2 Cr 30:9 - Chuj San Sebastian Bible

⁹ Toto 'oj eya'x 'och e c'ojl 'a Jehová, a eb' 'ajc'ojl 'ix 'i'n 'at eb' quit israelalec yet' eb' eyunnal 'a 'icha presoal, 'oj cusch sc'ojl eb' 'a eb', ax yajx paxt eb' yuj eb' 'a e chon̈ab'. Yujto a Jehová qui Diosalec, caw wach' snab'en, tz'o'ch sc'ojol. Toto tzeya'x 'och e c'ojl 'a 'a, man̈x 'oj 'el ch'umn 'ayex, xchi.

Chuj San Mateo Bible

⁹ Tato ol eyac'xioch Jehová d'a e c'ool, axo eb' ajc'ol ic'jinacb'at eb' quetisraelal yed' eb' eyuninal d'a preso chi', ol oc' sc'ol eb' d'a eb', ol ac'joc meltzaj eb' d'a co chon̈ab' tic. Yujto a Jehová co Diosal, te ay snivanc'olal, ay pax yoq'uelc'olal, man̈ ol ex spatiquejcaneli tato ol eyac'xioch e b'a d'a yol sc'ab', xchib'at vin̈ rey chi' d'a eb'.

2 Cr 30:9 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:50

'Ac' lajwc qui mul 'a quib'n̈ on̈, wach'xam caw niwan. Tza jeln snab'en eb' tzon̈ 'i'n 'at 'a 'icha presoal chi 'on̈, sec tz'o'ch sc'ojl eb' 'ayn̈ on̈, tzon̈ 'ajx 'el 'a libre yuj eb' on̈.

2 Cr 15:2

'Ix 'elt wul scha win Asa, 'ix yaln 'a 'ixtic: 'Ab' tas 'oj wal 'aych mamin Asa, yet' e masnil ex wit chon̈b' 'aj Judá, yet' ex yin̈tl Benjamín. A Jehová 'aych ton wal quet'ec, toto a wal yet' 'ayn̈ec 'ochi. Toto tzcalc qui b'a 'a 'a, 'oj yab' tas tzcalec. Palta toto 'oj cactquec cani, 'oj on̈ yactc can paxi.

2 Cr 7:14

palta toto 'oj eyic' 'ejm e b'a, ax sb'inax in b'i eyu'uj, tzex leslwi 'ayin, tzeyaln e b'a 'ayin, tzlajw cha, tze jeln e b'eyb'al. Toto 'ixta', 'oj wab' e lesl 'a satcha'an̈, ax wa'n lajwc e mul, ax wa'n pax yaxb'oc e lu'um.

Nehemías 9:17

Ma'ix yal sc'ojl eb' yab'ni, man̈xtoc 'ix sna cot eb' jun tzo'n̈ tas to satjub'tac xa b'o yuj swach'loc eb'. A yic eb' to pit 'ix yutj sb'a eb', 'ix ya'n 'och eb' jun syajlil yuj man̈ nab'enal, yic tz'ijx pax meltzjoc eb' jun 'ejm xo yuj 'a Egipto, yic tz'ochx eb' mosoal ta yalni. Palta ach xo tic ach qui Diosal on̈, caw 'ay a niwnc'ojlal, wach' a nab'en, tz'o'ch a c'ojol, teb'il tzcot owal, caw niwquil a chamc'ojlal, yuj wal cha, ma'ix actjcan eb'.

Nehemías 9:31

Palta yuj a niwquil chamc'ojlal ma'ix a satl eb'; ma'ix actjcan pax eb', yujto Dios ach, wach' a nab'en, tz'o'ch a c'ojol 'a eb'.

Salmos 106:46

Xa'n nachjoc 'el yuj eb' 'ajc'ojl cha, to wach' tzyutj eb' snab'en 'a yib'n̈ eb'.

Salmos 111:4

Satjub'tac yilx tas b'ob'il yu'uj, may b'a'n̈ tz'at 'a satc'ojlal. A Jehová caw wach' snab'en, 'ay schamc'ojlal.

Salmos 86:15

Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Pr 28:13

A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Jeremías 18:17

'Icha wal sactzicnacl tzyutj 'ic' tzcot 'a 'aj tzq'uel c'u yutz'n 'at jun tzo'n̈oc tas, 'ixta 'oj wutc wa'n 'at eb' israel tic 'elc 'a yojltac eb' 'ajc'ojl yajch 'a eb'. A yic 'oj c'och sc'ul sjaw syailal eb', man̈x 'oj woch q'ueln 'a eb', xchi Dios.

Jonás 4:2

Yuj cha, 'ix leslwi 'a Jehová, xyaln 'ixtic: —'Ilt wal nab'n Mamin Jehová, atn wal jun tic xin na'a, yic 'aynto 'ec' 'a in chon̈ab', yuj cha, xwa'n wip in 'at 'elc 'ayach, yic tzin 'at 'a España walni. Yujto wojtac to Dios ach, caw wal 'ay a niwnc'ojlal, man̈ c'unoc scot owal. A yic tzalni to 'oj a'ch junc yailal, palta yajn̈ej tznan pax sb'a a c'ojol, yujto caw tz'o'ch a c'ojol.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Dt 30:1

Tox 'ix wac' e si'lc yaxilal 'oj jawc 'a eyib'n̈ yuj Jehová qui Diosalec toto 'oj eyicloc. An̈jtona waljnacx jun tzo'n̈ catab' 'oj ya' cot 'a eyib'an̈ toto ax tic 'oj e patquiljcan 'el Jehová. Palta a yic sactzicnacx eyajcn 'at 'a jun tzo'n̈ nacion̈ 'a caw najat, 'oj nachjoc 'el eyu'uj to a tz'a'n 'och eyailal.

Dt 4:31

Yujto a Jehová qui Diosalec, caw wach' snab'en. Ma'oj ex yactc can e ch'ocoj, ma'oj ex satl e masnil. Ma'oj sat sc'ojl 'a strato sb'ojnac yet' eb' qui mam quichmec, caw 'oj 'el'choc tas yaljnac cha.