2 Cr 33:2 - Chuj San Sebastian Bible

² Palta caw maysch'olnil x'el sb'on 'a sat Jehová, yujto 'ix sb'eylb'ej stu b'eyb'alil jun tzo'n̈ nacion̈ yijnac 'el Jehová yic mantzac c'och eb' israel 'a lu'um.

Chuj San Mateo Bible

² Te chuc tas ix sc'ulej vin̈ d'a yichan̈ Jehová, yujto a juntzan̈ tastac yajb'entac sb'eyb'alej juntzan̈ chon̈ab' yic'naquel Jehová d'a yichan̈ eb' israel d'a sat sluum tic, a chi' ix sb'eyb'alej vin̈.

2 Cr 33:2 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 17:11

Ata 'ix sn̈ustz'a eb' incienso 'a jun tzo'n̈ macsej 'a jolmctac witz cha, 'icha sb'eyb'al jun tzo'n̈ nacion̈ 'ix yij 'el Jehová 'a sat lum lum 'aj x'ec' eb'. Caw wal yel xo maysch'olnil tas 'ix 'el sb'on eb', 'ix stzuntzn cot eb' yowl sc'ojl Jehová.

A Ch'an̈ Schab'il Libro Yic Yab'ixal Eb' Rey 17:15

'Ix spatquilj can 'el eb' sley, yet' strato 'ix sb'o yet' eb' smam yichm eb', yet' schecnb'il y'ajnac 'a eb'. 'Ochnc pax tza'n eb' 'a spatquil jun tzo'n̈ comn dios to may jac yel'chi. A yuj jun tzo'n̈ cha, man̈x 'a jac yel'ch eb', cojxn stu b'eyb'al jun tzo'n̈ nacion̈ 'ay 'a stz'ey eb', a 'ix sb'eylb'ej eb', atn jun tzo'n̈ 'ay yowlal sb'eylb'an eb' yuj Jehová.

A Ch'an̈ Schab'il Libro Yic Yab'ixal Eb' Rey 21:2

Palta caw maysch'olnil x'el sb'on 'a sat Jehová, yujto 'ix sb'eylb'ej smasnil stu b'eyb'alil jun tzo'n̈ nacion̈ yijnac 'el Jehová 'a yojltac eb' israel.

A Ch'an̈ Schab'il Libro Yic Yab'ixal Eb' Rey 21:9

Palta ma'ix schaj xon eb' yab'i'. A wal Manasés 'ix jucb'tzan eb' sb'on maysch'olnil, yel xo 'ec'b'al stul 'a yib'n̈ sb'eyb'al jun tzo'n̈ xo nacion̈ satjnac 'el Jehová.

2 Cr 28:3

'Ix ya'n tz'a incienso 'a lum pan̈n 'a'lic yic Ben-hinom. Ata xyac' tz'a yunnal xajmb'alil, 'icha stu b'eyb'alil jun tzo'n̈ nacion̈ satjnac 'el Jehová 'a yic mantzac tzc'och eb' israel 'a lu'um.

2 Cr 33:22

Caw maysch'olnil x'el sb'on 'a sat Jehová, 'icha sb'ojnac Manasés atn smam. Yujto xyac' xajmb'al, 'ix ya'n 'emmquilal 'a smasnil jun tzo'n̈ yechl sb'ojnac smam cha.

2 Cr 36:14

An̈jtona', a smasnil eb' sat ya'mal 'och sti eb' 'anma 'a Dios, yet' smasnil eb' chon̈ab', caw tzniwtj eb' sb'on maysch'olnil. A wal sb'eyb'al jun tzo'n̈ xo nacion̈ tzb'eylb'ej eb', tzyixtj 'el eb' yatut Jehová, atn jun sic'b'il 'el yuj 'a Jerusalén.

Esdras 9:14

Toto tenmtac tzcutj qui b'a jun 'ejm xo 'a a checnb'il, junn̈j pax tzcutj qui b'a yet' jun tzo'n̈ 'anma chuc chon̈b'al maysch'olnil sb'eyb'al cha, ¿tom ma'oj cot yowl a c'ojl 'a quib'n̈ on̈, ax on̈ a satn 'eli? Smoj am man̈x 'a junc on̈ tzon̈ can 'a qui pitznal on̈.

Jeremías 15:4

'Oj jawc jun yailal tic yuj wal jun tzo'n̈ tas caw 'ay smay x'el sb'on win Manasés yunnal Ezequías 'a Jerusalén, yic 'aych win reyl 'a chon̈b' Judá. Smasnil eb' nacion̈ 'a yolyib'n̈q'uinl tic, caw 'oj xiw eb' yiln 'och jun tzo'n̈ yailal 'oj jawc 'a yib'n̈ eb' in chon̈b' tic.

Ez 11:12

ax eyojcan 'eli, to an ton Jehová in. Ma'ix eyiclj in ley yet' in checnb'il, a sb'eyb'al jun tzo'n̈ xo nacion̈ 'ay 'a e la'nil, a xe b'eylb'ej, xchi Dios, xin chi 'a eb'.

Dt 12:29

A yic 'oj satnoc 'el Jehová jun tzo'n̈ nacion̈ chi 'a lum lum cha, ax xo 'oj e cajcn slum eb' cha.

Dt 12:31

Man̈ 'ichaoc tzyutj sb'a eb' cha, man̈ 'ixta'oc tzeyutj e b'a 'a Jehová, yujto a jun tzo'n̈ cha, yajb'il 'el eb' yuj Jehová Dios. A jun tzo'n̈ yajb'il 'el yuj cha, atn sb'eylb'ej eb' 'anma cha, yic tzyi'n 'ejm sb'a eb' 'a sdiosal. 'Ay wal eb' yel may snab'en, xyac' eb' tz'a yunnal yet' yisl xajmb'al-l 'a sdiosal cha.

Dt 18:14

A wal eb' 'anma 'a jun tzo'n̈ nacion̈ 'a 'aj 'oj e c'och cajn cha, caw wal tzchaj eb' yab' tas tzyal eb' tznan 'el paxti', mto eb' tzaln yuj tas tot 'oj jawoc; palta ax xo tic, caw matz yal sc'ojl Jehová qui Diosalec to tze b'o jun tzo'n̈ cha.

Dt 18:9

A yic 'oj e c'och 'a lum lum 'oj yac' Jehová qui Diosalec eyico'oc, man̈ e b'eylb'oc sb'eyb'al eb' 'anma 'ayc' 'a jun tzo'n̈ chon̈b' cha.