2 Cr 33:4 - Chuj San Sebastian Bible

⁴ An̈jtona', sb'on pax chan̈ jun tzo'n̈ yet'l xajmb'al yic jun tzo'n̈ comn dios 'a yamq'uil yatut Jehová, atn jun n̈a yaljnac Jehová yu'uj, to ata 'oj b'inaxc sb'i 'a smasnil tiempo 'a Jerusalén.

Chuj San Mateo Bible

⁴ Ix schecan vin̈ b'ochajq'ue juntzan̈ altar d'a stemplo Jehová d'a Jerusalén, aton jun templo chi' b'aj yalnac Jehová to ol b'inajn̈ej sb'i d'a masanil tiempo.

2 Cr 33:4 ပူးပေါင်းရင်းမြစ်များ

A Ch'an̈ Schab'l Libro Samuel 7:13

A 'oj b'onc chan̈ junc watut yic 'emmquilal cha, ax eb' yin̈tl 'oj ya'n̈j yajlil 'a sdespacho 'a smasnil tiempo.

A Ch'an̈ B'ab'el Libro Yic Yab'ixal Eb' Rey 8:29

Q'ueln achn̈ej cab' 'och 'a jun atut tic 'a junjn c'u yet' 'a junjn 'ac'wal, jun aljnac chajtlto a 'a yojl tic 'oj a b'inaxn̈ej. Yuj cha, maclj wal ab' in lesl an a checb' in tic.

A Ch'an̈ B'ab'el Libro Yic Yab'ixal Eb' Rey 9:3

'Ix yaln 'ixtic: 'Ix wab' tas 'ix al 'ayn yet' a lesal, yet' tas 'ix a c'an 'ayin. Tox 'ix in si'cn 'el jun n̈a tic wico'oc, yic tz'och 'emmquilal 'ayn 'a 'a. Caw 'aynn̈ej 'ec' ta 'a junjn c'u, 'oj in tan̈wcn̈ej 'a smasnil tiempo.

A Ch'an̈ Schab'il Libro Yic Yab'ixal Eb' Rey 16:11

'Ix sb'on chan̈ win Urías chi jun yet'l xajmb'al cha, 'icha wal yaj yechl 'ix ya' cot rey Acaz 'a chon̈b' Damasco; wach' xo yaji yic 'ix paxt win rey chi 'a Damasco cha.

A Ch'an̈ Schab'il Libro Yic Yab'ixal Eb' Rey 16:16

'Ix syiclj win Urías sb'on smasnil tas 'icha 'ix yutj win rey yalni.

2 Cr 28:24

Xlajw cha, syamb'tzan jun tzo'n̈ yamc'ab' tzc'anx 'a yatut Dios, 'ix sma'n pojoc, 'ix smacn can spuertail yatut Dios, 'ix ya'n b'o jun tzo'n̈ macsej 'a smasnil yisquinyoal caye 'a Jerusalén.

2 Cr 32:19

Tzlajb'tzej wal eb' sDiosal Jerusalén yet' sdiosal jun tzo'n̈ xo nacion̈, atn jun tzo'n̈ comn dios to 'anma b'ojnac yet' sc'ab'.

2 Cr 33:15

Xyi'n pax 'el sdiosal eb' chuc chon̈b'al, yet' yechl xya'ch 'a yol yatut Jehová, yet' jun tzo'n̈ yet'l xajmb'al sb'ojnac chan̈ 'a jun tzaln yic yatut Jehová, yet' jun tzo'n̈ xo 'a yol chon̈b' Jerusalén. 'Ix sjuln 'el jun tzo'n̈ chi 'a sti 'el chon̈ab'.

2 Cr 33:7

An̈jtona', sb'on pax 'och jun tzo'n̈ yechl sdiosal chi 'a yol yatut Dios, atn jun n̈a yaljnac Dios yuj 'ixtc 'a David yet' 'a Salomón atn yunnal: A 'a jun n̈a xin si'cn 'el 'a scal smasnil eb' yin̈tl Israel 'a Jerusalén tic, ata 'oj in can cajn 'a jun 'ejmn̈ej.

2 Cr 34:11

Xya'n pax eb' q'uen tumn chi 'a eb' josmte', yet' 'a eb' cuywjum yaj 'a jun munljel cha, yic tzmann eb' q'uen q'uen to tzeyb'ilxo, yet' smasnil te te tz'och syamnub'loc, yic tz'och pax te spatzb'iloc jun tzo'n̈ n̈a juwncan yuj eb' sreyl Judá.

2 Cr 6:5

Yictax wi'n 'elt in chon̈b' 'a Egipto, may junc chon̈b' xin si'l 'a scal yin̈tl Israel, yic ata tzb'o junc watut 'aj tzin 'aj cajan, yic tzb'inax in b'i ta', mant 'a pax junc winc tox xin si'li, yic tzjucb'tzan in chon̈b' tic,

2 Cr 6:6

palta a ticnec, xin si'l chon̈b' Jerusalén, sec wach' ata tzb'inax in b'i. Ach in si'n pax 'eli sec wach' ach 'oj ac' reyl 'a yib'n̈ in chon̈b' tic, xchi Dios 'a in mam.

2 Cr 7:16

yujto tox xin si'cn 'el jun n̈a tic wico'oc, atn 'aj 'oj 'och 'emmquilal 'ayn 'a smasnil tiempo. A jun tic 'oj in tan̈woc, nann̈ej wuj 'a smasnil tiempo.

Jeremías 7:30

'Ix yaln Jehová 'ixtic: A wal eb' 'anma 'a chon̈b' Judá, caw tu tzyutj sb'a eb' 'a in sat. A wal jun tzo'n̈ scomn diosal eb' to caw yajb'entac, caw 'ix ya'ch eb' 'a yol jun watut to wicn̈ej yaji, 'ixta 'ix 'aj sjuw 'el yuj eb'.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.