2 Cr 32:5 - Chuj San Sebastian Bible5 'Ix yac' Ezequías 'ip sb'on chan̈ smuroal chon̈b' 'aj mac'b'il 'ejm lan̈chjoc, yet' jun tzo'n̈ torre 'aj tztan̈wx chon̈ab', yet' junx muro 'a spatquil 'eli. Xya'n pax 'och yip muro 'aj ton̈j lan̈b'il 'a Schon̈b' David. An̈jtona', caw niwn jun tzo'n̈ espada yet' smacl sat jul-lab' sb'o'o. အခန်းကိုကြည့်ပါ။Chuj San Mateo Bible5 Ix yac' val yip vin̈aj rey Ezequías chi' sb'oanxiq'ue smuroal chon̈ab' chi' b'aj mac'b'ilem lan̈najoc. Ix b'ochajxiq'ue juntzan̈ b'aj stan̈vej eb' soldado d'a yib'an̈tac muro yed' junxo muro d'a spatiqueli. Te vach' ix ajoch muro b'aj mucb'il jun ch'olan d'a schon̈ab' vin̈aj David. Tzijtum q'uen lanza yed' maclab' jul-lab' ix schec vin̈ rey chi' b'ojoc. အခန်းကိုကြည့်ပါ။ |
Ax eb' caldeo 'ix yac' ganar eb' sma'n olchjoc smuroal jun chon̈b' cha. Wach'xam oyn 'och eb' soldado chi 'a spatquil, palta 'ix 'el win rey yet' smasnil eb' soldado 'a 'ac'wal. 'Ix 'el eb' 'a scal yawb'ente eb' rey. X'el'ch eb' 'a jun puerta 'a snan̈l chab' muro, 'ix 'at eb' 'a jun b'e tzc'och 'a span̈nil sti a Jordán.
A yic 'ayx 'och jun 'unn chi 'a yucl ab'il, ax Joiada win ya'mal 'och sti eb' 'anma 'a Dios, 'ix ste'wtzan sb'a ya'n 'awtxoc cot smasnil eb' capitan̈ yaj 'a yib'n̈ junjn ciente soldado, atn eb' tic: Azarías yunnal Jeroham, Ismael yunnal Johanán, Azarías yunnal Obed, Maasías yunnal Adaía, yet' Elisafat yunnal Zicri. 'Ix yaln 'a eb' to junxn̈ej tzyutj eb' snab'en yet'oc.
'Ix yamchj Amasías sreyl Judá yuj win sreyl Israel 'a Bet-semes cha, xlajw cha, 'ix 'ijx 'at 'a Jerusalén yu'uj. 'Ix sma'n can lan̈chjoc eb' israel chi smuroal jun chon̈b' cha, tzchaj 'at 'a spuertail yic Efraín masnto 'a spuertail schicn jun muro cha. 'Aym junc 180 metro x'aj sat jun b'e chi yuj eb'.
Xlajw xoj cha, 'ix sb'on chan̈ smuroal spatquil Schon̈b' David 'a stojlal 'aj tz'em c'u 'a Guihón, tz'ec' jun muro chi 'a pan̈n 'a'lic, masnto tzc'och 'a puerta yic no chay, sb'on pax smuroal Ofel. Caw wal niwquil x'aj ste'il. An̈jtona', xya'n 'och eb' capitan̈ 'a smasnil chon̈b' 'aych smuroal 'a yol yic Judá.