2 Cr 30:18 - Chuj San Sebastian Bible

¹⁸ Yujto caw niwn eb' 'anma 'a yin̈tl Efraín, 'a yic Manasés, 'a yic Isacar yet' 'a yic Zabulón to mantzac sacb'tzej sb'a, 'ix scomn chin eb' no xajmb'al yic q'uin̈ cha, palta man̈ 'ixta'oc yaj stz'ib'xcani. Yuj cha, 'ix leslwi Ezequías yuj eb', xyaln 'ixtic: Mamin Jehová qui Diosal ach yet' eb' qui mam quichm on̈, caw wach' a nab'en, 'ac' niwnc'ojlal 'a yib'n̈ smasnil smul eb' to tzya'ch 'a sc'ojl yaln sb'a 'ayach,

Chuj San Mateo Bible

^18-19 Te nivan eb' d'a yin̈tilal Efraín, d'a yic Manasés, d'a yic Isacar yed' d'a yic Zabulón ix comon chi'an noc' silab' yic q'uin̈ chi', man̈ ichaoc yaj stz'ib'chajcani, yujto maj sacb'itej sb'a eb' icha yalan ley. Palta a vin̈aj rey Ezequías chi' ix lesalvi yuj eb', ix yalan vin̈ icha tic: Mamin Jehová, co Diosal ach yed' eb' co mam quicham, te vach' a pensar. Ac' nivanc'olal eb' syac'och d'a sc'ol yalan sb'a d'ayach, vach'chom maj sacb'itej sb'a eb' icha yalan sleyal a templo, xchi vin̈.

2 Cr 30:18 ပူးပေါင်းရင်းမြစ်များ

Gn 20:17

Ax Abraham 'ix leslwi 'a Dios, yuj cha, ax Dios 'ix 'a'n pax stzatzl Abimelec jun 'ejm xo yet' yistzil, yet' eb' 'ix schecb' winac, yic wach' tz'aj yalj pax yune eb' 'ix.

Gn 20:7

A ticnec, 'ac' meltzjoc 'ix 'a yichmil, yujto in checb' yaj winac, tztac' sleslwi win o'oj, sec matz ach chami. Palta toto ma'oj ac' meltzjoc 'ix, wal yel 'oj a chami, yet' jantcn̈ej mach 'ayc' et'oc, smasnil 'oj chamoc, xchi Dios 'a winac.

A Ch'an̈ Schab'il Libro Yic Yab'ixal Eb' Rey 5:18

A cab' Jehová tzin yac' niwnc'ojlal 'a jun tic; yujto a yic 'oj 'at win in reyl 'at yac' 'emmquilal 'a yol yatut sdiosal tzcuch Rimón, 'oj 'och yamn win 'a in c'ab', an̈jtona 'in, 'oj wem n̈ojn 'a yol yatut sdiosal chi yet'oc, ya' cab' Jehová niwnc'ojlal 'ayn yuj jun tic, xchi Naamán.

2 Cr 30:11

Palta 'ay jaywn̈ eb' 'a yin̈tl Aser, yin̈tl Manasés yet' eb' yic Zabulón, 'ix yij 'ejm sb'a eb' 'a Dios, 'ix jaw eb' 'a Jerusalén.

2 Cr 30:25

A eb' ya'mal 'och sti eb' 'anma cha, yet' smasnil eb' 'anma 'aj Judá, caw 'ix tzalj eb'. 'Ixta pax eb' levita yet' smasnil eb' xcot 'a smasnil yol yic Israel. An̈jtona', 'ixta pax eb' chuc chon̈b'al 'ix cot 'a smasnil yol yic Israel cha, yet' pax eb' cajn 'a yol yic Judá.

2 Cr 34:9

Xlajw cha, x'at eb' tic 'at yil Hilcías sat ya'mal 'och sti eb' 'anma 'a Dios. Xit' ya'nc eb' q'uen tumn 'a 'a, atn q'uen xyij chan̈ eb' levita 'aych stan̈malc spuertail yatut Jehová 'a scal eb' yin̈tl Manasés, yet' 'a scal eb' yin̈tl Efraín, atn smasnil jun tzo'n̈ 'anma cannc can 'a yol yic Israel. An̈jtona', 'ay pax q'uen x'ec' 'ijxoc chan̈ 'a scal eb' yin̈tl Judá, 'a scal eb' yin̈tl Benjamín, yet' pax 'a scal smasnil eb' cajn 'a Jerusalén.

2 Cr 6:21

Maclj wal ab' in lesl tic 'an, yet' yic eb' wit israelal tic, yic tzleslwi eb' 'aych 'a jun lugar tic. A wal 'a satchan̈ 'aych 'eq'ui, a yic tzab'ni, tza'n lajwc qui mul 'a quib'n̈ on̈.

Salmos 119:68

Caw wach' a nab'en Mamin, wach' tas tza b'o'o; cuyn 'a jun tzo'n̈ a checnb'il tic.

Salmos 25:8

Mamin Jehová caw wach' a nab'en, tojln̈ej ach paxi; yuj cha, tza tojlb'tzej sb'eyb'al eb' tzb'on maysch'olnil,

Salmos 36:5

Ach xo Mamin Jehová, caw tzc'och a chamc'ojlal 'a satcha'an̈; ax a wach'il, may slajub'.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Dn 9:19

Mamin, ach Cajlil, 'ab' wal tas tzwal 'ayach. 'A'n̈ niwnc'ojlal yuj qui mul on̈, pactzej tas tzwal 'aych Mamin, colwjan̈ quet' on̈. Caw wal b'inab'ilch Mamin, man̈ e'c tiempo on̈ a colni, yujto caw 'ojcab'il to ec on̈ an̈ 'aj Jerusalén on̈ tic, xin chi 'a in lesal.

Lv 10:20

A yic xyab'n Moisés jun cha, man̈x 'a tas 'ix yala.

Nm 19:20

Toto 'ay junc 'anma matz sacb'tzej sb'a 'icha yaln ley, a jun 'anma cha, tztac' yijx 'el 'a scal eb' yit chon̈ab', yujto tz'och smul 'a in cajnub' an Jehová in, yujto matz tzicx 'och a a chi 'a 'a, a tzsacb'tzan 'anma', yuj cha, man̈ wach'c tz'ajcni.

Nm 9:7

'Ix yaln eb' 'ixtc 'a Moisés: —An̈ tic on̈, 'ix qui yam jun chamnc 'anma on̈, yuj cha, man̈ wach'c caj ticnec on̈. ¿Toc wal am ma'oj chaxc ca' cofrenda 'a Jehová 'a jun c'u tic, yet' smasnil eb' quit chon̈b'ec tic? xchi eb'.

1 Co 11:28

Yuj cha, junjn on̈ec, a yic mantzac qui wajec jun pan tic, tzcu'lb'anec jun vaso tic, yowlal tzqui b'eyc'ojlejec can qui b'a b'ab'el.

1 Jn 5:16

Q'uinloc tzeyil junc quit creyenteal to wan sb'on maysch'olnil. Toto a jun tzb'o cha, matz 'ijx 'at yuj 'a chamel, tzex leslwi yu'uj, ax Dios 'oj 'a'nc sq'uinal. Palta 'ay jun tzo'n̈ maysch'olnil tzon̈ 'i'nec 'at 'a chamel. May tas tzwal 'ayex, to tzex leslwi yuj eb' tzb'on jun tzo'n̈ cha.