2 Cr 35:2 - Chuj San Sebastian Bible

² An̈jtona', xya'n 'och Josías eb' ya'mal 'och sti eb' 'anma 'a Dios 'a yopiso. 'Ix 'ajx snab'enoc eb' yu'uj, yic tzyiln eb' yopiso 'a yatut Jehová.

Chuj San Mateo Bible

² Ix yac'anoch eb' vin̈ sacerdote vin̈ d'a yopisio, ix iptzitaj eb' vin̈ yuj vin̈ yic syilan yopisio eb' vin̈ chi' d'a scajnub' Jehová.

2 Cr 35:2 ပူးပေါင်းရင်းမြစ်များ

1 Cr 22:19

Yuj cha, a ticnec 'a'c 'och wal 'a e c'ojol, yet' 'a e nab'en e sayn 'ec' Jehová qui Diosalec. Yamc 'och e b'on chan̈ jun scajnub' Jehová qui Diosalec, sec wach' 'oj 'och te scaxail strato 'a yojol, yet' jun tzo'n̈ syamc'ab'il yatut Dios to yic yaji, xchi rey David.

2 Cr 23:18

Yajn̈j cha, xya'n 'och Joiada jun tzo'n̈ munljel 'ay 'a yatut Jehová 'a yol sc'ab' eb' ya'mal 'och sti eb' 'anma 'a Dios, atn eb' yin̈tl can Leví. A tzyal stzol-l jun tzo'n̈ 'opiso 'aycn 'och 'a yol sc'ab' eb' 'a yatut Dios yuj rey David, yic tzya'n eb' jun tzo'n̈ xajmb'al to tz'a smasnil 'a Jehová, 'icha yaj stz'ib'x can 'a ch'an̈ ley yic Moisés. To tz'och pax b'it 'a tzaljc'ojlal, 'icha yutjnac David yaln cani.

2 Cr 23:8

A eb' levita yet' smasnil eb' 'anma 'aj Judá, 'ix syiclj eb' sb'on smasnil tas 'ix yal Joiada. Junjn eb' yajl cha, 'ayc' eb' yet' eb' 'aych 'a yol sc'ab', eb' tz'och yil yopiso 'a sc'ul 'iljelal yet' eb' tz'eli. Yujto ma'ix chax 'el eb' yuj Joiada cha, yic tzlajw yiln eb' yopiso 'a stzolil.

2 Cr 31:2

Xlajw cha, spojn 'ec' Ezequías eb' ya'mal 'och sti eb' 'anma 'a Dios yet' eb' yit levitail 'a stzolil, sec wach' junjn mach tzyil yopiso. A eb' ya'mal 'och sti eb' 'anma', a eb' x'a'n tz'a no xajmb'al to tz'a smasnil, yet' no xajmb'al yic junc'ojlal. Ax jun tzo'n̈ xo eb' levita cha, a eb' 'ix 'a'n yuj diosal 'a Jehová, 'ix yaln pax eb' wach' paxti 'a 'a, stan̈wni pax eb' spuertail yatut Jehová.

Esdras 6:18

Xlajw cha, x'ajx 'och junjn c'aj eb' ya'mal 'och sti eb' 'anma 'a Dios 'a stzol-l yiln yopiso, yet' jun tzo'n̈ xo eb' levita, x'ajx yopiso eb' 'a yatut Dios 'a Jerusalén, 'icha yaj stz'ib'x can 'a ch'an̈ libro yic Moisés.

Ex 2:4

Ax jun 'ix yanb' win 'unn cha, a 'ix xtan̈wni can jun snul'j chi 'a sti a cha; ton̈j tznajt 'ilj 'ati, tas tz'aj win 'unn cha.