2 Cr 7:14 - Chuj San Sebastian Bible

¹⁴ palta toto 'oj eyic' 'ejm e b'a, ax sb'inax in b'i eyu'uj, tzex leslwi 'ayin, tzeyaln e b'a 'ayin, tzlajw cha, tze jeln e b'eyb'al. Toto 'ixta', 'oj wab' e lesl 'a satcha'an̈, ax wa'n lajwc e mul, ax wa'n pax yaxb'oc e lu'um.

Chuj San Mateo Bible

¹⁴ tato a ex ojtacab'il to vic ex, tzex lesalvi d'ayin, slajvi chi' tzeyactancan e chuc b'eyb'al chi', tato icha chi', svab' e lesal chi' d'a satchaan̈, svac'an nivanc'olal e mul, svac'anxi tastac ay d'a e chon̈ab' chi'.

2 Cr 7:14 ပူးပေါင်းရင်းမြစ်များ

2 Cr 20:3

Xlajw cha, 'ix yecn xiw sb'a Josafat, caw 'emmquil 'ix yutj yaln sb'a 'a Jehová. 'Ix ya'n alxc 'a smasnil eb' 'anma 'a yol yic Judá to tz'och eb' 'a c'ajb'c'ojlal.

2 Cr 20:4

Yuj cha, a smasnil eb' 'anma 'ay 'a smasnil chon̈b' 'a yol yic Judá, 'ix syam sb'a eb' 'a Jerusalén yic tzc'ann eb' scolwal Jehová yet'oc.

2 Cr 6:27

ab' wal 'a satcha'an̈ tas tzcal an̈ a checb' on̈ tic, tza'n lajwc qui mul an̈ a chon̈b' on̈ tic. Tza ch'oxn junc b'eyb'al wach' tzqui b'eylb'ej on̈, tzlajw cha, tza'n cot n̈ab' 'a yib'n̈ lum lum 'ix 'ac' quico'oc tic on̈.

2 Cr 6:30

'Aych 'ec' 'a satcha'an̈ 'aj cajn ach cha, ax ab'n tas 'oj yal eb' 'ayach. Ach xo 'oj 'ac' lajwc smul eb', ax a coln pax eb', ax a'n spac 'a jun jun, a tzyal tas tz'el sb'oni, yujto cojn ach ojc tas 'ay 'a qui pixn junjn on̈.

2 Cr 6:33

'ab' tas tzyal eb' 'ayach. 'Aych 'ec' 'a satcha'an̈ tzab'ni, 'ac' tas tzc'an eb' 'ayach, sec wach' 'oj ach yojcoc 'el smasnil nacion̈ 'ay 'a sat lum lum tic. 'Oj ach yojcoc 'el eb', ax syiclni eb' 'ayach, 'icha eb' a chon̈b' tic. Nachj cab' pax 'el yuj eb' chajtlto a jun n̈a 'ix in b'o tic, ec yaji, yic tz'och 'emmquilal 'ayach.

Salmos 27:8

Ach 'ix al 'ayn 'ixtic: Nitz 'ochl a b'a 'a in tz'ey, xa chi. Yuj cha, xin nani to tzin nitz 'ochch in b'a 'a a tz'ey.

Salmos 60:2

'Ix ac' 'ib'xoc lum lum tic, yuj cha, xjat lu'um, ax ticnec, macx can sjatlil lu'um, yujto xchoc'b' lu'um.

Pr 28:13

A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

Is 45:19

An tic, man̈ c'ultacloc tzin paxtini, man̈oc pax 'a q'uic'q'uinl 'a yol lum 'aj tzwala. May tas waljnac 'a eb' yin̈tl Jacob 'ixtic: Saynec 'ec' 'a nab'an̈ej, man̈ xin chic 'a eb'. An Jehová in tic, an̈j tas yel, yet' tas tojol, an̈j tzwala, xchi Dios.

Is 59:20

A 'ix alni to 'oj jawc wul scol 'elt eb' 'aj Sión 'a yol sc'ab' syailal, atn smasnil eb' yin̈tl Jacob to tzna sb'a yuj smul.

Is 63:19

'Icha xo wal to man̈oc ach tzac' yajlil 'a quib'n̈ on̈, 'icha wal to may 'aj xb'inaxi toto ec on̈ on̈.

Jeremías 14:9

¿Tas yuj lajn ach xoj 'icha junc soldado satc'ojlal yaji yic tzyamchji, matz tac' scolwj jab'oc? Palta Mamin Jehová, tic wal pax 'aych 'ec' 'a qui cal on̈. Yojc smasnil 'anma', to a chon̈b' caj on̈, yuj cha, caw man̈ on̈ actc can qui ch'ocj on̈, xin chi 'a Dios.

Jeremías 33:6

Palta 'ay jun c'ual to 'oj wan̈tc pax eb', ax wa'n stzatzl eb' jun 'ejm xo. 'Oj wac' 'aj cajn eb' 'a junc'ojlal, man̈x 'a tas 'oj 'i'nc eb'.

Jeremías 50:4

'Ix yaln Jehová 'ixtic: A 'a yic b'aq'uin̈, a eb' 'aj Israel, yet' eb' 'aj Judá, caw 'oj 'oc' eb', ax ya'n 'och sb'a eb' 'a yol in c'ab'.

Jeremías 51:9

A eb' chuc nacion̈al cajn ta', a eb' tzaln 'ixtic: Tox 'ix ca'ch cob' remel 'a Babilonia tic, palta man̈xtzac 'an̈tx yu'uj. Can cab'i', pax coyc junjn on̈c 'a qui chon̈ab', yujto caw 'ix q'ue'ch smul jun chon̈b' tic 'a satcha'an̈, caw 'ix q'ue'ch 'a scal 'asun, xchi eb'.

Jeremías 8:22

¿Man̈x am wal sb'omb'il 'a lum Galaad? ¿May am wal junc mach tztac' yan̈tn ta'? ¿Tas wal yuj matz tac' yan̈tx eb' wit chon̈b' tic?

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Ez 33:12

'Ix yaln pax 'ixtic: Ach 'anma', al yab' eb' et chon̈b' tic: Toto 'ay junc mach tojl sb'eyb'al, ax tz'aji tz'och smul. A jun cha, matz colchj yuj swach' b'eyb'al 'a yic yalan̈; an̈jtona', toto a junc mach 'ay smul, tzyactj can jun tzo'n̈ maysch'olnil cha, ax tojlal tzb'o'o, ma'oj cham yuj tas sb'ojnac 'a yic yaln̈ cha. 'Ixta junc mach tojl sb'eyb'al, toto tz'och smul, ma'oj colchjoc yuj swach' b'eyb'al 'a yic yaln̈ cha.

Nm 6:27

'Ixta 'oj yutc eb' in sb'inan 'a yib'n̈ eb' eyit israelal, an xo 'oj wac' in yaxilal 'a yib'n̈ eb', xchi Dios.

A Tas Sc'ulejnac Eb' Schecab' Jesús Hechos 9:11

—Q'uen̈ wa'an. 'Ixc mu'c 'a jun caye tzcuch Tojol. Yic tzach c'och 'a yatut Judas, tza c'anb'n Saulo 'aj Tarso. 'Oj ela', to wan sleslwi.

Dt 28:10

Toto 'ixta', ax smasnil eb' nacion̈ 'ay 'a yolyib'n̈q'uinl tic, 'oj yojcoc 'el eb' chajtlto sic'b'ilx 'el yuj Jehová, yuj cha, caw 'oj xiw eb' 'ayex.