2 Cr 6:11 - Chuj San Sebastian Bible

¹¹ An̈jtona', tox 'ix wa'ch te caxa 'aj 'ay 'ejm strato Jehová sb'ojnac quet'ec, xchi Salomón.

Chuj San Mateo Bible

¹¹ Toxo pax ix vac'och te' scaxail strato Jehová sb'onac qued'oc d'a yool, xchi vin̈.

2 Cr 6:11 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:21

A pax 'a yojol, ata xwa'cn b'o jun lugar 'aj tzcan te caxa 'aj 'ay 'ejm strato Jehová ya'jnac can yet' eb' qui mam quichmec, yic yi'n 'elt eb' 'a lum Egipto, xchi Salomón.

A Ch'an̈ B'ab'el Libro Yic Yab'ixal Eb' Rey 8:9

May junc xo tas 'ay 'ejm 'a yojl te caxa cha, cojn wal chapachn̈ q'uen q'uen ya'jnac can 'ejm Moisés 'a yojl te 'a Horeb, tzcuch pax Sinaí, atn q'uen 'aj tz'ib'b'il can 'och strato Jehová ya'jnac can yet' eb' israel, yic yelt eb' 'a lum Egipto.

2 Cr 5:10

A 'a yojl te caxa cha, cojxn chapachn̈ q'uen q'uen ya'jnac can 'ejm Moisés 'a yojl te 'a Horeb, cojxn chi 'ay 'ejmi, atn eb' q'uen 'aj tz'ib'b'il can 'och strato Jehová ya'jnac can yet' eb' israel, yictax yelt eb' 'a Egipto.

2 Cr 5:7

Xlajw cha, 'ix 'at ya'nc 'och eb' ya'mal 'och sti eb' 'anma te caxa chi 'a yet'ul, 'a jun Lugar to cojn Dios 'ay yico', 'a yaln̈ sc'axl jun tzo'n̈ yechl querubín 'a yol yatut Dios cha.

2 Cr 6:10

A ticnec jun, tox 'ix 'el'ch tas yaljnac Jehová. 'Icha 'ix yutj yaln cha, an in 'och reyl sjelc in mam, in 'em wocn 'a sdespacho yic tzwa'n reyl 'a eyib'an̈. Yuj cha, xin b'on chan̈ jun n̈a tic yico'oc Jehová qui Diosalec.

2 Cr 6:12

'Ay jun b'achnub' to nab'a bronce 'ix yac' b'o 'a snan̈l 'amac', chab' metro yet' 25 centímetro spac'b'il, 'ixta pax xchiquin, jun metro yet' 35 centímetro ste'il. Yajn̈ej 'ix q'ue lin̈n Salomón 'a yib'n̈ jun b'achnub' cha, atn 'a yojltac jun yet'l xajmb'al to yic Jehová. Lin̈n 'ec' smasnil eb' yit chon̈b' 'a spatquil. 'Ix 'em cuman, xyi'n chan̈ sc'ab' xleslwi,

Salmos 50:5

Tzyaln 'ixtic: Molb'tzej cot eb' to wicxo yaji, eb' xya' yofrenda 'ayin yic sb'on eb' jun strato wet'oc, xchi.

Ex 40:20

Xya'n 'ajxocq'ue junx slan̈l yib'n̈ mantiado cha. Xlajw cha xyi'n cot Moisés chi chapachn̈ q'uen q'uen 'aj tz'ib'b'il 'och lajn̈e checnb'il, xya'n 'ejm 'a yojl te scaxail trato. Xya'n 'och te can̈nub' tzb'achn b'ey jun caxa cha, xya'nq'ue smacl sti yib'an̈. Xlajw cha, xya'n 'ajxoc 'och 'a yojl scajnub' Dios, xya'n locxocq'ue te cortina tz'och yen̈loc te caxa cha, 'icha wal yaj yaln Jehová 'a 'a.

A Ch'an̈ Carta D'a Eb' Hebreo 9:4

Ata 'ay jun yet'l 'a 'aj tzn̈usx jun tzo'n̈ incienso, a jun cha, nab'a oro. Ata 'ay pax scaxail strato Dios, c'uxn 'aych oro 'a spatic. Ax 'a yojol, ata 'ay 'ejm jun q'uen chen oro, 'ay 'ejm maná 'a yojol. Ax 'a stz'ey jun chen cha, ata 'ay 'ejm jun sc'occh Aarón 'ix wolni. 'Ay 'ejm pax chab' q'uen 'aj tz'ib'b'il can jun strato Dios.