2 Cr 30:22 - Chuj San Sebastian Bible

²² A Ezequías, 'ix yal yuj diosal 'a smasnil eb' levita, to caw xya'ch eb' 'a snab'en ya'n servil Jehová. 'Ix chi eb' no xajmb'al tz'ajx xajmb'al-l 'a jun q'uin̈ to niwn yel'ch 'a uque c'u. 'Ix yac' eb' xajmb'al yic junc'ojlal, 'ix ya'n eb' yuj diosal 'a Jehová qui Diosalec, atn sDiosal eb' qui mam quichmec.

Chuj San Mateo Bible

²² A vin̈aj Ezequías chi', ix yac' yuj diosal vin̈ d'a eb' vin̈ levita, yujto ix sch'oxel sb'ecanc'olal eb' vin̈ yac'an servil Jehová. Uque' c'ual ix schi noc' silab' yic q'uin̈ chi' eb', ix yac'anpax noc' silab' eb' yic junc'olal, ix yalan vach' lolonel eb' d'a Jehová sDiosal smam yicham.

2 Cr 30:22 ပူးပေါင်းရင်းမြစ်များ

Gn 50:21

Yuj cha, man̈ ex xiw yuj jun cha; an 'oj wac' tas 'oj e c'ux yet' eyunnal, xchi José 'a eb' yu'tac cha. 'Ixta xyutj José ya'n sniwnal sc'ojl eb', yujto caw wach' xyutj paxtinc sb'a 'a eb' yet' schamc'ojlal.

2 Cr 15:3

An̈ chon̈b' israel on̈ec tic, niwn tiempo 'ix b'ey coti to man̈xoc jun Dios caw yel 'aych quet'ec, man̈x 'a eb' ya'mal 'och qui ti 'a Dios tzcuywji, man̈x 'a pax cuynb'il.

2 Cr 17:9

'Ix checx 'at eb' tic yet' ch'an̈ libro yic sley Jehová, yic tz'at cuyxc eb' 'anma 'a smasnil chon̈b' 'a yol yic Judá cha.

2 Cr 32:6

'Ix ya'n 'och yopiso jun tzo'n̈ winc capitan̈il 'a smasnil chon̈ab'. 'Ix ya'n syam sb'a eb' 'a sti spuertail plas yic jun chon̈b' cha. 'Ix ya'n ste'nal eb', xyaln 'a eb' 'ixtic:

2 Cr 35:3

'Ix ya'n syam sb'a eb' levita tz'a'w servil 'a Jehová atn eb' cuywjum 'a sley Jehová 'a scal eb' yit israelal, xyaln 'a eb' 'ixtic: A ticnec man̈x 'oj e b'achb'eyc'oc te scaxail trato yet' sjolm e quelab'. Junxn̈ej 'aj tzcan te 'a yet'l 'a yol yatut Jehová, atn jun n̈a sb'ojnac Salomón, yunnal David sreyl chon̈b' Israel. A ticnec ata 'oj eyac' servil Jehová qui Diosalec, yet' pax 'a eb' quit israelalec.

Esdras 10:11

A ticnec 'ojquejec 'eli to x'och e mul 'a Jehová qui Diosalec yet' eb' qui mam quichmec, yicljec 'icha wal tznib'ej. Pojc 'el e b'a 'a scal eb' 'anma chuc chon̈b'al, tzeyactn can eb' 'ix 'ix cha, xchi Esdras 'a eb'.

Esdras 7:10

Yujto caw 'aych 'a snab'en Esdras scuyn sley Jehová, tzb'eylb'an paxi, tzcuyn pax eb' yit israelal 'a jun ley cha.

Esdras 7:25

Ach xo tic Esdras, caw 'ay a jelnal 'ac'b'il yuj a Diosal, yuj cha, 'a'ch eb' juez yet' eb' gobernador, sec a eb' tzb'on yaj smasnil eb' chon̈b' 'ay 'a sc'axpil 'ec' a Éufrates. Tza sic' 'elt eb' yojc xo sley a Diosal cha, ax eb' mant 'ojtnacoc, tza cuy eb'.

