2 Cr 6:6 - Chuj San Sebastian Bible

⁶ palta a ticnec, xin si'l chon̈b' Jerusalén, sec wach' ata tzb'inax in b'i. Ach in si'n pax 'eli sec wach' ach 'oj ac' reyl 'a yib'n̈ in chon̈b' tic, xchi Dios 'a in mam.

Chuj San Mateo Bible

⁶ Palta a ticnaic jun, ix in siq'uel chon̈ab' Jerusalén, yic vach' ata' ol b'inaj in b'i. Ix ach in sic'paxeli yic tzach och reyal d'a in chon̈ab' Israel tic, xchi Jehová d'a vin̈ in mam chi'.

2 Cr 6:6 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 21:4

An̈jtona', sb'on pax chan̈ jun tzo'n̈ xo yet'l xajmb'al yic eb' comn dios 'a yol yatut Jehová. Palta yuj jun lugar tic yaln can Jehová 'ixtic: A jun tic in cajnub' tz'aj 'a Jerusalén yic tzex 'och 'emmquilal 'ayin, xchi.

A Ch'an̈ Schab'il Libro Yic Yab'ixal Eb' Rey 21:7

An̈jtona', xya'n 'och jun yechl Asera chi 'a yol yatut Jehová. Atn yuj jun tic yalnc can Jehová 'ixtc 'a David yet' 'a yunnal, atn Salomón: A Jerusalén tic, xin si'cn 'el 'a scal smasnil schon̈b' eb' yin̈tl Israel sec ata tzb'o watut 'aj tzex 'och 'emmquilal 'ayn 'a smasnil tiempo.

1 Cr 17:5

Yictax wi'n 'elt eb' e mam eyichm 'a Egipto, masnto 'a jun c'u tic, may xon 'ajtil in 'aj 'a yol junc n̈a, palta to an̈j 'a yoltc mantiado tzin 'eq'ui.

1 Cr 17:7

Tzaln pax 'a jun in checb' David cha, chajtlto an Jehová in tzta'n̈j wuj smasnil, an tzwal jun tic: An ach wij 'el 'a spatc no calnelu, yic tzach wa'n 'och syajlilc in chon̈b' Israel.

1 Cr 28:4

A Jehová qui Diosalec an̈ israel on̈c tic, a in si'n 'eli yic tzin 'och reyl 'a chon̈b' tic 'a jun 'ejmn̈ej. Yujto a 'ix si'n 'el yin̈tl Judá, yic tzya'n yajlil 'a yib'n̈ smasnil quin̈tlec. A 'a scal yin̈tl Judá, a yin̈tl in mam 'ix si'cn 'eli, an xo in si'cn 'el 'a scal eb' wu'tac yic tzin 'och reyal.

2 Cr 12:13

A yic schan 'el yich ya'n reyal, 41 ab'il sq'uinal. Uclajn̈e ab'il 'ix yac' reyl 'a Jerusalén, atn jun chon̈b' sic'b'il 'el yuj Jehová 'a yol smacb'en Israel, yic tz'och eb' 'anma 'emmquilal 'a 'a. A snun Roboam cha, tzcuch Naama, amonita 'ix.

2 Cr 20:8

A yic 'ix can cajn eb' qui mam quichm 'a sat lum a lum tic, 'ix sb'o chan̈ eb' jun a cajnub', 'ix yaln eb' 'ixtic:

2 Cr 30:8

Yuj cha, man̈ eyac' pitb'oc 'el e nab'en 'icha yutjnac sb'a eb' qui mam quichmec cha. 'A'c 'och e b'a 'a yol sc'ab' Jehová, jawn̈ec 'a yatut, atn jun sic'b'il 'el yuj 'a smasnil tiempo, tzeya'n servil Jehová qui Diosalec quet' on̈, ax yoch wan yowx 'ayex.

2 Cr 33:4

An̈jtona', sb'on pax chan̈ jun tzo'n̈ yet'l xajmb'al yic jun tzo'n̈ comn dios 'a yamq'uil yatut Jehová, atn jun n̈a yaljnac Jehová yu'uj, to ata 'oj b'inaxc sb'i 'a smasnil tiempo 'a Jerusalén.

