ax ya'n 'och eb' te 'a yib'n̈ a', 'ixta 'oj 'aj te sc'och 'a 'aj 'ix al 'ayin. Ata 'oj a cha sc'och te', ach xo 'oj 'e't te ta', ax tas 'oj a b'o', cojn to tzac' cot tas tzin c'ux yet' eb' 'ayc' 'a watut tic, xchi Hiram.

2 Cr 1:12

yuj cha, tic 'oj wac' a jelnal. 'Oj wac' pax a ricoal, yet' sniwquil-l el'chi. May junc xo rey lajn 'icha ach tic 'a yic yaln̈taxi. An̈jtona', man̈x 'a pax junc xo lajn 'icha ach tic, 'a yic b'aq'uin̈, xchi Dios.

2 Cr 9:23

A smasnil eb' rey cha, 'ix jaw eb' 'a Salomón, yic tzwul yilnc eb', mto wul yab'nc pax eb' jantc wal sjelnal x'ajx yuj Dios.

Salmos 89:27

An xo 'oj wac' yopiso 'icha win b'ab'l 'unnab'il, 'ec'b'al 'oj 'aj 'a yib'n̈ smasnil eb' rey 'ay 'a yolyib'n̈q'uinl tic.

Mt 12:42

'Ixta pax jun 'ix sreinail Sur pecti', caw wal najt cotnc 'ix, wul yab'xni 'ix 'a win Salomón yuj sjelnal. Ax ticnec, 'ayn 'ec' 'a tic, 'ec'b'al wel'ch 'a yib'n̈ Salomón cha, palta matz wul ex 'ab'xnoc 'ayin. Yuj cha, at 'oj jawc jun c'u yic b'eyc'ojlal, 'oj q'ue wan 'ix, ax yaln 'ix e mul.