2 Cr 29:6 - Chuj San Sebastian Bible

⁶ Yujto a eb' qui mam quichmec, tenmtac yutjnac sb'a eb' 'a Jehová qui Diosalec, caw maysch'olnil sb'ojnac eb' 'a sat, yujto yactjnac can eb'. Yijnac 'el eb' snab'en 'a yatut, man̈x nanoc Jehová yuj eb'.

Chuj San Mateo Bible

⁶ Yujto a eb' co mam quicham, te pit yutejnac sb'a eb' d'a Jehová co Diosal, te chuc tas c'ulejnac eb' d'a yichan̈. Actab'ilcan yuj eb', yic'naquel spensar eb' d'a scajnub'.

2 Cr 29:6 ပူးပေါင်းရင်းမြစ်များ

2 Cr 34:21

Xyaln win 'a eb' 'ixtic: —'Ixquec, 'at c'anb'jec 'a Jehová wu'uj, yet' yuj smasnil eb' cannc 'a yol yic Israel yet' 'a yol yic Judá, yuj tas tzyal ch'an̈ libro 'ix 'ilchj tic; yujto caw niwquil yowl sc'ojl Jehová 'ay cot 'a quib'n̈ec, yujn̈ej to ma'ix syiclj eb' qui mam quichmec spaxti Jehová, ma'ix sb'eylb'ej pax eb' smasnil tas tz'ib'b'il 'a ch'an̈ libro tic, xchi.

Esdras 5:12

An̈jtona', xyaln pax eb', to a smam yichm eb' tzuntzjnac cot yowl sc'ojl Dios 'ay yic satcha'an̈, yuj cha, yajx 'och ab' eb' 'a yol sc'ab' win Nabucodonosor sreyl Babilonia, win yin̈tl eb' caldeo. Ab' ma'jnac 'ejm lan̈chjoc jun yatut Dios cha, xlajw cha, xyi'n 'at eb' 'anma 'a 'icha presoal 'a Babilonia cha.

Esdras 9:7

Yictax 'a yol stiempoal eb' qui mam quichm on̈, masnto ticnec, caw wal 'ayn̈ 'at 'a scal maysch'olnil on̈. On̈ 'ajx 'och 'a yol sc'ab' sreyl jun tzo'n̈ xo nacion̈ yet' eb' qui reyal, yet' pax eb' ya'mal 'och qui ti 'a 'aych on̈. 'Ay mach xlaj milx cham 'ayn̈ on̈, on̈ laj 'ijxc 'at 'a 'icha presoal on̈, 'ix laj 'el'x 'at tastc 'ay 'ayn̈ on̈, caw wal q'uixweltac on̈ 'ajcni, 'icha wal caj ticnec on̈.

Nehemías 1:6

Tzin tew 'aych ticnec, to tza maclj ab' in lesl an a checb' in tic. 'A junjn c'u, yet' 'a junjn 'ac'wal, tzin tew 'aych cuj an̈ a chon̈b' on̈ tic on̈, to caw a checb' caj on̈. Tzwal yuj in mul yet' eb' wit israelal tic. Yel toni, an̈ tic yet' eb' qui mam quichm on̈, x'och qui mul 'aych on̈.

Nehemías 9:16

Palta ax eb' qui mam quichm chi 'on̈, caw 'ix yij chan̈ sb'a eb', pit 'ix yutj eb' snab'en, ma'ix chaj eb' yab' a checnb'il.

Nehemías 9:32

A ticnec ach qui Diosal on̈, caw niwn el'chi, caw 'ay ep, 'ay smay a b'inaxi, matz 'at satc'ojlal a trato o'oj. Yuj a niwquil chamc'ojlal, 'ay cab' yel'ch syailal eb' qui reyl 'a a sat, eb' 'aych qui yajlil on̈, eb' ya'mal 'och qui ti 'aych on̈, eb' a checab', eb' qui mam quichm on̈, yet' smasnil eb' quit chon̈b' on̈, to 'ix yab' eb' syail yictax 'a yol stiempoal eb' sreyl Asiria masnto 'a jun tiempoal tic.