2 Cr 6:20

Q'ueln achn̈ej cab' 'och 'a jun atut tic 'a sc'ual, yac'wlil, jun aljnac chajtlto a 'a yojl tic 'oj a b'inaxn̈ej. Yuj cha, maclj wal ab' in lesl an a checb' in tic.

2 Cr 6:5

Yictax wi'n 'elt in chon̈b' 'a Egipto, may junc chon̈b' xin si'l 'a scal yin̈tl Israel, yic ata tzb'o junc watut 'aj tzin 'aj cajan, yic tzb'inax in b'i ta', mant 'a pax junc winc tox xin si'li, yic tzjucb'tzan in chon̈b' tic,

2 Cr 7:16

yujto tox xin si'cn 'el jun n̈a tic wico'oc, atn 'aj 'oj 'och 'emmquilal 'ayn 'a smasnil tiempo. A jun tic 'oj in tan̈woc, nann̈ej wuj 'a smasnil tiempo.

Esdras 7:16

Tze'n pax 'at smasnil q'uen plata, q'uen oro xa chaj 'a eb' 'anma 'a yol smacb'en Babilonia, yet' jantcn̈ej q'uen ofrenda tz'el 'a sc'ojl eb' ya'mal 'och sti eb' 'anma 'a Dios ya'ni, yet' yic jun tzo'n̈ xo eb' et chon̈ab', atn q'uen tzyac' eb' yuj yatut e Diosal 'a Jerusalén.

Salmos 122:2

Ax ticnec, 'ayn̈ xo 'ec' 'a yol chon̈b' Jerusalén tic.

Salmos 132:13

An Jehová in, an xin si'l lum tzaln Sión wico'oc, yujto ata tzin nib'j tzin 'aj cajan.

Salmos 48:1

A Jehová caw wal niwn yel'chi. A qui Diosalec smoj wal yalx wach' paxti 'a 'a, 'a yol chon̈ab' yet' 'a lum tzaln to yicn̈ej yaji.

Ex 20:24

B'oc junc yet'l e xajmb'al; lum tzeya'ch 'a 'a, junc to wicn̈ej tz'aji. Ata 'oj eyac' tz'a no calnelu, mto no wacx tzeyac' xajmb'al-l 'ayin. Ata 'oj eyac' tz'a ofrenda yic junc'ojlal. A 'ajtil 'oj wala' to tzeyal e b'a 'ayin, ata 'oj in jawi, ax wa'n yaxilal 'a eyib'an̈.

Is 14:32

¿Tas wal 'oj yutc eb' sta'w 'a eb' checb'il cot yuj jun nacion̈ cha? 'Oj yal eb' 'ixtic: A Jehová a 'ix 'a'n ste'nal eb' aj Sión, sec a eb' 'ay somc'ojlal 'a scal eb', 'oj 'at scol sb'a eb' 'a jun chon̈b' cha, 'oj schic eb', xchi Isaías.

Zacarías 2:12

A 'a sat lum slum Jehová to yic xon yaji, ata 'oj si'l Jehová eb' yin̈tl Judá jun 'ejm xo yuj yoch eb' yico'oc, yet' pax chon̈b' Jerusalén.

Zacarías 3:2

'Ix yaln yángel Jehová chi 'a win 'a'm queja chi 'ixtic: A Jehová 'ix si'n 'el chon̈b' Jerusalén, a 'oj a tumni, yujto a jun winc tic, lajn 'icha junc cuxc'ac' tz'ijx 'elt 'a scal c'ac', xchi.

A Ch'an̈ B'ab'el Libro Samuel 16:1

'Ix yaln Jehová 'a Samuel 'ixtic: —¿B'a'n̈to 'oj och wan oc' yuj Saúl? Man̈xtzac in nib'j to an̈ja 'aych win reyl 'a chon̈b' Israel. A ticnec 'ac' b'ut'joc no sch'ac calnelu yet' aceite. Tzlajw cha, tzach 'at 'a yatut win Isaí win 'aj Belén, yujto a 'a scal eb' yunnal, ata 'ay jun xin sic' 'elt 'oj 'ochx can reyl sjelc winac, xchi.