2 Cr 36:12 - Chuj San Sebastian Bible

¹² Palta caw maysch'olnil x'el sb'on 'a sat Jehová sDiosal. Ma'ix syiclj tas xyal Jeremías schecb' Dios 'a 'a, atn tas 'ix 'ajx yal yuj Jehová.

Chuj San Mateo Bible

¹² Te chuc tas ix sc'ulej vin̈ d'a yichan̈ Jehová. Maj sna sb'a sc'ool vin̈ yuj scachnab'il ix schec Jehová yal vin̈ schecab' aj Jeremías.

2 Cr 36:12 ပူးပေါင်းရင်းမြစ်များ

2 Cr 32:26

A yic xyi'n chan̈ sb'a Ezequías yet' snab'en cha, ax 'a spatquil xo xyi'n 'ejm sb'a 'a yojltac Dios yet' eb' cajn 'a Jerusalén. Yuj cha, man̈toc 'ix ya' cot Jehová yowl sc'ojl 'a yib'n̈ eb', ya' sb'a pitznto Ezequías cha.

2 Cr 33:12

Palta ax yic xyab'n wal syal cha, 'ix leslwi 'a Jehová sDiosal, xyi'n 'ejm sb'a si'mb'il 'a yojltac sDiosal yet' eb' smam yicham.

2 Cr 33:19

Tz'ib'b'il pax slesal, yet' tas x'aj yo'ch sc'ojl Dios 'a yuj slesl cha. An̈jtona', tz'ib'b'il smasnil smul yet' stenmtaquil, yet' jun tzo'n̈ macsej sb'o chan̈ 'a jolmctac witz yet' 'a 'aj sb'o 'ejm yechl comn dios tzcuch Aserá yet' jun tzo'n̈ xo yechl comn dios, yic mantzac yij 'ejm sb'a 'a Dios. A jun tzo'n̈ cha, ata tz'ib'b'il can 'a ch'an̈ libro yic yab'xil eb' schecb' Dios.

2 Cr 33:23

Palta may xon 'aj 'ix yij 'ejm sb'a 'a yojltac Jehová jun 'ejmoc, 'icha yutjnac yi'n 'ejm sb'a smam.

2 Cr 35:22

Palta ax Josías ma'ix syiclj smeltzji, to 'ix ste'wtzej sb'a ya'n owl yet'oc. Ma'ix schaj yab' tas 'ix yal Necao, tic pax a Dios 'ix alni. Yuj cha, 'ix ya'n owl yet' 'a jun pan̈n 'a'lic 'a yol yic Meguido.

Ex 10:3

Xlajw cha, 'ix 'atx Moisés yet' Aarón 'at yil win rey chi jun 'ejm xo, 'ix yaln pax eb' 'a win 'ixtic: —A Jehová qui Diosal an̈ israel on̈ tic on̈, a tzaln 'ixtc 'ayach: ¿Jantcto wal tiempo 'oj ac' pitb'oc a b'a, yic matz ej 'ejm a b'a 'ayin? 'A'l eb' in chon̈b' tic 'a libre, yic tz'at ya'nc eb' 'emmquilal 'ayin.

Jeremías 1:1

A 'a jun libro tic tz'ib'b'il can tas waljnac yet' tas in b'ojnac an Jeremías in tic, yunnaln Hilcías. An Jeremías in tic yin̈tl in can eb' ya'mal 'och sti eb' 'anma 'a Dios, eb' 'e'nc cajn 'a chon̈b' Anatot 'ay 'a yol yic lum slum Benjamín.

Jeremías 27:12

Yuj cha, in meltzj waln pax jun tzo'n̈ tic 'a Sedequías sreyl Judá. 'Ix waln 'ixtc 'a 'a: 'A'ch a b'a 'a yaln̈ schecnb'il sreyl Babilonia yet' 'a eb' schon̈b' winac, sec wach' ma'oj a chami.

Jeremías 52:2

Palta yel xo tu tas 'ix 'el sb'on 'a sat Jehová, lajn wal 'icha tas sb'ojnac Joacim.

Santiago 4:10

Tzeyij 'ejm e b'a 'a sat Cajlil. Toto 'ixta', a 'oj eyi'n cha'an̈.

A Sb'ab'el Carta San Pedro 5:6

Yuj cha, 'emmquilal tzcutjec qui b'a 'a yol sc'ab' Dios, yujto caw niwn spoder. Toto 'ixta', niwn xo 'oj cajc 'el'ch yu'uj, yic 'oj jawc stiempoal.