2 Cr 36:16 - Chuj San Sebastian Bible

¹⁶ Palta ton̈j 'ix tzetzx eb' schecb' Dios chi yuj eb', may yel'ch tas 'ix yal eb' chi 'a sat eb', tzb'uchwj pax eb' 'a eb' schecb' Dios cha, masnto xjaw yowl sc'ojl Jehová 'a yib'n̈ schon̈ab', man̈xtzac stac' yoch wa'an.

Chuj San Mateo Bible

¹⁶ Palta ton̈ej ix stzetzej eb' schecab' Dios chi' eb', malaj yelc'och tas ix yal eb' d'a sat eb'. Ix b'uchvaj eb' d'a eb' schecab' Dios chi', masanto ix em val yoval sc'ol Jehová d'a yib'an̈ schon̈ab' chi', majxo yal-laj yoch vaan.

2 Cr 36:16 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 2:23

Xlajw cha, 'ix 'at Eliseo 'a chon̈b' Bet-el. A yic wan sb'ey 'a jun b'e tzq'ue'ch 'a chon̈b' cha, 'ix 'elt jun tzo'n̈ quelmtac winc 'aj chon̈b' chi 'a sat, 'ix syamn 'och eb' sb'ajni, 'ix yaln eb' 'a 'ixtic: Q'uen̈ta ach wacal jolom, xchin̈j eb'.

1 Cr 19:4

Yuj cha, 'ix ya'n Hanún yamchjc eb' schecb' David cha, 'ix joxx 'el xil sti eb', 'ix slot'x 'el sti spichl eb', masnto 'ix q'ue'ch yel 'a sti syop eb'. Xlajw cha, 'ix checx meltzjoc eb'.

2 Cr 24:19

'Ix schecn cot Jehová schecb' 'a eb', sec tzya'x 'och eb' sc'ojl 'a 'a, palta man̈xtoc xchaj eb' yab' 'a eb' schecb' Dios cha.

2 Cr 30:10

C'uxn 'ix 'ec' eb' checb' chi 'a smasnil yol yic Efraín yet' 'a yol yic Manasés. X'ec' eb' 'a junjn chon̈ab', masnto 'ix c'och eb' 'a yol yic Zabulón. Palta ax eb' 'anma cha, ton̈j xtzewj eb', xb'uchwj eb' 'a eb' checb' cha.

Esdras 5:12

An̈jtona', xyaln pax eb', to a smam yichm eb' tzuntzjnac cot yowl sc'ojl Dios 'ay yic satcha'an̈, yuj cha, yajx 'och ab' eb' 'a yol sc'ab' win Nabucodonosor sreyl Babilonia, win yin̈tl eb' caldeo. Ab' ma'jnac 'ejm lan̈chjoc jun yatut Dios cha, xlajw cha, xyi'n 'at eb' 'anma 'a 'icha presoal 'a Babilonia cha.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Nehemías 9:30

Caw niwn yab'lil 'ix ac' techjoc yet' eb'. A Espíritu 'ix 'a'n yojcoc 'el eb' a checab', ax eb' 'ix aln pax yab' eb', palta ma'ix chaj eb' yab'i'. Yuj wal cha, 'ix a'n 'och eb' 'a yol sc'ab' jun tzo'n̈ chon̈b' 'ajc'ojl yajch 'a eb'.

Salmos 35:16

Caw ya in 'ec' yuj eb', in laj sb'uch eb', xjuch'ch'i ye eb' in yiln yet' schichnc'ojlal.

Salmos 74:1

Ach qui Diosal on̈, ¿tas yuj on̈ actj can qui ch'ocj 'a jun 'ejmn̈ej? ¿Tas yuj caw tzn̈ilchj chan̈ yowl a c'ojl 'a yib'n̈ jun a chon̈b' tic?

Pr 29:1

A mach pit tzyutj sb'a, wach'xam niwn 'ejm tz'ajx cuenta, a jun cha, caw ji'lti 'oj 'aj slajw 'eli, man̈x 'oj stac' scoln sb'a.

Pr 6:15

Yuj cha, caw yajn̈ej ax sjaw yailal 'a yib'n̈ eb'. Wal 'a jun mutz'satil ax slajw 'ejm eb', man̈x 'a wach' 'oj yutc sb'a eb'.

Is 28:22

A ticnec 'an, man̈x ex b'uchwjoc, sec wach' ma'oj niwtjoc yailal 'a eyib'an̈. 'Ix wab' tas 'ix yal Jehová tztac' yuj smasnil, tox 'ix sna'a to 'oj yac' lajwc smasnil tas 'ay 'a yol smacb'en jun nacion̈ tic.

Is 5:4

¿'Ayt am jacx tzwutj te 'in b'oni? ¿'Ayt am ma'ix nachj wu'uj, tas wal tz'aj te yawxi? To cob' xin tan̈wj ya'n te sat caw wach', ax x'aji paj te sat tic.

