2 Cr 8:15 - Chuj San Sebastian Bible

¹⁵ Yuj wal cha, ma'ix sjel xon jac tas tz'aj smunlj eb' ya'mal 'och sti eb' 'anma', yet' eb' levita, yet' eb' molm tumin, 'icha yajcn yuj rey David.

Chuj San Mateo Bible

¹⁵ yed' b'aj smolb'aj tastac yic templo. Yuj chi' malaj val jab'oc ix sq'uex vin̈ tastac tz'aj smunlaj eb' sacerdote yed' eb' levita icha yajcan yuj vin̈aj David chi'.

2 Cr 8:15 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 7:51

A yic xlajw sb'o smasnil munljel 'ix yac' rey Salomón b'o 'a yatut Jehová, 'ix ya'n 'ijxoc 'at smasnil jun tzo'n̈ yamc'ab' to nab'a oro, yet' plata ya'jnac can David 'a Jehová, 'ix 'at ya'nc 'ajxoc can 'a yet'l 'aj tzmolx 'a yatut Jehová.

1 Cr 9:29

Ax jun tzo'n̈ xo eb', 'aych 'a yib'n̈ eb' yiln jun tzo'n̈ xo yamc'ab' to yic yatut Dios yaji: atn 'ixm harina, yal uva, aceite, incienso yet' perjuma.

2 Cr 30:12

A eb' 'anma 'aj Judá, a Dios 'ix 'a'n sna eb' to tojl tzyutj eb' snab'en, sec tzyiclj eb' checnb'il xyal win rey yet' eb' yajl yaj yet'oc, a tzyal tas 'ix yutj Jehová yalni.

2 Cr 8:14

An̈jtona', sb'on pax 'och munljel 'a stzolil, 'icha yaj yuj smam, atn David, sec wach' a eb' ya'mal 'och sti eb' 'anma', tztac' yiln eb' yopiso, yet' eb' levita, atn eb' 'aych 'a yib'n̈ sb'itn 'a Dios, tzcolwj pax eb' yet' eb' ya'mal 'och sti eb' 'anma 'a junjn c'u 'a tas yowlal tzc'anxi. Yet' pax yic tas tz'aj yoch eb' tan̈m puerta 'a stzol-l 'a junjn puerta, yujto 'ixta yutjnac can David yalni, atn schecb' Dios.

2 Cr 8:16

Yujto a smasnil munljel nab'il yuj Salomón, 'ix 'el yich sb'o 'a yictax 'ix 'ejm yipnub'al yich yatut Jehová, masnto 'ix lajw sb'o'i.