2 Cr 31:8 - Chuj San Sebastian Bible

⁸ A Ezequías yet' eb' yajl yaj yet'oc, a yic xyiln eb' jun tzo'n̈ xmolb'tzax cha, xyaln eb' wach' paxti 'a Jehová yet' 'a yib'n̈ schon̈ab', atn Israel.

Chuj San Mateo Bible

⁸ Ayic ix b'at yilan masanil juntzan̈ ix molchaj chi' vin̈aj Ezequías yed' eb' ayoch yajalil yed' vin̈, ix yalan vach' lolonel eb' d'a Jehová yed' d'a chon̈ab' Israel.

2 Cr 31:8 ပူးပေါင်းရင်းမြစ်များ

A Ch'an̈ Schab'l Libro Samuel 6:18

Ax yic xlajw ya'n jun tzo'n̈ xajmb'al cha, 'ix yaln wach' paxti 'a yib'n̈ chon̈b' Israel 'a sb'i Jehová, jun tzta'n̈j yuj smasnil.

A Ch'an̈ B'ab'el Libro Yic Yab'ixal Eb' Rey 8:55

Xlajw cha, xq'ue wan lin̈an, xyaln wach' paxti 'a yib'n̈ smasnil eb' yit israelal, xyaln 'a caw 'ip 'ixtic:

1 Cr 29:9

Caw 'ix tzalj smasnil eb' 'anma', yuj jun tzo'n̈ tas 'ix 'el 'a sc'ojl eb' yajl chi ya'ni, yujto yet' wal smasnil sc'ojl eb', 'ix ya'n eb' 'a Jehová. An̈jtona', caw 'ix tzalj pax rey David yet' eb'.

2 Cr 31:7

A 'a yic yoxl 'uj, 'ix syamn 'och eb' smolb'tzan jun tzo'n̈ cha, masnto 'a yucl 'uj 'ix 'och wan eb' ya'ni.

2 Cr 31:9

Xlajw cha, sc'anb'n Ezequías 'a eb' ya'mal 'och sti eb' 'anma', yet' 'a eb' yit levitail, yuj jun tzo'n̈ 'ix jaw ch'ucn cha.

2 Cr 6:3

'Ix meltzj 'at q'ueln win rey chi 'a smasnil eb' yit israelal lin̈n 'ec' chi ta', xyaln win wach' paxti 'a yib'n̈ eb'.

Esdras 7:27

Yuj cha, xyaln Esdras 'ixtic: Alx cab' wach' paxti 'a Jehová qui Diosalec yet' eb' qui mam quichmec, yujto a 'ix 'a'n jawc 'a snab'en win rey, sec to niwn yel'ch yatut Jehová 'a Jerusalén.

Salmos 144:15

Caw wach' yic junc chon̈b' 'ixta yaji, caw wach' yic jun chon̈b' to a Jehová 'aych sDiosaloc.

Salmos 33:12

Caw wach' yic junc nacion̈ to a Jehová 'aych sDiosaloc, a si'jnac can 'och yico'oc.

2 Co 8:16

Tzwac' yuj diosal 'a Dios, yujto a tz'a'n jawc 'a sc'ojl Tito, yic tzex sya'ilni, 'icha tzwutj ex wiln an tic.

Ef 1:3

Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

Dt 33:29

Caw wach' quic ex wit israelal, ¿mach wal junc tztac' slajb'tzan sb'a quet'ec? A Jehová a tzon̈ colnec. A tzon̈ tan̈wniec, tzcolwj pax quet'ec. Quespada 'ay smay yaji, yuj cha, tzca'n ganar eb' 'ajc'ojl yajch 'ayn̈ec, ax qui te'n can 'ejm sb'an̈quinal eb', xchi Moisés 'a eb'.

A Scarta San Pablo D'a Eb' Aj Filipos 4:10

A ticnec, caw tzin tzalj 'a Cajlilec, yujto in e na paxt jun 'ejm xo, yic eya'n cot e colwal 'ayin. Wojtac, an̈ja nan in eyu'uj, palta may wal 'aj tzeyac' cot e colwal 'ayin, yujto matz tac' eyu'uj.

A Scarta San Pablo D'a Eb' Aj Filipos 4:19

Yuj cha, a qui Diosalec 'oj 'a'nc jantcn̈ej tas 'ay tz'och eyu'uj. Yujto man̈x jantcoc tastc wach' 'ay 'a 'a. Atn jun tzo'n̈ chi tzyac' 'ayn̈ec an̈ yic on̈c xo Cristo Jesús.

1 Ts 3:9

Yuj cha, caw tzcac' yuj diosal 'a Dios eyu'uj, yujto caw niwn qui tzaljc'ojlal eyuj 'a sat on̈.

A Sb'ab'el Carta San Pedro 1:3

Calc wach' paxti 'a Dios, atn 'a Smam Cajlil Jesucristo, yujto caw x'o'ch sc'ojl 'ayn̈ec. On̈ ya'nec 'aljoc pax 'a scha'ejmal, yujn̈ej to pitzwnac pax Jesucristo 'a scal eb' chamnac. Yuj cha, caw tzca'c 'och yipc qui c'ojol, to a 'oj 'a'nc qui q'uinlec.

Jueces 5:9

A in pixan, caw 'ayc' yet' eb' syajlil chon̈ab', 'ayc' pax yet' eb' c'asn sc'ojl s'at 'a owal. ¡Tzwal wach' paxti 'aych Mamin Jehová!