2 Cr 4:6 - Chuj San Sebastian Bible

⁶ An̈jtona', sb'on pax lajn̈e cotc pila to nab'a bronce 'aj tzb'icx smasnil tas tzc'anx 'a yic tz'ajx tz'a xajmb'al to tz'a smasnil; o'e tzcan 'a stojlal sur, ax o'e xo tzcan 'a stojlal norte. A 'a jun niwquil pila cha, ata tz'achn eb' ya'mal 'och sti eb' 'anma 'a Dios.

Chuj San Mateo Bible

⁶ Ix b'o pax lajun̈e' yunetac pila nab'a bronce b'aj sjuc'chaj masanil tas sc'anchaji ayic sn̈uschaj silab'. Oye' ix can d'a stojolal sur, oyexo d'a stojolal norte. Axo d'a jun nivan pila chi' sb'ic sb'a eb' vin̈ sacerdote.

2 Cr 4:6 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 7:38

Sb'on pax lajn̈e cotc pila to nab'a bronce. Lajn 'ix 'aj yechl smasnil, colb'il tz'ejm 220 galón a 'a yojol. A yechl junjn pila cha, jun metro yet' 80 centímetro. Junjn 'ix 'och 'a yib'n̈ junjn careta cha, 'ix q'ue b'achn 'a yib'an̈.

A Ch'an̈ B'ab'el Libro Yic Yab'ixal Eb' Rey 7:40

An̈jtona', 'ix sb'on pax Hiram jun tzo'n̈ chen, niwc luchlab', yet' 'uc'ab'. 'Ixtnta 'ix 'aj slajw sb'o smasnil jun tzo'n̈ 'ix yac' rey Salomón b'o 'a yatut Jehová.

2 Cr 4:2

An̈jtona', 'ix ya'n b'o jun niwquil pila yet'l a', nab'a bronce, setn xoj x'aji. Nan̈l yol metro x'aj yojol, xcot 'a jun pac' sti', masnto xc'och 'a jun pac' xo. A ste'il, chab' metro yet' 25 centímetro, ax spatquil, nan̈l schan̈lajn̈il metro.

Salmos 51:2

B'icl in maysch'olnilal, sacb'tzej in 'a scal in mul,

Ex 29:4

Tzlajw cha, tze'n 'at Aarón yet' eb' yunnal 'a yol sti Mantiado 'a 'aj tzin chaj in b'a eyet'oc, tzaln 'a eb' to tz'achn can eb' ta'.

Ex 30:17

'Ix yaln pax Jehová 'a Moisés 'ixtic:

Ez 40:38

A 'a yojl 'och sti junjn puerta cha, ata 'ay junjn cuarto 'a sti corredor, ata tzb'icx 'el no noc' tz'ajx xajmb'alil.

Lv 1:13

A mach tz'a'n no xajmb'al cha, yowlal a tzmaxn 'el no yol sc'ojol, no xub' yet' pax no yoc; ax win ya'mal 'och sti eb' 'anma cha, a tz'a'n tz'a no smasnil 'a yib'n̈ jun yet'l cha. A jun xajmb'al cha, caw wach' sjab' tzwab' an Jehová in.

Lv 1:9

A mach tz'a'n no xajmb'al cha, yowlal a tzmaxn 'el no yol sc'ojol, no xub' yet' pax no yoc. Ax win ya'mal 'och sti eb' 'anma cha, a win tz'a'n tz'a no smasnil 'a yib'n̈ yet'l xajmb'al cha. A jun xajmb'al cha, caw wach' sjab' tzwab' an Jehová in.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

A Ch'an̈ Carta D'a Eb' Hebreo 9:23

Yowlal ya'jnac ton eb' jun tzo'n̈ xajmb'al, yic tzsacb'tzax jun tzo'n̈ cha. Palta a jun tzo'n̈ cha, ton̈j yechl tas 'ay 'a satcha'an̈. Ax jun tzo'n̈ tas 'ay 'a satchan̈ cha, yowlal tzsacb'tzax yuj junx xajmb'al caw yel xo niwn yel'chi.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.