2 Cr 7:8 - Chuj San Sebastian Bible

⁸ A 'a jun tiempoal cha, a Salomón yet' smasnil eb' yit israelal, 'ix sna eb' q'uin̈ Chinama 'a uque c'ual. Caw niwn sb'isl eb', xcotn̈j eb' 'ay 'a 'aj tzon̈ 'och 'a Hamat, 'a smon̈jonal norte masnto eb' 'ay 'a jun a b'eymal a yic Egipto 'a smon̈jonal sur.

Chuj San Mateo Bible

⁸ A d'a jun tiempoal chi', a vin̈aj Salomón yed' eb' yetisraelal ix yac'och q'uin̈ chinama eb' d'a uque' c'ual. Te nivan sb'isul eb', ix cotn̈ej eb' b'aj tz'ochc'och b'e d'a Hamat d'a norte, masanto d'a a' eluma' yic Egipto d'a sur.

2 Cr 7:8 ပူးပေါင်းရင်းမြစ်များ

Gn 15:18

Atn 'a yic jun c'u cha, 'ix yac' Jehová strato 'a jun 'ejmn̈ej yet' Abram, 'ix yaln 'a 'ixtic: —A jun lum tic, 'oj wac' 'a eb' en̈til, atta tzcot lum 'a sti a b'eymal a yic Egipto, masnto 'a sti a niwquil a Éufrates.

A Ch'an̈ B'ab'el Libro Yic Yab'ixal Eb' Rey 8:2

Atn 'a jun q'uin̈ yic yucl 'uj, 'a jun 'uj tzcuch Etanim, ata syam sb'a smasnil eb' winc israel yet' rey Salomón.

A Ch'an̈ B'ab'el Libro Yic Yab'ixal Eb' Rey 8:65

A 'a jun tiempoal cha, uque c'u sna Salomón q'uin̈ yet' smasnil eb' israel 'a yojltac Jehová Dios. Caw wal niwn x'aj eb' 'anma syamn sb'a, xcotn̈j eb' 'a smon̈jonal chon̈b' Hamat, masnto 'a sti a b'eymal a yic smon̈jonal Egipto. A yic xlajw uque c'u q'uin̈ cha, 'ix schan 'el eb' yich uque xo c'u q'uin̈, yuj cha, chan̈lajn̈e c'u xyac' jun q'uin̈ chi yuj eb'.

2 Cr 30:13

Yuj cha, caw niwn 'anma 'ix syam sb'a 'a Jerusalén 'a yic schab'l 'uj, yic tznax sq'uin̈l 'ixm pan may yich.

2 Cr 30:26

Caw niwn tzaljc'ojlal x'och 'a Jerusalén, yujto a yictax stiempoal Salomón, atn yunnal David sreyl can chon̈b' Israel, caw mant 'a 'aj tzuj 'icha jun tic 'a Jerusalén.

Ez 45:25

An̈jtona pax q'uin̈ chinama, uque c'u pax tznax jun q'uin̈ chi 'a schan̈lajn̈il c'u yoch yucl 'uj. A win yajl cha, a win 'oj 'a'noc tz'a no xajmb'al chi 'a junjn c'u, no xajmb'al yic stojl mul, no tz'ajx tz'a smasnil, no yic junc'ojlal, yet' 'ixm trigo yet' yaceiteal, lajnn̈ej sb'isl jun tzo'n̈ chi 'icha yic q'uin̈ yic snanb'il cot eyelt 'a libre.

Ez 47:20

An̈jtona pax smon̈jonal 'a stojlal 'aj tz'em c'u, tz'atn̈j 'a sti a Mar Mediterráneo, a 'ay 'a smon̈jonal Egipto masnto 'a stojlal 'aj tz'el yich smon̈jonal lum chon̈b' Hamat.

Am 6:14

Yuj cha, tzcham wal eyiln ax israel ex tic. A Jehová Dios tztac' yuj smasnil, a tzaln 'ixtic: 'Oj in chec cot junc nacion̈ 'ayex yic tzwul ex satnc 'eli, tz'atn̈j 'a Hamat 'ay 'a stojlal norte, masnto tzc'och 'a a a 'aych smon̈jonalc 'a stojlal sur, xchi Dios.

Jn 7:2

Wan sjapx stiempoal jun sq'uin̈ eb' israel tzcuch Q'uin̈ Chinama.