Is 57:4

¿Mach 'aj tzex b'uchwj tze na'a? ¿Mach jun chi tzeyetz'tej, tzlaj e ju e sat 'a 'a? Ax tic, caw wal tenmtaquex, 'a'm ex 'es.

Is 65:12

Palta an pax wojtac tas yowlal tzjaw 'a eyib'n̈ cha, a tas wach' cob' tan̈b'il eyu'uj. Caw maysch'olnil 'oj 'aj 'el'ch 'a eyib'an̈: 'Oj wac' tzu'xoc 'el e jolm yet' q'uen espada, yujto xcob' ex wawtej, palta ma'ex ta'w 'ayin. In cob' 'awj 'ayex, palta ma'ix e tz'ac eyab'i'; a tas matz in nib'ej, a chi xe b'o'o.

Jeremías 13:10

A jun tzo'n̈ et chon̈b' yel xo wal maysch'olnil tic, caw matz nib'j eb' tzyiclj in checnb'il, cojn tas tzchaj sc'ojl eb', an̈j chi tzb'o eb'. 'Ix 'och tza'n eb' yuj jun tzo'n̈ comn dios yic tzya'n servil eb', yet' yuj ya'n eb' 'emmquilal 'a 'a. An Jehová in, an tzwala to lajn wal eb' yet' jun jal-l man̈x 'a jac yopiso tic.

Jeremías 20:7

Mamin Jehová, caw ton̈j in 'a montej. 'Ix in yiclj tas 'ix ala. Yel xo wal caw 'ay ep, yuj cha, in 'ejm o'oj. Smasnil tiempo tzin tzetzxi, smasnil xoj 'anma tzin b'uchni.

Jeremías 20:8

A yic tzin paxtin 'a eb' 'a junjn 'ejem, tzwaln 'ixtc 'a eb': 'Oj jawc yailal 'a eyib'an̈, 'oj e lajw 'eli, xin chi 'a eb'. Yuj wal cha, 'ayn̈j 'och eb' yaln tu paxti 'ayin, tzin sb'uchn pax eb', yujn̈ej to tzwal-l a paxti'.

Jeremías 30:12

Tzyaln pax Jehová 'ixtc 'a eb' schon̈ab': A wal tas lajwnac 'ayx cha, ma'oj stac' yan̈txi, a eyailal cha, caw man̈x 'a sremelal.

Jeremías 32:3

A win rey Sedequías cha, in yac' win yamchjoc, sec tzin 'och 'a preso, yujto waljnac 'ixtic: A Jehová tzaln 'ixtic: 'Oj wa'ch jun chon̈b' tic 'a yol sc'ab' win sreyl Babilonia.

Jeremías 32:33

Ma'ix cot q'ueln eb' 'ayin, palta to a yichspatc eb' xya' cot 'ayin. Wach'xam caw ma'ix 'och wan in cuyn eb', palta ma'ix schaj xon eb' yab'i', a tas 'aj xin tench wan eb', caw may yel'ch 'a sat eb'.

Jeremías 38:6

Yuj cha, in syamn cot ewinac. Xlajw cha, in ya'n 'ejm ewin yet' lasu 'a yojl jun xab' 'a 'aj tzyam sb'a a a'. A jun xab' cha, yic Malquías yunnal win rey cha. Ata 'ay 'a jun 'amc' 'a 'aj 'ayc' eb' tztan̈wni despacho. A jun xab' cha, man̈x a 'a yojol, cojxn b'i'ch 'ay, yuj cha, ax yic in 'emch 'a yich, in 'atcn 'a scal b'i'ch cha.

Jeremías 42:18

A Jehová tztac' yuj smasnil, atn qui Diosalec, a tzaln pax 'ixtic: 'Icha wal x'aj sjaw yowl in c'ojl 'a yib'n̈ eb' cajn 'a Jerusalén, 'ixta wal 'oj 'aj sjaw pax 'a eyib'n̈ ax tic, toto 'oj e 'at 'a Egipto cha. 'Oj jawc catb' 'a eyib'an̈. A yic 'oj ex yilnc 'och jun tzo'n̈ xo nacion̈, 'oj xiw eb' eyu'uj, ax ex sb'uchn pax eb'. Man̈x 'a b'a'n̈ 'oj e japx wul eyil jun e lum tic jun 'ejm xo, xchi Dios.

Dn 9:6

A tas yaljnac can 'el eb' a checab', ma'ix qui yiclj on̈. Yaljnac eb' a paxti 'a eb' qui reyl on̈, 'a eb' yajl yaj 'a qui cal on̈, 'a eb' qui mam quichm on̈, yet' pax 'a smasnil eb' quit israelal on̈.

Lv 26:15

Toto tze patquilj can 'el in cuynb'il, may yel'ch in checnb'il 'ayex, tzeyixtn 'el in trato in b'ojnac eyet'oc,

Mt 23:34

'Ab'ec, 'oj in checb't jun tzo'n̈ eb' schecb' Dios 'ayex, yet' eb' 'ay sjelnal 'a yic Dios, yet' eb' cuywjum. 'Ay eb' 'oj eyac' q'ue 'a spenc culus, ax scham eb' eyu'uj. 'Ay eb' 'oj e mac' 'a yol jun tzo'n̈ e capiya. 'Ay pax eb' 'oj e pech b'eyc'oc 'a junjn chon̈ab'.

