2 Cr 34:10 - Chuj San Sebastian Bible

¹⁰ Xlajw cha, xya'n 'och q'uen tumn chi 'a yol sc'ab' eb' 'aych 'a yib'n̈ yiln sb'o munljel 'a yatut Jehová. Ax eb' chi tz'a'n stojl eb' tznipn cha.

Chuj San Mateo Bible

¹⁰ Ix lajvi chi' ix yac'ancan q'uen tumin chi' eb' vin̈ d'a eb' vin̈ ayoch yilan munlajel d'a stemplo Jehová chi', axo eb' vin̈ stupan eb' vin̈ smunlaj d'a templo chi'.

2 Cr 34:10 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 12:14

Yujto 'ix 'ajx q'uen 'a eb' 'ajcuenta sb'on munljel, atn tas juwnc 'a yatut Jehová cha.

2 Cr 34:11

Xya'n pax eb' q'uen tumn chi 'a eb' josmte', yet' 'a eb' cuywjum yaj 'a jun munljel cha, yic tzmann eb' q'uen q'uen to tzeyb'ilxo, yet' smasnil te te tz'och syamnub'loc, yic tz'och pax te spatzb'iloc jun tzo'n̈ n̈a juwncan yuj eb' sreyl Judá.

2 Cr 34:9

Xlajw cha, x'at eb' tic 'at yil Hilcías sat ya'mal 'och sti eb' 'anma 'a Dios. Xit' ya'nc eb' q'uen tumn 'a 'a, atn q'uen xyij chan̈ eb' levita 'aych stan̈malc spuertail yatut Jehová 'a scal eb' yin̈tl Manasés, yet' 'a scal eb' yin̈tl Efraín, atn smasnil jun tzo'n̈ 'anma cannc can 'a yol yic Israel. An̈jtona', 'ay pax q'uen x'ec' 'ijxoc chan̈ 'a scal eb' yin̈tl Judá, 'a scal eb' yin̈tl Benjamín, yet' pax 'a scal smasnil eb' cajn 'a Jerusalén.

Esdras 3:7

Xya'n eb' tumn 'a eb' albanil yet' 'a eb' josmte', xya'n pax eb' tas tzc'uxxi yet' tas tz'u'xi yet' pax aceite 'a eb' 'aj Sidón yet' 'a eb' 'aj Tiro, yuj yi'n cot eb' te c'ute 'a Líbano yic tzc'anx 'a yatut Dios. 'Ix 'och te 'a yib'n̈ a mar masnto 'ix jaw te 'a Jope. Atn jun tzo'n̈ chi sta'wjnac win Ciro ya'ni, atn win sreyl Persia.