Nehemías 9:34

A eb' qui reyl on̈, eb' qui yajlil on̈, eb' ya'mal 'och qui ti 'ayach, eb' qui mam quichm on̈, ma'ix syiclj eb' a ley, ma'ix chaj eb' yab' tas 'ix alx 'a eb'.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

Jeremías 2:13

Ax in chon̈b' ex tic, x'och chamacn̈ e mul. An tic, lajn in 'icha a a tzpaq'ui, palta in eyactj cani. Mun xoj xe b'o e diosal. A jun e diosal cha, lajn 'icha junc c'ob'a oln yich, matz can a 'a yojol, xchi Dios.

Jeremías 2:17

Atn wal jun tzo'n̈ tic x'ec' 'a eyib'an̈, yujto in eyactj can an Jehová e Diosal in tic, yic ex wi'n b'ey 'a yol b'e.

Jeremías 2:27

'In tzeyal 'a junc te te 'ixtic: Ach tic, qui mam ach, xe chi. Tzeyaln pax 'a junc q'uen q'ue'en: Ach tic, qui nun ach, xe chi paxi. Ax 'ayin, a yich e patc tzeya'cn coti, man̈xtzac ex cot q'ueln 'ayin. Ax 'a yic tzjaw tzann̈j yab'ilal 'a eyib'an̈, tzeyaln 'ayn 'ixtic: ¡Cotan̈, colwjan̈ quet' on̈! xe chi.

Jeremías 26:19

Toc yuj cha, 'ix milx cham Miqueas yuj win rey Ezequías, yet' yuj smasnil eb' chon̈ab'. A yic eb', to 'ix xiw eb', 'ix leslwi eb' 'a Jehová, sec tz'o'ch sc'ojl 'a eb'. Yuj cha, man̈x 'ic ya' cot Jehová jun yailal tox 'ix alx 'el 'a yib'n̈ eb' cha. Toto an̈ec tic, 'oj qui milc cham Jeremías tic, caw 'oj jawc yailal 'a quib'n̈ec, xchi eb'.

Jeremías 44:21

—¿Am wal e nan ax tic, to man̈ yojcoc Jehová, mto x'at satc'ojlal yu'uj, yic xeya'n incienso xajmb'al-l 'a jun tzo'n̈ chuc diosal 'a yoltc scayeal Jerusalén, 'icha wal yutjnac sb'a eb' qui mam quichmec cha, eb' qui reylec, eb' yajl yaj 'a qui calec, yet' smasnil 'anma 'a yol yic Judá?

Lm 5:7

A eb' qui mam quichm on̈, a eb' 'ochnc smul, palta chamnc xo eb'. Ax ticnec, a 'a quib'n̈ tzjaw yailal yuj smul eb' cha.

Ez 18:14

Palta q'uinloc 'ay junc yunnal jun winc cha, tzyila tas smul jun smam chi tzya'chi, palta man̈oc jun tzo'n̈ chi tznib'j sb'o';

Ez 8:16

In yi'n 'at 'a yol sti yamq'uil yatut Dios, ax 'a yol 'och sti puerta cha, 'a sla'nil 'aj 'ay yet'l xajmb'al, ata 'ay 25 eb' winac. A yichspatquil eb' 'aycn cot 'a stojlal yatut Dios, axta q'ueln 'at eb' 'a stojlal 'aj tzq'uel c'u, cumn 'ejm eb' yal sb'a 'a c'u.

Dn 9:16

Mamin, cojc wal si'mb'il on̈, to tza b'on̈j tas tzala. Yuj cha, 'el cab' wal 'a a c'ojol, to tzej 'el yailal yet' yowl a c'ojl 'aych 'a yib'n̈ chon̈b' Jerusalén, yujto a chon̈b' yaji, ecn̈ej yaj lum tzaln Sión. Smasnil nacion̈ 'ay 'a stz'ey, caw tzb'uchwj eb' 'a jun chon̈b' tic. Yuj wal qui mul on̈, yet' yuj smul eb' qui mam quichm on̈, 'ixta tz'aji.

Mt 10:37

A mach yel xo niwn tzchamc'ojlej smam snun 'a wib'an̈, man̈ smojc eb' yoch wico'oc. An̈jtona', a mach yel xo wal niwn tzchamc'ojlej yunnal 'a wib'an̈, man̈ smojc yoch eb' wico'oc.