2 Cr 7:10 - Chuj San Sebastian Bible

¹⁰ A yic 23 yoch yucl 'uj, ata xyalcn sb'a Salomón 'a eb' chon̈ab'. 'Ix paxcn eb' 'a yatut 'a tzaljc'ojlal. Caw wal tzalj eb' yuj swach'c'ojlal Jehová, 'icha yutjnac 'a David, 'a Salomón yet' 'a smasnil chon̈b' Israel.

Chuj San Mateo Bible

¹⁰ A d'a 23 yoch yuquil uj chi', ix spuclan sb'a vin̈aj rey Salomón chi' yed' masanil anima ayec' chi'. Ix lajvi chi' ix paxcan eb' d'a spat d'a tzalajc'olal. Ix te tzalaj eb' yuj jantac tas vach' ac'b'il yuj Jehová d'a vin̈aj David, d'a vin̈aj Salomón chi' yed' d'a masanil chon̈ab' Israel.

2 Cr 7:10 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:66

Ax yic xlajw q'uin̈ cha, ax 'a junx c'u 'ix yaln can sb'a rey Salomón 'a eb' chon̈ab', ax eb' 'anma cha, 'ix yaln eb' wach' paxti 'a yib'n win rey. Xlajw cha, 'ix paxx can eb' 'a yatut 'a tzaljc'ojlal yuj smasnil tas wach' sb'o Jehová 'a David, atn jun schecab', yet' eb' israel, atn eb' schon̈ab'.

2 Cr 29:36

Caw 'ix tzalj Ezequías yet' smasnil eb' chon̈ab', yuj tas 'ix sb'o Dios yet' eb' chon̈b' cha, yujto yajn̈ej x'el'ch smasnil tas 'ix b'o'i.

2 Cr 30:26

Caw niwn tzaljc'ojlal x'och 'a Jerusalén, yujto a yictax stiempoal Salomón, atn yunnal David sreyl can chon̈b' Israel, caw mant 'a 'aj tzuj 'icha jun tic 'a Jerusalén.

2 Cr 6:41

Cotn̈ mu'c ticnec ach Jehová qui Diosal on̈, yic tzach can cajn 'a jun lugar tic, yet' te a caxa tzch'oxn 'el a poder. Ach Jehová qui Diosal on̈, col eb' ya'mal 'och qui ti 'ayach, ax eb' eco', tzaljc'ojlal cab' yaj eb' yuj a wach'c'ojlal.

2 Cr 7:11

'Ix sch'oxn sb'a Jehová jun 'ejm xo 'a 'ac'wl 'a Salomón, yic tox xb'o yatut Jehová yet' pax sdespacho winac, yet' smasnil tas snalb'ej win ya'n b'o 'a chab' n̈a cha, 'ix yaln Jehová 'ixtc 'a 'a: 'Ix wab' a lesal, xin si'n 'el jun lugar tic wico'oc, yic tz'och yatutaloc 'aj tz'ajx tz'a xajmb'al 'ayin.

2 Cr 7:9

Uque c'u 'ix sna eb' sq'uin̈l jun yet'l xajmb'al, xlajw cha, 'ix snan pax eb' uque xo c'u q'uin̈ yic Chinama. Ax 'a junx c'u 'ix ya'n 'och eb' junx niwquil q'uin̈ 'a slajub'.

Nehemías 8:10

An̈jtona', xyaln pax Esdras 'a eb' 'ixtic: 'Ixquec wa'oc. A wal tas wach' tzlaj e c'uxu', tzeyu'n yal uva caw wach'. A eb' may yic b'ob'il yu'uj tzeyawtj eb' wac eyet'oc, yujto a jun c'u tic yic Jehová qui Diosalec yaji. Man̈ ex cusoc, yujto a tzaljc'ojlal tzyac' Jehová, atn wal 'aych qui te'naloc, xchi 'a eb'.

Salmos 100:2

Ca'c servil Jehová 'a tzaljc'ojlal, tzon̈ jawc 'a yojltac yet' qui b'it yic tzaljc'ojlal.

Salmos 105:3

Tzalj coyc yuj tas yaji, tzalj coyc yuj Jehová, yujto tzca'c 'och qui c'ojl 'a 'a.

Salmos 106:5

sec 'oj wil a wach'c'ojlal yet' eb' wit chon̈b' sic'b'il 'el oj tic. 'Oj wac' tzaljoc in c'ojl yet' eb' wit chon̈b' to ec yaj tic.

