2 Cr 31:10 - Chuj San Sebastian Bible

¹⁰ Ax Azarías sat ya'mal 'och sti eb' 'anma 'a Dios yin̈tl Sadoc, 'ix ta'wi, xyaln 'ixtic: Yictax schan 'el eb' yich yi'n cot yofrenda 'a yatut Jehová tic, 'ayn̈j tas tzqui c'uxu, caw wal tzon̈ b'ut'ji, caw niwnto tzyac' sobra scani, atn jun tzo'n̈ ch'ucn 'ec' tic, yujto a Jehová 'ix yac' syaxilal 'a yib'n̈ eb' quit chon̈b'ec, xchi.

Chuj San Mateo Bible

¹⁰ Ix tac'vi vin̈aj sat sacerdote Azarías yin̈tilal vin̈aj Sadoc icha tic: Yictax ix schaanel yich eb' yic'ancot scolval d'a stemplo Jehová tic, ayn̈ej tas sco va'a, ayto pax scani. Masanil juntzan̈ tic toxo ix cani, yujto ix yac' val svach'c'olal Jehová d'a yib'an̈ eb' quetchon̈ab' tic, xchi vin̈.

2 Cr 31:10 ပူးပေါင်းရင်းမြစ်များ

Gn 26:12

A 'a yic jun ab'il cha, x'aww trigo win Isaac 'a jun lugar cha, caw wal wach' 'ix 'aj smunljel, niwn tas 'ix smolo, yujto a Jehová, a x'a'n syaxilal 'a yib'an̈.

Gn 39:23

Man̈x 'a jac tas tzna win tan̈m preso cha, yic tzya'n cuenta win eb' 'aych 'a preso, yujto 'aycn 'och eb' smasnil 'a yol sc'ab' José. 'Aych Jehová yet' José, yuj cha, caw wach' x'aj 'el'ch smasnil tas tzb'o'o.

Gn 39:5

Atax yic xya'n 'och win Potifar José yilmalc smasnil tas 'ay 'a yatut cha, xya'n Jehová syaxilal 'a yib'n̈ smasnil tastc 'ay 'a yatut yet' 'a smunljel winac.

A Ch'an̈ B'ab'el Libro Yic Yab'ixal Eb' Rey 2:35

Ax win rey chi 'ix 'a'n 'och Benaía yunnal Joiada, syajlilc eb' soldado sjelc Joab, yet' Sadoc 'ix 'ochcn ya'malc 'och sti eb' 'anma 'a Dios sjelc Abiatar.

1 Cr 29:16

Mamin Jehová, ach qui Diosal on̈, ec yaj smasnil jun tzo'n̈ ricoal tic. A 'aych tzcot smasnil jun tzo'n̈ 'ix qui yamb'tzej tic, yic tzqui b'on junc n̈a 'a a b'i yuj ach qui'n cha'an̈.

2 Cr 26:17

Palta tza'n yochch Azarías ya'mal 'och sti eb' 'anma 'a Dios, yet' junx 80 ya'mal 'och sti eb' 'anma 'a Dios chi yet'oc, caw matz xiw eb'.

2 Cr 31:13

A rey Ezequías yet' win Azarías sat yaj eb' yiln yatut Dios, a eb' x'a'n 'och jun tzo'n̈ eb' tic 'a yaln̈ schecnb'il Conanías, yet' Simei cha. A eb' cha, atn eb' tic: Jehiel, Azazías, Nahat, Asael, Jerimot, Jozabad, Eliel, Ismaquías, Máhat, yet' Benaías.

2 Cr 31:9

Xlajw cha, sc'anb'n Ezequías 'a eb' ya'mal 'och sti eb' 'anma', yet' 'a eb' yit levitail, yuj jun tzo'n̈ 'ix jaw ch'ucn cha.

Ex 36:7

yujto 'ix tz'acw c'och syamc'ab'il jun munljel cha. 'Ayt pax man̈x 'oj c'anxoc.

Pr 10:22

Yuj swach'c'ojlal Jehová tz'och junc mach ricoal, man̈ yujoc to caw wal tzyixtj sb'a smunlji.

