2 Cr 9:20 - Chuj San Sebastian Bible

²⁰ A smasnil svaso rey Salomón, oron̈ej, yet' smasnil vaso tzc'anx 'a jun n̈a tzcuch Calte yic Líbano, oron̈ej smasnil. May junc tas b'ob'il yet' plata yujto a 'a jun tiempoal cha, a q'uen plata man̈ niwnoc wal yel'ch q'ue'en.

Chuj San Mateo Bible

²⁰ Masanil scopa vin̈ rey chi', nab'a oro yed' masanil yamc'ab' ay d'a jun nivan pat scuch Te te' yic Líbano. Malaj junoc yamc'ab' chi' plata, yujto a d'a stiempoal vin̈ rey chi', a q'uen plata chi' malaj yelc'och q'ueen.

2 Cr 9:20 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 10:21

An̈jtona svaso win rey, nab'a oro smasnil. 'Ixta pax schenal yet' xalual tas tzc'anx 'a jun n̈a tzcuch Calte yic Líbano, nab'a oro smasnil. May junc tas to plata, yujto a 'a stiempoal Salomón, a q'uen plata cha, may wal yel'ch q'ue'en.

2 Cr 9:19

An̈jtona', 'aych pax lajchwan̈ xo yechl león chi 'a jun sc'ochal cha, junjn 'a junjn smoch waque sb'achquixtacl cha. Mant 'a xon junc rey tox sb'o yic 'icha jun cha.

2 Cr 9:21

A eb' schecb' win rey, tz'at eb' yet' eb' schecb' Hiram yet' te barco 'a Tarsis, yic tz'at yi'nc cot eb' q'uen oro, q'uen plata, q'uen marfil, no chab'in yet' no pavo real 'a junjn yoxxil ab'il.

2 Cr 9:27

A 'a Jerusalén, a q'uen plata, 'icha xoj comn q'uen x'aj q'uen yuj win rey; ax te c'ute', 'icha xoj te calte'al higo x'aj te 'a span̈nil yich eb' lum witz.

Ester 1:7

Ax 'a jun tzo'n̈ vaso nab'a oro, ata tzyu'j eb' tas tzyuq'uej. Chucchc yilx junjn vaso cha; caw niwn yal uva jawnac sti x'el 'a sc'ojl win rey chi ya'ni.

Is 2:22

Cactquec ca'n 'och eb' 'anma yipc qui c'ojol, yujto an̈ 'anman̈ec tic chamlb'a cajec. Jun wal rato tz'el jab' qui'c tic, yuj cha, man̈ ca'c 'och qui nab'en 'a eb' 'anma'.

Jeremías 31:5

Ax eyawn pax e uva jun 'ejm xo 'a lum tzalctac 'a yol yic Samaria. A mach 'oj 'awnc uva cha, 'oj yac' tzaljoc sc'ojl yet' sat te'.

Mt 6:29

Palta tzwal 'ayex, a 'e'nc win rey Salomón, wach'xam man̈ jantcoc swach'l yilx yet' spichul, palta ma'ix tza'wni yilx 'icha jun tzo'n̈ nichte cha.