2 Cr 6:28 - Chuj San Sebastian Bible

²⁸ Toq'ue 'ay 'aj 'oj tacjoc 'el cawb'en yuj cuaresma mto yuj tz'a'ab', mto yuj no c'ulub', mto yuj jun tzo'n̈ocx no noc', yuj cha tzjaw wejl 'a yib'n̈ jun chon̈b' tic. Toq'ue 'oj jawc oynjoc eb' 'ajc'ojl 'a qui chon̈b' tic on̈, ax sjaw tzann̈j yailal tzon̈ satn 'el on̈,

Chuj San Mateo Bible

²⁸ Q'uinaloc tz'em vejel, ma ilya d'a co chon̈ab' tic, ma stacji cavb'en yuj c'ac', ma sjavi junoc syab'il cavb'en chi', ma sjavi noc' c'ulub' d'ay, ma junocxo macan̈ noc' cotac noc' slajanel cavb'en chi', ma jun, sjavi oyan eb' ajc'ol yac'an oval d'a junoc chon̈ab' d'a yol co macb'en tic, ma yaln̈ej tas yaelal tzon̈ ic'ani,

2 Cr 6:28 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 8:1

Yaljnac Eliseo 'ixtc 'a 'ix pitzwnac pax yune': Q'uen̈ wa'an, 'ixc cajn 'a junc xo lugar yet' eb' cajn 'a atut, yujto tox 'ix yal Jehová to 'oj ya' cot jun niwquil wejl 'a yib'n̈ jun chon̈b' tic, uque ab'il 'oj yac'a', xchi 'a 'ix.

2 Cr 32:1

A yic tox xlajw sb'on Ezequías jun tzo'n̈ chi yuj syiclumal 'a Jehová, a yic cha, 'ix jaw Senaquerib sreyl Asiria yet' eb' soldado, 'ix 'och oyn eb' 'a spatquil jun tzo'n̈ chon̈b' 'aych smuroal 'a yol yic Judá, yic tzyi'n 'ec' yalni.

2 Cr 32:24

A yic jun tiempoal cha, caw ow ya'n syailal Ezequías. Jab'xoj ma'ix chami. Yuj cha, 'ix leslwi 'a Jehová, 'ix ta'wxi, 'ix ch'oxx jun senya 'a 'a, chajtlto 'oj b'oxc sc'ojol.

2 Cr 6:29

to 'ixta', tzab' wal slesl eb' wit chon̈b' oj smoj q'ue sc'ab' yaln sb'a 'aych 'a stojlal jun atut tic, toto 'oj sna sb'a eb' yet' smasnil sc'ojol.

2 Cr 7:13

Q'uinloc 'oj wa' cot junc cuaresma yic man̈xtzac yac' n̈ab', mto tzwal 'a no c'ulub' to tzlajl no smasnil 'awb'ente', mto junc yab'il tzwa' cot 'a eyib'n̈ ax in chon̈b' ex tic,

Jl 1:11

Ex munljum, 'o'n̈ec, cusn̈ec, yujto caw xlajw 'ejm eyawb'en uva. Man̈x 'a polj trigo yet' cebada.

Jl 2:25

Xyaln Dios 'ixtic: 'Oj in jelx smasnil sat eyawb'en lajwnac 'el yuj no c'ulb' xwa't 'a e cal 'icha eb' soldado.

Lv 26:16

an̈jtona 'in, 'oj in na', tas 'oj ex wutoc. 'Oj wa' cot xiwc'ojlal 'a eyib'an̈. 'Oj cot owya yab'il 'a e cal. C'a'lyab'il, 'oj 'och 'a e sat. 'Oj e tz'onb' cha'an̈, ax yel yip e niwnal. 'Oj cob' e b'o e munljel, palta ax eb' 'ajc'ojl 'oj molnoc sat smasnil eyawb'en cha.

Santiago 5:13

Toto 'ayx wan eyab'n syal ticnec, leslwan̈ec. Toto 'ayx 'ay pax e tzaljc'ojlal, b'itnan̈c 'a Dios.

Rt 1:1

A 'a yic 'aych eb' juez yajlil 'a chon̈b' Israel, 'ay jun winc 'aj Belén 'a yol yic Judá, 'ix ati, axta xc'och cajn yet' yistzil yet' chawn̈ yunnal 'a yol yic Moab yujto 'ix jaw jun niwquil wejl 'a yol schon̈b' eb'.