2 Cr 4:7 - Chuj San Sebastian Bible

⁷ An̈jtona', 'ix sb'on pax lajn̈e sb'achnub'al cantil to nab'a oro 'icha xon yaji. Xlajw cha, 'ix 'at ya'nc 'och 'a yol yatut Dios, o'e tzcan 'a stojlal sur, ax o'e xo tzcan 'a stojlal norte.

Chuj San Mateo Bible

⁷ Ix b'o pax lajun̈e' b'achnub' candil nab'a oro, icha ix aj yalan Dios. Ix ac'chajoch d'a yol templo chi', oye' d'a stojolal sur, oye' d'a stojolal norte.

2 Cr 4:7 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 7:39

O'e jun tzo'n̈ careta chi tzcan 'a stojlal sur 'a jun yatut Dios cha, ax o'e xo tzcan 'a stojlal norte. Ax jun niwquil pila cha, ata tzcan 'a stojlal sur, yet' 'a stojlal 'aj tzq'uel c'u.

A Ch'an̈ B'ab'el Libro Yic Yab'ixal Eb' Rey 7:49

'Ix ya'n pax b'o jun tzo'n̈ yet'l cantil nab'a oro 'ayc' 'a yojltac 'elt jun Lugar to cojn Dios 'ay yico', o'e tzcan 'a stojlal sur, ax o'e xo tzcan 'a stojlal norte. 'Icha nichte', 'ixta yajch yelwnub'l jun tzo'n̈ yet'l cantil cha, yet' jun tzo'n̈ cantil, yet' pax jun tzo'n̈ sluchlab'il 'el stan̈il mecha nab'a oro paxi.

1 Cr 28:12

An̈jtona', 'ix ya'n pax yechl smasnil tas ya'jnac Espíritu nachjoc 'el yu'uj, atn tas 'oj 'aj sb'o yamq'uil, yet' jun tzo'n̈ cuarto 'oj 'och 'a spatquil, yet' jun tzo'n̈ cuarto 'aj 'oj molxoc ofrenda yet' jun tzo'n̈ tz'ajx siylab'il 'a Dios.

1 Cr 28:14

'Ix ya'n slistail yuj jantc q'uen oro mto q'uen plata 'oj 'och 'a junjn c'aj syamc'ab'il yatut Jehová cha,

1 Cr 28:15

atn 'a sb'achnub'al cantil, yet' pax 'a junjn cantil cha,

1 Cr 28:19

Yuj cha, xyaln pax David 'ixtc 'a Salomón: Smasnil jun tzo'n̈ tic, tz'ib'b'il cani, caw a Jehová 'ix 'a'n nachjc 'el wu'uj, ata tzyal yuj tas tz'aj sb'o smasnil munljel cha, 'icha yaj 'a yechel.

Jn 8:12

'Ix yaln pax Jesús 'ixtc 'a scal eb' 'anma cha: —An tic, 'icha sacq'uinl waj 'a eb' 'anma 'ay 'a yolyib'n̈q'uinl tic. A eb' tz'och in cuywumoc, 'oj wac' sacq'uinl 'a spixn eb'. Yuj jun sacq'uinl cha, 'oj scha eb' sq'uinl 'a jun 'ejmn̈ej. Man̈x 'oj b'ey eb' 'a scal q'uic'q'uinal, xchi Jesús.

A Ch'an̈ Carta D'a Eb' Hebreo 8:5

Palta a yopiso eb' cha, ton̈j ch'oxnb'il yaj yuj tas 'ay 'a satcha'an̈. 'Icha to yen̈ln̈ej yaji. Cojquec, to ton̈j ch'oxnb'il yaji, yujto a yic mantzac sb'o Moisés jun scajnub' Dios, yaln Dios 'ixtc 'a 'a: Tzcham wal elni, 'icha wal tzwutj in ch'oxn yechl 'aych 'a sjolm lum witz tic, 'ixta wal tzotj a b'oni, xchi 'a 'a.

Apoc 1:20

'Oj wal 'ayach, tas tzyal 'el'ch uque c'anal 'ix el 'a yol in wach' c'ab', yet' uque yet'l cantil nab'a oro 'ix ela. A uque c'anal, atn eb' in checb' yucwn̈il 'a uque iglesia. Ax uque yet'l cantil, tzyal 'el'chi, atn uque iglesia cha, xchi Jesús.