Esdras 8:18

Yuj scolwal Dios, 'ix checx cot Serebías yuj eb'. A jun winc cha, caw wal tznachj 'el yu'uj, yin̈tl jun levita tzcuch Mahli. A jun cha, 'ix cot yet' eb' yunnal, yet' eb' yu'tac; wajxclajn̈wan̈ sb'ey eb' 'a smasnil.

Nehemías 8:18

'Ix yawtj Esdras ch'an̈ libro yic ley 'a junjn c'u, schaj 'el 'a b'ab'l c'u masnto 'aj tzlajw uque c'u niwn q'uin̈ cha. Ax 'a junx c'u, 'ix syamn pax sb'a eb' yic tz'och eb' 'emmquilal 'a Jehová, 'icha yaln ley cha.

Nehemías 9:3

Ya' sb'a lin̈n chan̈ eb' 'a yet'l cha, 'oxe hora 'ix 'awtx ch'an un̈ yic sley Jehová Dios 'a sat eb', ax 'a junx 'oxe hora, ata xyal q'uet eb' smul, xyaln sb'a' eb' 'a Jehová.

Pr 8:6

'Ab'c wal si'mb'il, to 'oj wal jun tzo'n̈ tas caw niwn yel'ch 'ayex, man̈x jantcoc swach'l yalxi.

Os 2:14

Wach'xam 'ixta xyutj sb'a chon̈b' Israel, palta 'oj in montc paxi, ax wi'n 'at 'a lum cusltac lum jun 'ejm xo. Ata 'oj wal wach' paxti 'a 'a.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

2 Co 4:6

A Dios yaljnac can 'ixtic: A 'a scal q'uic'q'uinl tic, pitzw cab' sacq'uinal, xchi. Caw a 'a'jnac cot sacq'uinlal 'a qui pixnec, sec yuj jun sacq'uinlal tic, tzcojcanec 'eli, chajtlto caw niwn swach'l Dios. A 'a Jesús, ata tzcheclj 'el swach'l Dios cha.

Dt 33:10

Tzyac' eb' cuyxoc a ley 'a scal eb' yit chon̈ab', atn eb' yin̈tl Jacob, ax yaln pax eb' 'a scal eb' yit israelal. A eb' tz'a'n tz'a incienso 'a ojltac, ax ya'n pax tz'a eb' no xajmb'al to tz'a smasnil 'a yib'n̈ yet'l xajmb'al.

A Scarta San Pablo D'a Eb' Aj Filipos 3:8

Jantcn̈ej jun tzo'n̈ tas wa'jnac 'och yipc in c'ojol, may jac yel'ch 'a in sat ticnec. Yujto 'ay junx yel xo wach' tzin b'o'o, to tzwojquej 'el Cristo Jesús, atn Cajlilec. Yuj Cristo tic, c'uxn satnc 'el smasnil jun tzo'n̈ wa'jnac 'och yipc in c'ojl cha. Ax ticnec, 'icha c'alem xoj yaj 'a in sat, yujto tzin nib'j tzwique'ej Cristo 'a jun 'ejmn̈ej.

2 Ti 4:2

Caw tzal-l spaxti Dios 'a scal eb' 'anma'. Toxn̈ej tznib'j eb' yab'i', toxn̈ej ma'ay, palta caw tzaln̈ej, caw tza montj eb'. Tza tench wan eb' 'a maysch'olnil, tza'n wal snab'enoc eb'. Caw niwn tzotj a c'ojl 'a eb', tza cuyn pax eb' 'a spaxti Dios.

Josué 7:19

Xlajw cha, xyaln Josué 'a win Acán chi 'ixtic: —Ach 'un, 'a sat Jehová qui Diosalec an̈ israel on̈c tic, tza jacn a ti'oc, tas wal jun maysch'olnil chi 'ix a b'o'o, man̈ a c'ub'c 'eli, xchi 'a winac.