Salmos 32:11

Ex wit 'anmal to wach' e nab'en, 'a'c tzaljoc e c'ojl 'a Jehová, e masnil ex to 'ayx 'och 'a stojlal, b'itnan̈c 'a tzaljc'ojlal.

Salmos 92:4

Mamin Jehová, ach 'ix ac' in tzaljc'ojlal yet' smasnil tas b'ob'il o'oj. A jun tzo'n̈ a b'ob'en tic, a eb' tzin 'a'n 'och 'a tzaljc'ojlal.

Ex 18:1

A win Jetro ya'mal 'och sti eb' 'anma yaj 'a sdiosal eb' 'aj Madián, sn̈i pax Moisés, 'ix yab' win smasnil tas sb'o Jehová yet' Moisés, yet' pax eb' schon̈ab', yic xyi'n 'elt eb' 'a Egipto.

Ez 45:25

An̈jtona pax q'uin̈ chinama, uque c'u pax tznax jun q'uin̈ chi 'a schan̈lajn̈il c'u yoch yucl 'uj. A win yajl cha, a win 'oj 'a'noc tz'a no xajmb'al chi 'a junjn c'u, no xajmb'al yic stojl mul, no tz'ajx tz'a smasnil, no yic junc'ojlal, yet' 'ixm trigo yet' yaceiteal, lajnn̈ej sb'isl jun tzo'n̈ chi 'icha yic q'uin̈ yic snanb'il cot eyelt 'a libre.

A Tas Sc'ulejnac Eb' Schecab' Jesús Hechos 16:34

Xlajw xoj cha, xyi'n 'och win eb' 'a yol yatut. 'Ix ya'n wa win eb'. Caw 'ix tzalj win yet' eb' jun yaj yet' cha, yujto xya'ch eb' sc'ojl 'a Dios.

A Tas Sc'ulejnac Eb' Schecab' Jesús Hechos 2:46

Junjn c'u, tzyamn sb'a eb' 'a yamq'uil yatut Dios. Tzlaj syamn sb'a junjn eb' 'a yatut, tzpojn 'ec' eb' 'ixm pan yic Cena 'a scal. Junxn̈ej tzlaj wa eb' 'a tzaljc'ojlal. Caw junc'ojlal xlaj yutc sb'a eb'.

Dt 12:12

Tzlajw cha, tze nan sq'uin̈l jun tzo'n̈ chi 'a yojltac Jehová qui Diosalec, yet' eb' eyunnal, eb' eyisil, ewin e checab', eb' 'ix e checab', yet' pax eb' levita cajn 'a e cal, yujto a eb' levita cha, may smacl lum eb' 'oj scha eyet' 'a lum lum cha.

Dt 12:18

Tzeyij 'at jun tzo'n̈ chi 'a jun lugar 'oj si'l Jehová yico'oc, ax 'a yojltac, ata tze mol c'uxj jun tzo'n̈ chi yet' eb' eyunnal, eb' eyisil, ewin e checab', eb' 'ix eya'mal servil, yet' eb' levita cajn 'a e cal. Ata 'oj eyac' tzaljoc e c'ojl 'a yojltac Jehová qui Diosalec yuj tas tzeyij 'a e munljel cha.

Dt 12:7

Ata 'oj e mol c'uxc jun tzo'n̈ chi yet' eb' eyunnal 'a yojltac Jehová qui Diosalec, ata tzeyac' tzaljoc e c'ojl e c'uxn tas tzeyij 'a e munljel, yujto a Jehová tz'a'n 'ayex.

Dt 16:11

Tze nan jun q'uin̈ chi 'a yojltac Jehová Dios, 'a jun lugar 'oj si'l yico'oc cha. Tze mol naj jun q'uin̈ chi yet' eb' eyunnal, eb' eyisil, ewin e moso, eb' 'ix eya'mal servil, eb' levita, eb' chuc chon̈b'al, eb' meb'a 'unn chamnc xo smam, yet' eb' 'ix 'ix chamnc yichmil cajn 'a yol e chon̈b' cha.

Dt 16:14

A 'a jun q'uin̈ cha, ata tzeyac' tzaljoc e c'ojl yet' eb' eyunnal, eb' eyisil, ewin e moso, eb' 'ix eya'mal servil, eb' levita, eb' chuc chon̈b'al, eb' meb'a 'unn chamnc xo smam, yet' eb' 'ix 'ix chamnc yichmil cajn 'a yol e chon̈b' cha.

A Scarta San Pablo D'a Eb' Aj Filipos 4:4

Tzalj coyc 'a Cajlil 'a smasnil tiempo. Tzwaln pax jun 'ejm xo, caw tzalj coyec.