2 Cr 6:26 - Chuj San Sebastian Bible

²⁶ Q'uinloc 'oj 'och wan ya'n n̈ab' yujto tz'och qui mul 'aych on̈, yuj cha, tza'n 'och qui yailal, palta toto yajn̈ej tzon̈ jaw leslwoc 'aych 'a jun atut tic, tzcaln wach' paxti 'ayach, yic tzqui nan qui b'a yuj qui mul on̈,

Chuj San Mateo Bible

²⁶ Q'uinaloc man̈xo ol yac' n̈ab' d'a chon̈ab' tic yuj co mul tz'och d'ayach, tzac'anoch co yaelal. Palta tato tzon̈ javi ul ach cac' b'inaj d'a lesal, q'uelan on̈ cot d'a jun lugar tic snaan sb'a co c'ool d'a co chucal yuj jun yaelal chi',

2 Cr 6:26 ပူးပေါင်းရင်းမြစ်များ

2 Cr 6:25

comnoc tza chaj 'ab' qui lesl tzc'och 'aych 'a satcha'an̈, tza'n lajwc qui mul on̈, tzon̈ a'n meltzjc pax 'a qui lum tic a'jnac 'a eb' qui mam quichm on̈.

2 Cr 7:13

Q'uinloc 'oj wa' cot junc cuaresma yic man̈xtzac yac' n̈ab', mto tzwal 'a no c'ulub' to tzlajl no smasnil 'awb'ente', mto junc yab'il tzwa' cot 'a eyib'n̈ ax in chon̈b' ex tic,

Pr 28:13

A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

Is 5:6

'Oj can 'a cusltacl wu'uj, may xon mach 'oj mesnoc 'el te sc'ab', may mach 'oj 'i'nc 'el ya'nil, 'oj q'uib'x chan̈ sc'ultcal, nab'a q'uix 'oj 'ajoc. Ax waln 'a 'asun, to man̈xtzac yac' cot n̈ab' 'a yib'n̈ jun lum cha, xchi win 'aj munljel cha.

Ez 14:13

Ach 'anma', a yic tz'och smul junc chon̈b'al 'anma 'ayin, tz'och jun chon̈b' chi tenmtacl 'ayin, an xo 'oj wac' jawc yailal 'a yib'n̈ jun chon̈b' cha. Man̈x 'oj yac' lum lum sb'a'al, ax sjaw wejl 'a jun chon̈b' cha, 'ixta 'oj 'aj scham eb' 'anma', yet' no noc'.

Os 5:15

Cojn cha, ax in meltzj mu'c 'a wet'l 'aj 'ayn 'eq'ui, masnto 'oj yojcoc 'el eb' to 'ajmul eb', ax sjaw eb' wul yal sb'a 'ayin. Scal syailal eb', ax yaln sb'a eb' 'ayn 'a smasnil sc'ojol, xchi Dios.

Lv 26:19

'Oj wac' lajwc 'ejm e b'an̈quintaquil. Ma'oj wa' cot n̈ab' 'a satcha'an̈, man̈x 'oj yac' lum lum sb'a'al.

Lc 4:25

Tze na cot yab'xil win Elías pecti', chajtl 'e'nac. Nan̈l schan̈l ab'il man̈xtoc ya'jnac n̈ab', caw niwn wejl jawnc 'a yib'n̈ eb' 'anma smasnil. A 'a jun tiempoal cha, til wal eb' 'ix quit israelal chamnc yichmil,

Dt 11:17

toto 'ixta tzeyutj e b'a, 'oj cot yowl sc'ojl Jehová 'a eyib'an̈. Man̈x 'oj ya' cot n̈ab' 'a stiempoal. Ax lum lum cha, man̈x 'oj yac' lum sb'a'al, ax e cham yuj wejel. 'Ixta wal 'oj eyaj 'a sat lum lum caw wach' cha, lum 'oj yac' Jehová eyico'oc cha.

Dt 28:23

Man̈x 'oj cot n̈ab', ax lum lum tic, man̈x 'oj yac' lum sb'a'al.

Apoc 11:6

A eb' testigo cha, 'ay spoder eb' smacn 'och wan n̈ab', sec man̈xtzac yac' n̈ab' yic tz'ec' yalnc 'el eb' spaxti Dios. 'Ay pax spoder eb' ya'n 'och a a chic'al. Tzta'n̈j ya'n 'och eb' tzann̈j yailal 'a yolyib'n̈q'uinal, a tzyala 'aj tznib'j eb'.