Pr 11:24

'Ay wal eb' 'anma caw wal 'ela', b'ecn sc'ojl spojn 'ec' tas 'ay 'a 'a. A eb' cha, yel xo wal niwn tzyutj eb' schan spac. 'Ay pax eb' 'anma caw b'as, tzjaw meb'a'il 'a yib'n̈ eb'.

Pr 3:10

Toto 'ixta', 'oj b'ut'jc a c'un̈a yuj sat awb'en cha, caw 'oj b'ut'joc pax yet'l yal a uva.

Pr 3:9

'Ac' yofrendail smasnil tas 'ay 'ayach, yuj e'n chan̈ sb'i Jehová. Tza'n pax yofrendail sat awb'en tzb'ab'l 'el-li.

Ez 44:15

Palta ax eb' ya'mal 'och sti eb' 'anma 'ayin, atn eb' levita yin̈tl can Sadoc, eb' an̈ja in ya'n servil 'a watut yic xyi'n 'el sb'a eb' et israelal 'ayin, cojn eb' chi 'oj stac' in ya'n pax servil. A eb' 'oj 'ochlc 'a wojltac yet' xepual no noc', yet' schic'l no xajmb'al.

Ez 44:30

A eb' 'oj chanc jun tzo'n̈ ofrenda yic sb'ab'l sat 'awb'en yet' smasnil tas tzyac' eb' eyit israelal 'ayin. Ax yic 'oj e b'onc 'ixm harina panil, a wal 'ixm caw wach' 'oj eyac' 'a eb', sec 'oj wac' in yaxilal 'a eyib'an̈.

Lv 25:21

Palta man̈ ex 'och 'il, yujto an 'oj wac' in yaxilal 'a yib'n̈ smasnil tas tzeyawj 'a jun swacl ab'il cha. A tas 'oj e molo', colb'il 'oj yac' 'a 'oxe ab'il.

Hageo 2:18

A 'a yic 24 yoch sb'aln̈il 'uj yic jun ab'il tic, a 'a jun c'u tic xe ya'x can 'ejm yipnub'al yich watut.

Malaquías 3:10

A ticnec jun, 'ijec cot smasnil e diesmo, tzwul eya'nc 'a sc'un̈ail 'ay 'a watut, sec wach' 'ay tas tzc'ux eb' tzin 'a'n servil. An Jehová in, tztac' wuj smasnil, an tzwala: 'A'nec prowal nab'an, ax eyilni 'icha to 'oj in jac sc'un̈ail satchan̈ 'ayex, ax in secn 'emt yaxilal 'a eyib'an̈, man̈x 'a yet'l 'aj 'oj eyac'a'.

Nm 22:12

Yuj cha, 'ix yaln Dios 'a 'ixtic: —Man̈ ach 'at yet' jun tzo'n̈ winc cha, matz tac' a catb'tzan jun tzo'n̈ 'anma cha, yujto an tzwac' in wach'c'ojlal 'a yib'n̈ eb', xchi Dios.

Mt 15:37

'Ix wa eb' smasnil, xb'ut'j eb'. Yic xlajw swa eb', xb'ut'j can pax uque xuc xyac' sobra scan yuj eb'.

Dt 28:8

A Jehová 'oj ya' cot syaxilal 'a yib'n̈ e c'un̈a yet' 'a yib'n̈ smasnil tas tze b'o'o. 'Ixta wal 'oj yutc ya'n e tzaljc'ojlal 'a sat lum lum 'oj yac' 'ayx cha.

A Scarta San Pablo D'a Eb' Aj Filipos 4:18

An xo tic, man̈x jantcoc tas xin cha'aj, 'ay pax tzyac' sobra ticnec. A jun e colwal xwul yac' Epafrodito tic, caw colb'iln̈ej tzcolwj 'ayin. 'Icha junc tas tz'ajx 'a Dios, caw su'q'ui sjab', mto junc xajmb'al caw wach', 'ixta jun e colwal tic, caw tzalj Dios yet'oc.

1 Ti 4:8

Toto tzqui pacb'tzej qui niwnal sec 'ay quip, wach' toni. Palta a wal junx tic, yel xo wach', to tzca'ch qui nab'en 'a Dios. Toto 'ixta tzcutj qui b'a, 'oj qui cha swach'l 'a yolyib'n̈q'uinl tic, yet' pax 'a satcha'an̈.