2 Cr 6:17 - Chuj San Sebastian Bible

¹⁷ A wal ticnec jun Mamin Jehová, ach qui Diosal on̈, 'el'ch cab' tas 'aj a'jnac can a ti cha.

Chuj San Mateo Bible

¹⁷ Yuj chi', Mamin Jehová co Diosal, elocab'c'och b'aj ac'nac a ti' d'a vin̈ in mam a checab' chi'.

2 Cr 6:17 ပူးပေါင်းရင်းမြစ်များ

2 Cr 6:14

'ix yaln 'ixtic: —Mamin Jehová, ach qui Diosal an̈ Israel on̈ tic on̈, may junc xo Dios lajn et' 'a satcha'an̈ yet' 'a sat lum tic, yujto tzac' 'el'choc a trato, tza ch'oxn pax a wach'c'ojlal 'a eb' tzyiclni yet' smasnil sc'ojl 'a tas tzala.

2 Cr 6:16

Yuj cha Mamin Jehová, ach qui Diosal on̈, 'el'ch cab' pax tas a ta'wjnac 'a jun a checb' David, yic alni to 'ayn̈j eb' yin̈tl 'oj 'och 'a sdespacho yic tzya'n yajlil 'a yib'n̈ chon̈b' Israel, cojn toto yiclum 'oj yutc sb'a eb' 'ayach, 'icha wal yutjnac sb'a in mam.

2 Cr 6:18

Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

2 Cr 6:4

'Ix yaln win 'ixtic: Alx cab' wach' paxti 'a Jehová qui Diosalec an̈ israel on̈c tic, tox 'ix 'el'ch tas yaljnac yet' sti 'a in mam, atn David, yic yaln 'ixtc 'a 'a:

Ex 24:10

Ata xyil eb' israel chi sDiosal. Caw tzictzni yilx 'aj te'n 'ejm yoc, lajn yilx 'icha q'uen zafiro, caw yaxt'ujnac yilx 'icha satcha'an̈.

Is 41:17

A eb' 'anma to meb'a', eb' may tas 'ay 'a 'a, tzsayc' eb' cob' a a', palta matz 'ilchj a yuj eb'. Caw tacn̈tzaynac tz'aj yac' eb' yuj tacn̈ti'al. An xo Jehová in tic, 'oj in colwjn̈ej 'a eb', ma'oj wactc can eb'.

Is 45:3

Ax ricoal to c'ub'b'il 'eli yet' tas to c'ultac yaji, 'oj wac' 'ayach, sec wach' tzojquej 'eli to an ton Jehová in, sDiosal in chon̈b' Israel, an ach wawtej.

Jeremías 11:5

Toto ax tic, 'oj eyiclc tas tzwal 'ayex, to 'ixta', 'oj wac' 'el'choc in ti wa'jnac 'a eb' e mam eyicham, yic tzwa'n jun e lu'um, atn lum caw 'ay syaxil sat 'aj 'ayx 'ec' ticnec, xchi Jehová, xa chi 'a eb', xchi 'ayin. Yuj cha, in ta'w 'ixtc 'a 'a: B'o cab' 'ixta Mamin Jehová, xin chi.

Jueces 13:11

Yajn̈ej 'ix cot win Manoa cha. 'Ix c'och yet' 'ix 'a 'aj 'aycn jun winc cha. 'Ix yaln 'ixtc 'a winac: —¿Ach am tic wulnc ach 'ec' paxtinc yet' 'ix wistzil tic 'a jun 'el? xchi. 'Ix ta'w win 'a 'ixtic: —N', an ton tic, xchi.