2 Cr 33:16 - Chuj San Sebastian Bible

¹⁶ 'Ix laj snipnc yet'l xajmb'al yic Jehová, 'ix ya'n q'ue xajmb'al yic junc'ojlal 'a yib'an̈, yet' yic alj yuj diosal. 'Ix ya'n alxc 'a eb' 'aj Judá to tzyac' eb' 'emmquilal 'a Jehová sDiosal.

Chuj San Mateo Bible

¹⁶ Ix lajvi chi' ix schecan vin̈ vach' b'ochajxi altar d'a Jehová, ix yac'an silab' vin̈ yic sch'oxan sjunc'olal yed' Dios yed' silab' yic ac'oj yuj diosal. Ix yalan vin̈ d'a masanil eb' aj Judá to tz'och eb' ejmelal d'a Jehová Dios.

2 Cr 33:16 ပူးပေါင်းရင်းမြစ်များ

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

A Ch'an̈ B'ab'el Libro Yic Yab'ixal Eb' Rey 18:30

Yuj cha, xyaln Elías 'ixtc 'a smasnil eb' 'anma cha: —Cotn̈ec, 'ochn̈ec wul 'a in tz'ey tic, xchi. 'Ix jaw eb' 'anma chi smasnil 'a stz'ey, 'ix sb'on pax chan̈ jun yet'l xajmb'al yic Jehová, atn jun juwnc 'ejm 'a jun lugar cha.

2 Cr 14:3

Yujto 'ix yij 'el jun tzo'n̈ yet'l xajmb'al yic jun tzo'n̈ comn dios 'a yopiso, yet' smacsej eb' 'anma 'a jolmctac witz; sma'n poj jun tzo'n̈ q'uen q'uen niwn yel'chi, sma'cn poj pax jun tzo'n̈ sch'oxnb'il comn dios Aserá.

2 Cr 14:4

'Ix yaln pax 'a eb' yic Judá, to tzyal sb'a eb' 'a Jehová, atn sDiosal smam yichm eb', yowlal tzyiclj eb' sley yet' schecnb'il.

2 Cr 29:18

Xlajw cha, xc'och eb' 'a sdespacho win rey Ezequías, xyaln eb' 'ixtc 'a winac: Tic 'ix qui sacb'tzej smasnil yatut Jehová, jun yet'l xajmb'al 'aj tz'a xajmb'al to tz'a smasnil yet' smasnil syamc'ab'il, smexail 'ixm pan to yicn̈ej Jehová yaji, yet' pax smasnil syamc'ab'il.

2 Cr 29:31

Xlajw cha, xyaln Ezequías 'ixtc 'a eb' chon̈ab': A ticnec tox xe sacb'tzej e b'a 'a yojltac Jehová. Yuj cha, cotn̈ec, 'ijec cot e xajmb'al yet' e yofrenda 'a yatut Jehová, yuj eyaln yuj diosal 'a 'a, xchi 'a eb'. Xlajw cha, xyi'n cot smasnil eb' chon̈b' xajmb'al, yet' yofrenda yuj yaln eb' yuj diosal 'a Dios. Ax smasnil eb' to tz'el wal 'a sc'ojl ya'n yico', 'ix yac' eb' no xajmb'al to tz'a smasnil.

2 Cr 30:12

A eb' 'anma 'aj Judá, a Dios 'ix 'a'n sna eb' to tojl tzyutj eb' snab'en, sec tzyiclj eb' checnb'il xyal win rey yet' eb' yajl yaj yet'oc, a tzyal tas 'ix yutj Jehová yalni.

2 Cr 33:9

Palta ax Manasés cha, a 'ix jucb'tzan eb' 'aj Judá, yet' eb' 'aj Jerusalén 'a maysch'olnil. Yel xo 'ec'b'al stul eb' 'a yib'n̈ stu b'eyb'al jun tzo'n̈ nacion̈ 'ix satl Jehová 'a 'aj 'ayc' eb' cha.

Lc 22:32

Palta caw in tew 'a Dios o'oj, sec matz ej 'el a c'ojl 'a 'a. Ach tic, a yic 'oj meltzj paxt a nab'en 'ayn jun 'ejm xo, tzac' ste'nal eb' o'tac, xchi 'a 'a.