2 Cr 30:11 - Chuj San Sebastian Bible

¹¹ Palta 'ay jaywn̈ eb' 'a yin̈tl Aser, yin̈tl Manasés yet' eb' yic Zabulón, 'ix yij 'ejm sb'a eb' 'a Dios, 'ix jaw eb' 'a Jerusalén.

Chuj San Mateo Bible

¹¹ Palta ay jayvan̈ eb' vin̈ vinac d'a yin̈tilal Aser, d'a yic Manasés yed' d'a yic Zabulón ix och eb' ejmelal d'a Dios chi', ix javi eb' d'a Jerusalén chi'.

2 Cr 30:11 ပူးပေါင်းရင်းမြစ်များ

1 Cr 9:3

A 'a Jerusalén 'ix can cajn jayc'aj eb' israel, atn eb' yin̈tl Judá, Benjamín, Efraín yet' Manasés.

2 Cr 11:16

Ax pax jun tzo'n̈ xo eb' caw yel 'aych wal 'a snab'en yaln sb'a 'a Jehová sDiosal smam yicham, 'ix 'och tza'n eb' yuj eb' levita, 'ix jaw eb' 'a Jerusalén yic tzya'n eb' xajmb'al 'a 'a.

2 Cr 12:12

Yujto 'ix yij 'ejm sb'a Roboam, yuj cha, 'ix 'och wan yowl sc'ojl Jehová 'a yib'an̈, ma'ix yac' lajwc smasnil schon̈ab'. Yuj cha wach' 'ix 'el'ch eb' 'aj Judá. 'Ix yij pax Roboam yip 'a yopiso 'a Jerusalén.

2 Cr 30:18

Yujto caw niwn eb' 'anma 'a yin̈tl Efraín, 'a yic Manasés, 'a yic Isacar yet' 'a yic Zabulón to mantzac sacb'tzej sb'a, 'ix scomn chin eb' no xajmb'al yic q'uin̈ cha, palta man̈ 'ixta'oc yaj stz'ib'xcani. Yuj cha, 'ix leslwi Ezequías yuj eb', xyaln 'ixtic: Mamin Jehová qui Diosal ach yet' eb' qui mam quichm on̈, caw wach' a nab'en, 'ac' niwnc'ojlal 'a yib'n̈ smasnil smul eb' to tzya'ch 'a sc'ojl yaln sb'a 'ayach,

2 Cr 30:21

Yuj cha, uque c'u 'ix can eb' israel 'a Jerusalén. Caw tzaljc'ojlal 'ix sna eb' sq'uin̈l 'ixm pan may yich. Ax eb' ya'mal 'och sti eb' 'anma 'a Dios yet' eb' yit levitail, tzb'itn eb', tzyaln eb' wach' paxti 'a Jehová 'a junjn c'u yet' jun tzo'n̈ yamc'ab' yic b'it 'a Dios to yic yaji.

2 Cr 30:25

A eb' ya'mal 'och sti eb' 'anma cha, yet' smasnil eb' 'anma 'aj Judá, caw 'ix tzalj eb'. 'Ixta pax eb' levita yet' smasnil eb' xcot 'a smasnil yol yic Israel. An̈jtona', 'ixta pax eb' chuc chon̈b'al 'ix cot 'a smasnil yol yic Israel cha, yet' pax eb' cajn 'a yol yic Judá.

2 Cr 33:12

Palta ax yic xyab'n wal syal cha, 'ix leslwi 'a Jehová sDiosal, xyi'n 'ejm sb'a si'mb'il 'a yojltac sDiosal yet' eb' smam yicham.

2 Cr 33:19

Tz'ib'b'il pax slesal, yet' tas x'aj yo'ch sc'ojl Dios 'a yuj slesl cha. An̈jtona', tz'ib'b'il smasnil smul yet' stenmtaquil, yet' jun tzo'n̈ macsej sb'o chan̈ 'a jolmctac witz yet' 'a 'aj sb'o 'ejm yechl comn dios tzcuch Aserá yet' jun tzo'n̈ xo yechl comn dios, yic mantzac yij 'ejm sb'a 'a Dios. A jun tzo'n̈ cha, ata tz'ib'b'il can 'a ch'an̈ libro yic yab'xil eb' schecb' Dios.

2 Cr 33:23

Palta may xon 'aj 'ix yij 'ejm sb'a 'a yojltac Jehová jun 'ejmoc, 'icha yutjnac yi'n 'ejm sb'a smam.

2 Cr 34:27

'ix a'ch wal 'a a c'ojol, xe'n 'ejm a b'a 'a wojltac an Dios in, yic 'ix ab'ni to 'ay yowl in c'ojl 'a yib'n̈ jun lugar tic, yet' 'a yib'n̈ eb' cajn 'a 'a. Yujto ach 'och 'emmquilal 'a wojltac, xa tzilnjat a pichul, caw ach 'oq'ui, an̈jtona 'in, 'ix wab' tas 'ix ala. An Jehová in, an tzwala.

Ex 10:3

Xlajw cha, 'ix 'atx Moisés yet' Aarón 'at yil win rey chi jun 'ejm xo, 'ix yaln pax eb' 'a win 'ixtic: —A Jehová qui Diosal an̈ israel on̈ tic on̈, a tzaln 'ixtc 'ayach: ¿Jantcto wal tiempo 'oj ac' pitb'oc a b'a, yic matz ej 'ejm a b'a 'ayin? 'A'l eb' in chon̈b' tic 'a libre, yic tz'at ya'nc eb' 'emmquilal 'ayin.

Dn 5:22

Ach tic mamin rey Belsasar, yixchicn ach jun winc cha, wach'xam ojtac tas 'ajnac, palta matz ej 'ejm xon a b'a jab'oc.

Lc 14:11

Tzann̈j mach tzyij chan̈ sb'a, 'oj 'ijxoc 'ejmi, man̈x 'a jac yel'ch 'oj 'ajoc. Palta ax mach tzyij 'ejm sb'a, 'oj 'ijxoc cha'an̈, caw niwn yel'ch 'oj 'ajoc, xchi Jesús.

Lc 18:14

An tzwal 'ayex, a win tecm 'el tumn cha, yic mantzac pax win 'a yatut, yajn̈j cha, xyaln Dios to wach' win 'a sat. Palta ax win fariseo cha, ma'ix yal Dios to wach' win 'a sat. Yujto a eb' tzyij chan̈ sb'a, man̈x 'a jac yel'ch 'oj 'aj eb'. Ax eb' tzyij 'ejm sb'a, caw niwn yel'ch 'oj 'aj eb', xchi Jesús.

A Tas Sc'ulejnac Eb' Schecab' Jesús Hechos 17:34

Palta 'ay jaywn̈ eb' xya'ch sc'ojl 'a Cristo. 'Ix 'och eb' yitb'eymoc Pablo cha. 'Ay jun win Dionisio sb'i, yit yajlil sb'a yet' eb' tzyam sb'a 'a Areópago. 'Ay pax jun 'ix Dámaris sb'i, yet' jun tzo'n̈ xo eb'.

Santiago 4:10

Tzeyij 'ejm e b'a 'a sat Cajlil. Toto 'ixta', a 'oj eyi'n cha'an̈.

A Sb'ab'el Carta San Pedro 5:6

Yuj cha, 'emmquilal tzcutjec qui b'a 'a yol sc'ab' Dios, yujto caw niwn spoder. Toto 'ixta', niwn xo 'oj cajc 'el'ch yu'uj, yic 'oj jawc stiempoal.