2 Cr 33:9 - Chuj San Sebastian Bible

⁹ Palta ax Manasés cha, a 'ix jucb'tzan eb' 'aj Judá, yet' eb' 'aj Jerusalén 'a maysch'olnil. Yel xo 'ec'b'al stul eb' 'a yib'n̈ stu b'eyb'al jun tzo'n̈ nacion̈ 'ix satl Jehová 'a 'aj 'ayc' eb' cha.

Chuj San Mateo Bible

⁹ Palta axo vin̈aj Manasés chi' ix cuchb'an val eb' aj Jerusalén d'a chucal yed' juntzan̈xo eb' ay d'a yol yic Judá chi'. Yelxo val te chuc ix aj sb'eyb'al eb' d'a yichan̈ schuc b'eyb'al juntzan̈ chon̈ab' satb'ilel yuj Jehová d'a yichan̈ eb' smam yicham eb' d'a peca'.

2 Cr 33:9 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 14:16

Yuj cha, 'oj on̈ ya'c 'och Jehová 'a yol sc'ab' jun tzo'n̈ xo chon̈ab', yuj wal smul win Jeroboam 'ix ya'chi. Yuj winac, 'ix 'och qui mulec, xchi win Ahías.

A Ch'an̈ B'ab'el Libro Yic Yab'ixal Eb' Rey 15:26

Palta caw wal tu tas sb'o 'a sat Jehová, a sb'eyb'al smam chi sb'eylb'ej, atn win 'ix jucb'tzan eb' yit israelal 'a maysch'olnil.

A Ch'an̈ Schab'il Libro Yic Yab'ixal Eb' Rey 21:16

Caw 'ix 'och smul smasnil eb' 'aj Judá yuj jantcn̈ej maysch'olnil sb'o Manasés 'a sat Jehová; til wal 'anma may smul 'ix ya' milxoc, 'ix b'ey schic'l eb' 'anma chi 'a smasnil yol yic Jerusalén.

A Ch'an̈ Schab'il Libro Yic Yab'ixal Eb' Rey 23:26

Wach'xam to 'ixta x'aji, palta yuj tas tu sb'ojnac Manasés yuj cha 'ayt cot yowl sc'ojl Jehová 'a Judá.

2 Cr 28:19

'Ix 'ijx 'ejm eb' 'aj Judá yuj Jehová, yujto a Acaz sreyl eb', a 'ix sjucb'tzan eb' 'a maysch'olnil. Caw wal tenmtac xyutj sb'a win 'a Jehová.

2 Cr 33:10

Tenb'il 'och wan Manasés yuj Jehová yet' eb' schon̈ab', palta ma'ix schaj eb' yab'i'.

2 Cr 33:2

Palta caw maysch'olnil x'el sb'on 'a sat Jehová, yujto 'ix sb'eylb'ej stu b'eyb'alil jun tzo'n̈ nacion̈ yijnac 'el Jehová yic mantzac c'och eb' israel 'a lu'um.

2 Cr 33:8

Man̈x 'oj ex wi'l 'a sat lum lum 'ix wac' 'a eb' e mam eyicham, toto tzeyiclj e b'on smasnil tas 'ix wac' e b'o', atn smasnil in ley, in cuynb'il yet' in checnb'il 'ix wac' yal Moisés 'ayex, xchi Dios.

Pr 29:12

Q'uinloc a junc yajal tzchaj yab' 'es paxti', ax eb' 'aych yet' 'a yopiso cha, tz'och eb' 'a'm 'esal smasnil.

Ez 5:7

Yuj cha, an Jehová in tic, an tzwal 'ixtic: ¿Tas yuj yel xo wal tu tzeyutj e b'a 'a yib'n̈ jun tzo'n̈ xo nacion̈ oyn 'och 'a e tz'ey? Ma'ix eyiclj in checnb'il yet' in ley, an̈jtona', matz eyiclj pax tas tzyal sleyl jun tzo'n̈ xo nacion̈ 'ay 'a e tz'ey.

Lv 18:24

Man̈ eyixtc 'el e b'a yet' jun tzo'n̈ tic, yujto a yet' jun tzo'n̈ tic, xyixtj 'el sb'a jun tzo'n̈ nacion̈ 'oj in satl 'a eyojltac.

Miqueas 6:16

Yujto tzeyiclj tas tzyal win Omri yet' Acab atn win 'unnab'il, tze b'eylb'an sb'eyb'al eb'. Yuj cha, 'oj wac' jawc yailal 'a eyib'an̈, yet' pax b'uchwal paxti'. 'Ixta 'oj eyutc eyab'n syal q'uixwelal 'a sat eb' nacion̈, xchi Dios.

Dt 2:21

A eb' 'anma cha, caw niwn sb'isl eb' 'a yol schon̈ab', caw niwc pax stel eb'. Lajn eb' 'icha eb' yin̈tl Anac. Palta a Jehová, a satn 'el eb' yuj eb' amonita. A yic xlajw 'el eb' 'a sat lu'um, ax eb' amonita chi xcajn lu'um.

Josué 24:8

masnto ex wij cot yet' eb' 'a lum slum eb' amorreo, 'a stojlal 'aj tzq'uel c'u 'a a Jordán. Xcob' yac' eb' owl eyet'oc, palta an xo xwac' eb' 'a yol e c'ab', yuj cha, x'em eb' eyu'uj, ax xo xeyique'ej can slum eb'.