2 Cr 4:8 - Chuj San Sebastian Bible

⁸ 'Ix sb'on pax lajn̈e mexa, xlajw cha, 'ix 'at ya'nc 'och 'a yojl yatut Dios, o'e tzcan 'a stojlal sur, ax o'e xo tzcan 'a stojlal norte. 'Ix sb'on pax jun ciente niwc vaso to nab'a oro.

Chuj San Mateo Bible

⁸ Ix b'o pax lajun̈e' mexa, ix ac'chajoch d'a yol templo chi', oye' d'a stojolal sur, oye' pax d'a stojolal norte. Ix b'o pax 100 nivac uc'ab' nab'a oro.

2 Cr 4:8 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 7:48

Xlajw cha, 'ix ya'n pax b'o smasnil jun tzo'n̈ yamc'ab' 'ayc' 'a yol yatut Jehová: jun yet'l xajmb'al nab'a oro, jun mexa nab'a oro 'aj tz'ejm 'ixm pan 'a yojltac Jehová.

2 Cr 4:19

An̈jtona', xya'n pax rey Salomón b'o jun tzo'n̈ xo yamc'ab' to yic yatut Dios tz'aji: Atn jun yet'l 'aj tz'a incienso to nab'a oro, jun tzo'n̈ mexa 'aj tz'ejm tzoln 'ixm pan 'a yojltac Jehová,

Is 25:6

A Jehová tztac' yuj smasnil, a 'a tzaln Sión ata 'oj sb'o jun niwn wa'el. 'Oj yac' wa smasnil eb' nacion̈ ta', a jun schib'l wal cha, caw wal wach', ax ya'n yuc' eb' yal uva jawnac sti', atn jun yal uva to caw wach' yaj sb'o'i.

Ez 44:16

'Oj stac' pax yoch eb' 'a yol watut in yac' servil yic tzc'och eb' 'a yojltac yet'l xajmb'al, cojn eb' 'oj stac' ya'w servil ta'.

Zacarías 14:20

A wal 'a yic jun c'ul cha, a 'a q'uen cotc campana 'aych 'a sjaj e no chej, 'oj tz'ib'xoc 'och 'a q'uen 'ixtic: Yic xo Jehová yaji, 'oj xchioc. Yet' smasnil chen 'oj c'anxoc 'a yatut Jehová 'a 'aj tztaj no chib'ej, yic pax 'oj 'ajoc, 'icha jun tzo'n̈ niwc vaso tzc'anlb'ax 'a yet'l xajmb'al.

Malaquías 1:12

Palta ax xo tic, 'in caw may jac wel'ch 'a e sat, 'in tzeyala to may yel'ch jun yet'l xajmb'al cha, yet' jun tzo'n̈ schib'l wal tzeyac' xajmb'al-l 'ayin.

1 Co 10:21

Matz tac' qui comn 'u'lb'anec jun vaso yic Cajlil, toto tzcu'lb'ejec pax jun yic ewin demonio. An̈jtona', matz tac' qui comn wanec jun pan tz'ajx 'ayn̈ec 'a smexa Cajlil, toto tzqui c'uxc jun tzo'n̈ tas tz'ajx 'a smexa ewin demonio cha.