2 Cr 32:3 - Chuj San Sebastian Bible

³ yuj cha, 'ix smol aln yet' eb' yit yajlil, yet' eb' syajlil eb' soldado, yic tzt'ocn lan̈chjoc eb' jantcn̈ej a spac'b'a 'ay 'a spatquil 'el chon̈b' cha. 'Ix chaj sc'ojl eb' sb'on tas smol alj cha.

Chuj San Mateo Bible

³ ix smol alan vin̈ yed' eb' vin̈ yajal yed' eb' vin̈ yajalil eb' soldado to smuc sjajtac a a' eb' vin̈ ay d'a spatictac chon̈ab' chi'. Ix cha sc'ol eb' vin̈ sc'ulan tas ix alchaj chi'.

2 Cr 32:3 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 18:20

¿Tom tzcob' e na', to yujn̈ej paxti wach' yalxi, ax yel yip eb' in soldado to jeln ya'n owal? ¿Mach wal 'aych yipc e c'ojol, yuj cha, tze nib'n tzyac' owl wet'oc?

A Ch'an̈ Schab'il Libro Yic Yab'ixal Eb' Rey 20:20

Ax jantc to yab'xil Ezequías, yet' jun tzo'n̈ niwn yel'ch 'ix 'el sb'oni, 'icha yuj jun tanque, yet' tasm 'ix yutj yi'n 'och a a 'a yol chon̈ab', a jun tzo'n̈ cha, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl Judá.

2 Cr 30:2

A yic tox xlajw spaxtin win rey yet' eb' 'aych yajlil, yet' pax eb' 'anma 'a Jerusalén, yic tznan eb' q'uin̈ chi 'a yic schab'l 'ujal,

2 Cr 32:2

A yic xyiln Ezequías to xjaw Senaquerib yac' owl yet' Jerusalén,

2 Cr 32:30

A Ezequías chi 'ix a'n macx a a tzb'ey 'a yib'n̈ q'ue a spac'b'a 'ay 'a Guihón, ax 'a yaln̈ lum 'ix 'ec' a', atn 'a stojlal 'aj tz'em c'u, a 'a Schon̈b' David, ata xc'och a'. Caw wach' 'ix 'el'ch Ezequías yet' smasnil tas 'ix sb'o'o.

2 Cr 32:4

Xlajw cha, caw niwn eb' 'anma 'ix syam sb'a, c'uxn st'oc lan̈chjoc eb' smasnil a spac'b'a', yet' a tzb'ey 'a sla'nil cha, sec wach' a yic tzjaw eb' syajlil Asiria, man̈x 'oj 'ilchjoc a yuj eb'.

Pr 15:22

Toto matz cham wal qui c'anb'nec 'ec' junc tas, a tas tzqui na'a, caw tzjuw 'eli; ax toto tzqui chajec cab' wach' nab'enal, caw wach' tzon̈ 'ajc 'el'chi.

Pr 20:18

A junc tas tznalb'ax yoch 'a yoclemal, wach' tz'aj 'el'chi, toto 'ay wach' nab'enal. Tztac' yajx ganar junc owal, toto wach' tz'aj yoch c'umjb'a 'a yib'an̈.

Pr 24:6

Toto tzex 'och 'a owal, c'anb'jec 'ec' junc nab'en. Toto niwn eb' 'oj 'a'nc e nab'en, 'oj eyac' ganar.

Is 40:13

Toc 'ay mach x'ojcan 'el snab'en Jehová, mto 'ay mach x'a'n snab'enoc.

Nahúm 3:14

Ex 'aj Nínive, 'ay cab' a a molb'il can eyu'uj, sec 'oj techjoc eyuj 'a eb' 'ajc'ojl oyn xo 'och 'ayex. 'A'c 'och yipnub'al smuroal e chon̈ab', 'ochn̈ec te'j b'iq'uich, 'ijec cot molde yic ladrillo.

Ro 11:34

'Icha tzyal 'a Ch'an̈ U'un̈: ¿Toc 'ay junc mach 'oj stac' yojcan 'el snab'en Cajlilec? ¿Toc 'ay junc mach 'oj stac' ya'n snab'enoc?