Mt 5:12

Tzaljan̈c si'mb'il, yujto caw niwn spac 'oj e cha 'a satcha'an̈. 'Icha tz'ajx 'och 'a eyib'n̈ ticnec, 'ixta 'ajxnac 'och 'a yib'n̈ eb' schecb' Dios 'a pecti'.

Lc 16:14

Ax ewin fariseo cha, c'uxn xyab' ewinac tastc 'ix yal Jesús. Palta cojxn wal tumn 'aj 'aych snab'en ewinac. Yuj cha, ton̈j xb'uchwj ewin 'a 'a.

Lc 18:32

Ata 'oj wajx 'och 'a yol sc'ab' eb' man̈ israeloc. 'Oj in sb'uch eb', ax yaln eb' maysch'olnil 'ayin. 'Oj in stzub'c eb'.

Lc 23:11

Yuj cha, ax win Herodes cha, yet' eb' soldado winac, caw xb'ajwj eb' 'a Jesús. 'Ix laj b'uchwj pax eb' 'a 'a. 'Ix stz'acn eb' ya'ch jun tzo'n̈ pichl caw wach' yilx 'a 'a, 'icha yic eb' rey. Xlajw cha, xya'n pax 'at win 'a win Pilato.

Lc 23:36

An̈jtona ewin soldado, xb'uchwj ewin 'a 'a. 'Ix c'och ewin 'a stz'ey, xcob' ya'nc ewin yuc' vinagre.

Lc 6:23

Tzaljan̈ec, 'ay cab' e tzaljc'ojlal si'mb'il, yujto caw niwn spac 'oj e cha 'a satcha'an̈. 'Icha tz'ajx 'och 'a eyib'n̈ ticnec, 'ixta 'ajxnac 'och 'a yib'n̈ eb' schecb' Dios pecti'.

A Tas Sc'ulejnac Eb' Schecab' Jesús Hechos 13:41

Ex b'uchwjum, 'iltec. Sat cab' e c'ojl eyilni, ax e chami. Yujto 'ayx 'ec' 'a in nab'en tas 'oj in b'o 'a e cal 'a jun tiempoal tic, palta ma'oj e cha eyab'i' yic 'oj alxoc 'ayex, xchi Dios 'a Ch'an̈ U'un̈, xchi Pablo 'a eb'.

A Tas Sc'ulejnac Eb' Schecab' Jesús Hechos 17:32

A yic xyab'n eb', to tzpitzw pax eb' chamnac, 'ay eb' xb'uchwj 'a 'a, palta 'ay jun tzo'n̈ xo eb' xaln 'a 'ixtic: —'Oj qui c'anb'c cab' jun tzo'n̈ tic 'aych jun 'ejm xo, xchi eb'.

A Tas Sc'ulejnac Eb' Schecab' Jesús Hechos 2:13

Palta 'ay jun tzo'n̈ xo eb', ton̈j 'ix b'uchwj eb'. 'Ix cob' yalnc eb' 'ixtic: —A jun tzo'n̈ eb' tic, 'u'm 'an̈ eb', xchi eb'.

A Tas Sc'ulejnac Eb' Schecab' Jesús Hechos 7:52

A eb' schecb' Dios pecti', c'uxn xlaj yab' eb' syal yuj eb' qui mam quichmec cha. 'Ay jun tzo'n̈ eb' aljnac cani, chajtlto 'oj jawc jun tojl snab'en, 'ix milx cham eb' yuj eb'. Ax yic 'ix jaw jun cha, ax xo xeya'ch 'a yol sc'ab' chamel, xeya'n milxc chamoc.

1 Ts 4:8

Toto 'ay mach tzchichn 'och 'a jun tzo'n̈ checnb'il tic, a 'a Dios wan schichn 'ochi, man̈oc 'a junc 'anma'. Palta atn Dios 'a'jnac 'och Yespíritu 'ayn̈ec.

A Ch'an̈ Carta D'a Eb' Hebreo 11:36

'Ay jun tzo'n̈ xo eb' yab'jnac syal sb'uchxi, sma'xi. 'Ay eb' jalxjnac yet' q'uen cadena, yoch pax eb' 'a preso.

Jueces 2:17

Palta a eb' israel cha, ma'ix schaj eb' yab' tas xyal eb' tzcoln eb' cha, palta to 'ix 'och tz'a'n eb' yuj jun tzo'n̈ comn dios, atn jun tzo'n̈ 'aj tzyac' 'ejm sb'a eb'. Yajn̈j cha xyi'n 'el sb'a eb' 'a jun b'eyb'al sb'eylb'ejnac eb' smam yichm eb'. A wal eb' smam yichm eb' cha, caw yiclum yutjnac sb'a eb' 'a schecnb'il Jehová, palta ax eb', man̈ 'ixta'oc xyutj sb'a eb'.