2 Cr 29:8 - Chuj San Sebastian Bible

⁸ Yuj wal cha, 'ix cot yowl sc'ojl Jehová 'a quib'n̈ an̈ 'aj Judá on̈c tic, yet' 'a yib'n̈ Jerusalén. Toxn̈ej caw tzsat qui c'ojl quilnec 'och tas on̈ yutjec, b'uchnb'ilal on̈ 'ajc 'och yuj 'a jun tzo'n̈ xo nacion̈, 'icha tas wan quilnec ticnec.

Chuj San Mateo Bible

⁸ Yuj chi', ix cot val yoval sc'ol Jehová d'a Judá yed' d'a Jerusalén tic, cuseltac ix on̈ ajcan yuuj, te q'uixvelal pax ix on̈ ajcani, ix on̈ ochpaxcan sb'uchlab'ejoc juntzan̈ chon̈ab', icha val tz'aj eyilan ticnaic.

2 Cr 29:8 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 9:8

A jun n̈a 'ix 'ochcn wico'oc tic, wach'xam caw nib'jub'tac ticnec, palta caw jun b'uln̈ 'oj 'aj slan̈chj can 'ejmi. A smasnil eb' 'oj 'ec' 'a stz'ey, caw 'oj sat sc'ojl eb' yilni, ax stzetzn eb' yilx 'ochi, ax yaln eb' 'ixtc junjn 'a 'a: ¿Tas laj yuj 'ixtc xyutj Jehová jun chon̈b' tic yet' pax jun yatut tic? 'oj schic eb'.

A Ch'an̈ B'ab'el Libro Yic Yab'ixal Eb' Rey 9:9

Ax yaln pax eb' 'ixtic: Yujto 'ix yactj can eb' Jehová sDiosal, jun x'i'n 'elt eb' smam yichm eb' 'a lum Egipto, ax 'a jun tzo'n̈ comn dios 'ix yac' eb' 'emmquilal, 'ix ya'n servil pax eb'. Yuj wal jun tzo'n̈ cha, 'ix ya'n cot Jehová jun niwquil yailal tic 'a yib'n̈ eb', 'oj schic eb', xchi Dios.

2 Cr 24:18

'Ixta xyutj eb' yactn can yatut Jehová sDiosal yet' smam yicham. 'Ix ya'n 'och sb'a eb' 'emmquilal 'a jun tzo'n̈ sch'oxnb'il comn dios Aserá, yet' 'a jun tzo'n̈ yechl b'ob'il yuj 'anma'. Yuj cha, xcot yowl sc'ojl Dios 'a yib'n̈ Judá yet' a Jerusalén yuj smul eb' cha.

2 Cr 24:20

Xlajw cha, 'ix 'och Yespíritu Dios 'a Zacarías, yunnal Joiada. 'Ix q'ue lin̈n 'a yib'n̈ jun lugar chan̈ yaj cha'an̈. Xyaln 'a eb' chon̈b' 'ixtic: A Dios a tzaln 'ixtic: ¿Tas yuj matz eyiclj in checnb'il an Jehová in? ¿Tas yuj tze say cot yailal 'a eyib'an̈? In eyactj can an Jehová in tic, yuj cha, 'oj ex wactc can pax jun xo, xchi Dios, xchi Zacarías 'a eb'.

2 Cr 30:7

Man̈ lajnoc cab' tzeyutj e b'a 'icha eb' qui mam quichmec, 'icha pax eb' quit israelal, caw tenmtac yutjnac sb'a eb' 'a Jehová, atn qui Diosalec yet' eb' qui mam quichmec, a wal 'ix 'a'n satxoc 'el eb', 'icha wal tzcutj quilnec ticnec.

2 Cr 34:21

Xyaln win 'a eb' 'ixtic: —'Ixquec, 'at c'anb'jec 'a Jehová wu'uj, yet' yuj smasnil eb' cannc 'a yol yic Israel yet' 'a yol yic Judá, yuj tas tzyal ch'an̈ libro 'ix 'ilchj tic; yujto caw niwquil yowl sc'ojl Jehová 'ay cot 'a quib'n̈ec, yujn̈ej to ma'ix syiclj eb' qui mam quichmec spaxti Jehová, ma'ix sb'eylb'ej pax eb' smasnil tas tz'ib'b'il 'a ch'an̈ libro tic, xchi.

Jeremías 19:8

'Oj 'ochcn jun e chon̈b' tic 'a cusltac lumal, ax yochcn b'uchnb'ilal. A eb' 'oj 'ec' 'a tic, 'oj sat sc'ojl eb' yu'uj, caw 'oj xiw eb' yiln 'ochi.

Jeremías 25:18

'Ix wac' yuc' eb' 'aj Jerusalén yet' eb' 'ay 'a jun tzo'n̈ chon̈b' 'a yol yic Judá, yet' sreyl eb', yet' pax eb' 'aych yajlil, yic tzlajw 'el eb' yu'uj, yet' yic tzlan̈chj 'ejm can schon̈b' eb'. A eb' 'ix 'iln eb', caw xiw eb' yiln 'och eb', 'ix b'uchwj eb' 'a eb', 'ix catb'tzax eb' yuj eb' 'icha tas wan yuj ticnec.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Jeremías 29:18

'Oj in pech b'eyc'oc eb' yet' owal, yet' wejel, yet' pax yab'il. Ax wa'n yajxoc eb' yuj jun tzo'n̈ nacion̈. 'Oj jawc catb' 'a yib'n̈ eb', caw 'oj xiw eb' 'anma yiln 'och eb'. 'Oj b'uchwjoc eb' 'anma chi 'a eb', ax sb'ajx eb' yuj eb' 'a jun tzo'n̈ nacion̈ 'aj 'oj sactzic can 'at eb' wuj cha,

Ez 5:15

A yic 'oj wa'nc 'och yailal 'a eyib'n̈ yuj yowl in c'ojol, ax eb' 'anma 'a jun tzo'n̈ xo chon̈b' 'a e la'nil, caw wal 'oj ex stzetzc eb', ax ex sb'uchn eb'.

Lv 26:32

'Oj wac' lajwc 'ejm e chon̈b' cha, ax eb' 'ajc'ojl yajch 'ayex, a eb' 'oj wul cajnoc can paxi, 'oj laj sat sc'ojl eb' yiln jun cha.

Dt 28:25

Caw 'oj ex yac' ganar eb' 'ajc'ojl yajch 'ayex, stzol-l 'oj eyaj e 'at eyac' cob' owl yet' eb', palta caw sactzicnac 'oj eyaj e 'at 'elc yuj eb'. Caw wal 'oj sat sc'ojl smasnil nacion̈ yuj tas 'oj eyaji.

Dt 28:59

To 'ixta', 'oj ya' cot Jehová wal niwc yailal 'a eyib'an̈, yet' 'a yib'n̈ eb' eyin̈til. 'Oj jawc jun tzo'n̈ yab'il to man̈x 'a yan̈il.