2 Cr 7:1 - Chuj San Sebastian Bible

¹ A yic 'ix lajw sleslwi Salomón, 'ix cot c'ac' 'a satcha'an̈, 'ix tz'a xajmb'al to tz'a smasnil yet' jun tzo'n̈ xo xajmb'al. Caw 'ix macchj 'el yol yatut Jehová chi yuj stzictznial,

Chuj San Mateo Bible

¹ Ayic ix lajvi slesalvi vin̈aj rey Salomón chi', ix cot c'ac' d'a satchaan̈, ix tz'ab'at jun silab' sn̈usjitz'a smasanil yed' juntzan̈xo silab', ix b'ud'jiel yol templo chi' yuj stziquiquial Jehová.

2 Cr 7:1 ပူးပေါင်းရင်းမြစ်များ

Gn 15:17

A yic 'ac'wl xo, 'ix sch'oxn sb'a jun niwquil c'ac', caw niwquil sq'ue wan stab'il, tzictzni yel snich. Tz'ec' 'a scal snan̈l schib'jal e no noc' tzuc'b'il cham cha.

A Ch'an̈ B'ab'el Libro Yic Yab'ixal Eb' Rey 18:24

Tzlajw cha, tzeyawtn sb'i e diosal cha, an xo, 'oj wawtc pax sb'i Jehová; a junc Dios yajn̈ej tzya'n cot c'ac' 'a yib'n̈ no xajmb'al cha, atn jun cha, caw yel Dios ton b'i'an, xchi 'a eb' 'anma cha. —Caw wach' ton 'ixta', xchi eb' 'anma chi smasnil.

A Ch'an̈ B'ab'el Libro Yic Yab'ixal Eb' Rey 18:38

Xlajw cha, 'ix cot jupnjoc c'ac' 'a satchan̈ yuj Jehová. 'Ix tz'a no xajmb'al, te c'atzitz, q'uen q'uen cha, man̈x 'a jac spoccal xcani. 'Ix tup pax chan̈ a a 'ay 'a yol san̈ja cha.

A Ch'an̈ B'ab'el Libro Yic Yab'ixal Eb' Rey 9:1

A yic xlajw sb'o 'el'ch jun yatut Jehová yuj Salomón, yet' jun sdespacho, yet' smasnil jun tzo'n̈ xo tas 'ix yac' sb'o'oc,

1 Cr 21:26

Axta sb'o chan̈ jun yet'l xajmb'al chi 'a Jehová. Ata 'ix yac' xajmb'al to tz'a smasnil, yet' xajmb'al yic junc'ojlal. 'Ix leslwi 'a Jehová. 'Ix ta'w 'a 'a, yuj cha, xya'n cot c'ac' 'a satcha'an̈, 'ix 'ejm 'a yib'n̈ jun no xajmb'al cha.

Salmos 26:8

Mamin Jehová, tzin chamc'ojlej atut 'a 'ajtil cajn ach 'eq'ui, 'a 'ajtil tzb'inax a b'i.

Ex 19:18

Caw wal xq'ue stab'l sjolm lum Sinaí cha, yujto 'ix 'eml Jehová 'a scal jun c'ac'. 'Icha wal sq'ue stab'l junc jorna, 'ixta wal xq'ue stab'l lu'um, x'ib'x lum witz chi si'mb'il.

Ex 29:43

Atn wal ta 'oj in cha in b'a yet' eb' israel, ax jun lugar cha. 'Oj in sacb'tzoc yet' in poder, ax yochcn wico'oc.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

Ez 43:5

Ax Yespíritu Jehová in 'i'n 'ati, in yi'n 'och 'a 'aj 'ay junx 'amc' 'a yojl 'och cha. Ax xwilni, b'ut'jnacx 'el yol yatut Dios yuj stzictznial.

Ez 44:4

In yi'n pax 'at jun winc chi 'a 'aj 'ay junx puerta 'a stojlal norte, jun 'ay 'a yojltac yatut Dios. Ax xwilni, c'uxn 'ix macchj 'el yol yatut chi yet' stzictznial, cojn wal xwiln cha, in 'em n̈ojnjoc 'a sat lu'um.

Dn 9:20

'Ix in yamnn̈ej 'och in leslwi, 'ix waln q'uet in mul yet' smul eb' wit israelal. Caw wal in tew 'a Jehová in Diosal, yuj lum tzaln Sión to yicn̈ej yaji.

Malaquías 3:4

'Oj in tzalj yet' yofrenda eb' 'aj Judá, yet' pax yic eb' 'aj Jerusalén, 'icha 'ajnc in tzalj yet' 'a yictax pecti'.

A Tas Sc'ulejnac Eb' Schecab' Jesús Hechos 4:31

Yic 'ix lajw sleslwi eb', ax jun n̈a 'aj 'ayc' eb' cha, caw 'ix tzicb'tan̈x yuj Dios. 'Ix wach' 'och Yespíritu 'a junjn eb'. Yuj cha, caw te'n xyutj sb'a eb' yaln 'el spaxti Dios.

Apoc 21:23

A 'a jun chon̈b' cha, may tz'och yoc c'u, may pax tz'och yoc 'uj. Yujto a sacq'uinlal Dios yet' pax sacq'uinlal jun tzcuch Calnelu, a tzyac' sacq'uinlal 'a 'a.

Jueces 6:21

Ax jun yángel Jehová cha, 'ix stecn 'och sn̈i sc'occh 'a no chib'j cha, yet' 'a 'ixm pan may yich. Yajn̈j wal cha, 'ix pitzw chan̈ c'ac' 'a yib'n̈ q'uen q'uen cha. Xtz'a no chib'j chi smasnil, yet' 'ixm pan may yich cha. Ax jun yángel Jehová cha, wal 'a yajn̈ej 'ix satchan̈ 'a yojltac winac.