2 Cr 4:19 - Chuj San Sebastian Bible

¹⁹ An̈jtona', xya'n pax rey Salomón b'o jun tzo'n̈ xo yamc'ab' to yic yatut Dios tz'aji: Atn jun yet'l 'aj tz'a incienso to nab'a oro, jun tzo'n̈ mexa 'aj tz'ejm tzoln 'ixm pan 'a yojltac Jehová,

Chuj San Mateo Bible

¹⁹ Ix schecanpax vin̈aj Salomón chi' b'ojoc juntzan̈xo yamc'ab' yic stemplo Dios chi', nab'a oro ix aji: Aton jun altar yed' juntzan̈ mexa b'aj tz'ac'chajem ixim pan d'a yichan̈ Jehová,

2 Cr 4:19 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 24:13

Xlajw cha, xya'n win 'ijxoc 'elt smasnil q'uen tumn 'ay 'a yatut Jehová yet' 'a sdespacho win rey Joaquín cha. Caw choc' 'ix yutj sma'n poj jun tzo'n̈ yamc'ab' to nab'a oro b'ob'il can yuj Salomón sreyl chon̈b' Israel, jun tzo'n̈ 'ayc' 'a yatut Jehová. 'Ix 'el'ch jun tic 'icha yaj yaln can Jehová.

1 Cr 28:16

yet' pax jun mexa nab'a oro, atn 'a 'aj yowlal 'oj 'em tzoln 'ixm pan to yic Jehová yaji, yet' junjn mexa to plata,

2 Cr 2:3

Xlajw cha, 'ix yaln 'at win 'a Hiram sreyl Tiro 'ixtic: ¿Tzac' am te c'ute 'ayin, 'icha otjnac a'n te 'a in mam, atn David, yic sb'on chan̈ yatut 'aj 'ix 'aj cajan?

2 Cr 36:10

A 'a yic b'ab'l 'uj 'a yic junx ab'il, 'ix yaln rey Nabucodonosor to tz'ijx 'at Joaquín 'a Babilonia yet' jun tzo'n̈ yamc'ab' to chan̈ stojol yic yatut Jehová. Ax Sedequías yu'tac can smam Joaquín cha, a xya'cn 'och win sreyloc Judá yet' Jerusalén.

2 Cr 36:18

An̈jtona', smasnil yamc'ab' yic yatut Dios, niwac yet' scotcal, yet' jantcn̈ej tas 'ay ta', yet' jantcn̈ej tas 'ay 'a yatut win rey, yet' eb' 'aych yajlil yet'oc, c'uxn 'ix yij 'at smasnil 'a Babilonia.

2 Cr 4:8

'Ix sb'on pax lajn̈e mexa, xlajw cha, 'ix 'at ya'nc 'och 'a yojl yatut Dios, o'e tzcan 'a stojlal sur, ax o'e xo tzcan 'a stojlal norte. 'Ix sb'on pax jun ciente niwc vaso to nab'a oro.

Jeremías 28:3

Yic wal chab' ab'il ticnec, ax wi'n pax meltzjoc smasnil syamc'ab'il watut 'ic'b'il 'at yuj rey Nabucodonosor 'a Babilonia.

Dn 5:23

A eco', to 'ix a b'an̈ a b'a 'a sat jun sYajlil satcha'an̈. 'Ix a'n 'ijxoc cot 'a ojltac jun tzo'n̈ svaso 'ayc' 'a yol yatut. Ach xo tic yet' smasnil eb' 'awtb'il cot o'oj, 'ix o'j 'an̈ yet' eb' 'a yojl jun tzo'n̈ vaso cha. 'Ix aln wach' paxti 'a jun tzo'n̈ comn dios nab'a plata, oro, bronce, hierro, te', yet' q'uen q'ue'en, atn jun tzo'n̈ matz tac' xon yilni, matz yab'i, may jac yojtac. Man̈oc 'a Dios 'aj 'ix al wach' paxti', palta ticni a 'a yol sc'ab' 'ayc' a q'uinal, a tzach 'i'n b'eyc'oc.

Mt 12:4

'Ochnc 'a yatut Dios, swajnac jun tzo'n̈ pan yicn̈ej Dios yaji, yet' eb' ajun yet'oc. A jun tzo'n̈ pan cha, cojn eb' ya'mal 'och qui ti 'a Dios, an̈j eb' 'ay sleyl swani. Man̈ sleyloc scomn wan David yet' eb' ajun yet' cha, palta man̈ mulc jun chi sb'o eb' 'a sat Dios.

Apoc 8:3

Xlajwn̈ej cha, 'ix jaw junx ángel yet' jun tz'ab'c'ac' nab'a oro, yet'l 'aj tz'a incienso. 'Ix c'och lin̈n yet' 'a yojltac jun yet'l xajmb'al. Caw niwn incienso chi 'ix 'ajx 'a 'a, yic tzn̈usn 'a yib'n̈ jun yet'l xajmb'al nab'a oro 'ayc' 'a yojltac jun despacho cha. A yic xc'och su'q'uil sjab' jun incienso cha, 'ix c'och pax slesl eb' yic xo Dios yet'oc.

Apoc 9:13

'Ix yutz'n jun swacl ángel pax strompeta. Ax jun yet'l xajmb'al nab'a oro 'ayc' 'a yojltac Dios, 'ay sch'ac 'a yisquinyoal schan̈il. Ata xwab' yoch jun 'aw.