2 Cr 4:2 - Chuj San Sebastian Bible

² An̈jtona', 'ix ya'n b'o jun niwquil pila yet'l a', nab'a bronce, setn xoj x'aji. Nan̈l yol metro x'aj yojol, xcot 'a jun pac' sti', masnto xc'och 'a jun pac' xo. A ste'il, chab' metro yet' 25 centímetro, ax spatquil, nan̈l schan̈lajn̈il metro.

Chuj San Mateo Bible

² Ix b'ochaj pax jun nivan pila yed'tal a a' nab'a bronce, setansetan ix aji, nan̈al yoil metro ix aj slevanil sat, 2 metro yed' 25 centímetro ix ajq'ue steel stitac, axo jantac ix aj setan chi', 13 metro yed' nan̈alxo.

2 Cr 4:2 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 25:13

'Ix sma'n poj eb' soldado caldeo chi smasnil jun tzo'n̈ yamc'ab' nab'a bronce 'ay 'a yol yatut Dios: atn yoyal, yet' jun tzo'n̈ sb'achnub'al yaln̈ jun tzo'n̈ cotc pila, yet' jun niwquil pila 'aj 'ay 'ejm a a'. 'Ix yi'n 'at eb' q'uen bronce chi 'a Babilonia.

1 Cr 18:8

'Ix yi'n pax 'ec' jun tzo'n̈ q'uen bronce 'a chon̈b' Tibhat yet' 'a Cun, atn jun tzo'n̈ schon̈b' Hadad-ezer. Ax Salomón yunnal David, a c'anjnac jun tzo'n̈ q'uen bronce cha, yuj jun niwquil pila, chab' 'oy, yet' pax yuj smasnil yamc'ab' to nab'a bronce.

2 Cr 4:3

Ax 'a yaln̈ sti jun pila cha, ata 'aych chatzol yechl wacax, lajn̈e x'och 'a junjn 45 centímetro, junn̈j 'ix 'aj sb'o yet' jun pila cha.

Ex 38:3

An̈jtona bronce pax x'aj smasnil syamc'ab'il jun yet'l xajmb'al cha, atn 'aj tz'em stan̈il c'ac', syamnub'al, yuc'b'al yet' sluchlab'il, yet' pax yet'l stzac'ac'.

Ex 38:8

A q'uen nen nab'a bronce tzc'anlb'ej eb' 'ix 'ix 'aych yac' servil 'a yol sti Mantiado 'a 'aj tzchaj sb'a Jehová yet' eb' 'anma', a yet' q'uen xyac' Bezaleel b'o jun niwquil palagan yet' sb'achnub'al yalan̈.

Zacarías 13:1

A wal 'a yic jun c'ul cha, 'oj jacwc jun a pac'b'a', sec wach' 'oj stac' sb'icx 'el smul yet' smaysch'olnilal eb' yin̈tl David yet' eb' cajn 'a Jerusalén.

Tito 3:5

Yuj cha, on̈ colchj yu'uj. Man̈ yujoc junc tas wach' xqui b'o'o, on̈ colchji. Palta yujn̈ej to a Dios, 'ix 'o'ch sc'ojl 'ayon̈. A yic on̈ sacb'tzan yuj qui mul, 'icha to on̈ 'alj pax 'a scha'ejmal. Yuj Yespíritu 'ix jelmj qui nab'en.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.