2 Cr 6:30 - Chuj San Sebastian Bible

³⁰ 'Aych 'ec' 'a satcha'an̈ 'aj cajn ach cha, ax ab'n tas 'oj yal eb' 'ayach. Ach xo 'oj 'ac' lajwc smul eb', ax a coln pax eb', ax a'n spac 'a jun jun, a tzyal tas tz'el sb'oni, yujto cojn ach ojc tas 'ay 'a qui pixn junjn on̈.

2 Cr 6:30 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:39

'Aych 'ec' 'a satchan̈ 'aj cajn ach 'ec' cha, ax ab'n tas 'oj yal eb' 'ayach. Ach xo 'oj 'ac' lajwc smul eb', ax a coln pax eb', ax a'n spac 'a jun jun, a tzyal tas tz'el sb'oni, yujto cojn ach ojc tas 'ay 'a qui pixn junjn on̈.

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

1 Cr 29:17

Wojc wal ach in Diosal, to tza b'eyc'ojlej qui nab'en, caw tzchaj a c'ojl tojlal. Yuj cha, an tic yet' in tojl nab'enal tzwa'n jun tzo'n̈ tic. A ticnec caw tzin tzalj wilni to a smasnil eb' a chon̈b' yamn 'a tic, wal 'a smasnil sc'ojl eb' 'ix ya'n eb' yofrenda 'ayach.

1 Cr 29:19

An̈jtona', tzac' wach' nab'enal 'a ni wunnal Salomón tic, sec wach' 'oj syiclc ni smasnil a checnb'il, a cuynb'il yet' pax a ley, ax sb'eylb'an ni smasnil, sec wach' 'oj stac' sb'on chan̈ ni jun n̈a man̈x jantcoc swach'l yilx 'ix in yamb'tzej can syamc'ab'il tic, xchi rey David 'a Dios.

2 Cr 6:29

to 'ixta', tzab' wal slesl eb' wit chon̈b' oj smoj q'ue sc'ab' yaln sb'a 'aych 'a stojlal jun atut tic, toto 'oj sna sb'a eb' yet' smasnil sc'ojol.

2 Cr 6:31

Toto 'ixta', 'oj yal sb'a smasnil eb' a chon̈b' 'ayach, ax ach syiclni eb' ya' sb'a pitzn eb' 'a sat lum lum a'jnac can 'a eb' qui mam quichm on̈.

Salmos 7:10

A Dios in Colmal yaji, caw tzcolx eb' tojl snab'en yu'uj.

Pr 15:11

A xab'l yich sjul-l chamel checl yaj 'a sat Jehová, ocxom wal snab'en 'anma', caw wal checl yaj 'a 'a.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.

Ez 18:30

Ex israel, e Yajlil waji, an 'oj ex in b'eyc'ojloc yuj tas maysch'olnil tze b'o'o. An tzwala to tzeyactj can smasnil e tu b'eyb'al, sec man̈oc 'oj e satn 'eli.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Jn 2:25

Man̈ yowlalc tzat alx 'a 'a, tas snab'en junc mach. Toxn yojtac tas 'ay 'a qui nab'en junjn on̈.

A Ch'an̈ Carta D'a Eb' Hebreo 4:13

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.

A Ch'an̈ B'ab'el Libro Samuel 16:7

Palta xyaln Jehová 'ixtc 'a Samuel: Man̈ ach 'och q'ueln 'a win tic yuj tas yilx 'ochi, man̈ elch ste'il, yujto matz in nib'j winac. Ax 'anmax tic, a wal yilx 'och junc mach, a chi tzeyilchi, palta an tic a snab'en eb' tzwilchi, xchi.