2 Cr 32:23 - Chuj San Sebastian Bible

²³ Yuj cha, caw niwn eb' nacion̈ xyij cot yofrenda 'a Jerusalén, yic tzya'n eb' 'a Jehová, xya'n pax eb' siylab' chan̈ stojl 'a Ezequías sreyl Judá. A yictax cha, caw niwn yel'ch x'aj 'a sat jun tzo'n̈ xo nacion̈.

Chuj San Mateo Bible

²³ Yuj chi', tzijtum eb' ix yic'cot yofrenda d'a Jerusalén, ix yac'an eb' d'a Jehová, ix yac'anpax silab' eb' te caro stojol d'a vin̈aj Ezequías chi'. A d'a jun tiempoal chi' nivan ix aj yelc'och vin̈ d'a juntzan̈xo chon̈ab'.

2 Cr 32:23 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 10:10

Xlajw cha, xya'n 'ix 90 quintal q'uen oro 'a win rey cha, caw niwn perjuma xyac' 'ix 'a winac, yet' pax jun tzo'n̈ q'uen q'uen caw wach' yilxi. Man̈x 'a xon jun 'ejmoc xc'och perjuma 'a Israel 'icha wal sb'isl chi siyj 'ix sreinail chon̈b' Sabá chi 'a win rey Salomón.

A Ch'an̈ B'ab'el Libro Yic Yab'ixal Eb' Rey 10:25

Tzyij cot eb' siylab' 'a win 'a junjn ab'il: 'icha q'uen oro, q'uen plata, jun tzo'n̈ pichul, yamc'ab' yic owal, jun tzo'n̈ su'q'ui sjab', e no cawyu chej, yet' pax e no mula.

A Ch'an̈ B'ab'el Libro Yic Yab'ixal Eb' Rey 4:21

A Salomón yajl yaj 'a yib'n̈ smasnil jun tzo'n̈ chon̈b' cha, tzchaj cot 'a a Eufrates, masnto tzc'och 'a schon̈b' eb' filisteo, yet' 'a 'aj tzlajw c'och sti smacb'en yic Egipto. A smasnil jun tzo'n̈ eb' cha, 'ix ya'n̈j eb' stojlb'al 'a Salomón, 'ayn̈j 'och eb' 'a yaln̈ schecnb'il winac.

A Ch'an̈ Schab'il Libro Yic Yab'ixal Eb' Rey 19:30

A jaywn̈ocx ex tzex can 'a Judá, lajn 'oj eyaj 'icha junc te te tz'emx schan̈l yib' 'a yol lu'um, tzwolni, tzlajw cha, tzya'n sat muc'uc.

1 Cr 29:25

'Ix 'ijx chan̈ sb'inab'ilal win yuj Jehová 'a sat smasnil eb' yit israelal, caw rico x'aj 'el'ch winac. Caw niwn x'aj 'el'ch 'a yopiso chi yu'uj, mant 'a xon junc sreyl chon̈b' Israel sb'inax 'icha rey Salomón tic.

2 Cr 1:1

A Salomón yunnal David, 'ix yij yip 'a sreyal, yujto a Jehová sDiosal a 'aych yet'oc, yel xo 'ix 'ijx chan̈ yopiso.

2 Cr 17:11

Locn pax eb' filisteo 'ix yij cot siylab' 'a Josafat, atn q'uen plata, 'icha to xyac' eb' q'uen stojlb'alc 'a Josafat. An̈jtona pax eb' árabe, 'ix yij cot eb' 7,700 no mam calnelu, 'ixta pax sb'isl no chiwo 'ix yij cot eb' 'a 'a.

2 Cr 17:5

Yuj cha, a Jehová 'ix wach' 'a'n yic' yip 'a yopiso. Smasnil eb' 'aj Judá cha, 'ix yac' eb' siylab' 'a Josafat, yuj cha, caw 'ix niwtj sricoal, caw niwn yel'ch x'aji.

2 Cr 9:24

A eb' tzjaw 'a junjn ab'il, 'ix yij cot eb' siylab' 'a 'a: 'Icha q'uen plata, oro, pichul, yamc'ab' yic owal, perjuma, no cawyu chej yet' no mula.

Esdras 7:27

Yuj cha, xyaln Esdras 'ixtic: Alx cab' wach' paxti 'a Jehová qui Diosalec yet' eb' qui mam quichmec, yujto a 'ix 'a'n jawc 'a snab'en win rey, sec to niwn yel'ch yatut Jehová 'a Jerusalén.

Salmos 68:29

A 'a atut chan̈ yajb't 'a Jerusalén, ata tzwul yac' eb' rey siylab' 'ayach.

Salmos 72:10

A eb' sreyl Tarsis, yet' eb' cajn 'a lum checl 'a snan̈l a mar, eb' sreyl Sabá, yet' pax eb' yic Seba, ya' cab' eb' siylab' yet' stojlb'al 'a win rey.

Salmos 76:11

Ca'c qui ti 'a Jehová qui Diosalec, palta tzca'n 'el'choc. E masnil ex nacion̈ oyn ex 'och 'a sla'nil schon̈ab', 'ijec cot eyofrenda 'a 'a, yujto smoj 'ay yel'ch 'a e sat.

Mt 2:11

Yajn̈j wal cha, 'ix 'och eb' 'a yol jun n̈a cha, 'ix yiln eb' jun 'unn chi yet' snun, atn María. 'Ix 'em cumn eb' 'a jun 'unn cha, 'ix ya'n 'ejm sb'a eb' 'a 'a. Xlajw cha, 'ix sjacn eb' jun tzo'n̈ scaxa 'aj 'ay 'em jun tzo'n̈ siylab'. 'Ix siyn eb' oro 'a jun 'unn cha, 'ix siyn pax eb' jun tzo'n̈ te su'q'ui sjab' tzn̈usxi, atn incienso yet' te mirra.