2 Cr 29:34 - Chuj San Sebastian Bible

³⁴ Palta ax eb' ya'mal 'och sti eb' 'anma 'a Dios jaywn̈ej eb', yuj cha, matz tza'wni eb' spatz'n 'el no xajmb'al to tz'a smasnil cha. Yuj cha, 'ix colwj eb' yit levitail eb' yet'oc, masnto xlajw jun munljel chi sb'on eb', 'ix sacb'tzej sb'a jun tzo'n̈ xo eb' ya'mal 'och sti eb' 'anma 'a Dios. A eb' levita, yajn̈j cha schan sc'ojl eb' sacb'tzan sb'a 'a yib'n̈ eb' ya'mal 'och sti eb' 'anma'.

Chuj San Mateo Bible

³⁴ Yujto quenn̈ej sb'isul eb' vin̈ sacerdote, maj tzac'vanlaj eb' vin̈ spatz'anel masanil noc' silab' sn̈usjitz'a smasanil chi', yuj chi' ix colvaj eb' vin̈ yetlevitail eb' vin̈, yacb'an sacb'itej pax sb'a juntzan̈xo eb' vin̈ sacerdote, yujto a eb' vin̈ levita elan̈chamel ix yac'och eb' vin̈ d'a sc'ol sacb'itan sb'a d'a yichan̈ juntzan̈ eb' vin̈ sacerdote chi'.

2 Cr 29:34 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 12:6

Palta a yic 'oxeschawinc ab'il xo yoch Joás reyal, mant 'a xon jac tas juwnc 'a yatut Dios chi tox xb'o yuj eb' ya'mal 'och sti eb' 'anma cha.

1 Cr 29:17

Wojc wal ach in Diosal, to tza b'eyc'ojlej qui nab'en, caw tzchaj a c'ojl tojlal. Yuj cha, an tic yet' in tojl nab'enal tzwa'n jun tzo'n̈ tic. A ticnec caw tzin tzalj wilni to a smasnil eb' a chon̈b' yamn 'a tic, wal 'a smasnil sc'ojl eb' 'ix ya'n eb' yofrenda 'ayach.

2 Cr 29:33

A smasnil no xyac' eb', waque ciente no mam wacax, yet' 'oxe mil no calnelu mto chiwo.

2 Cr 29:5

Xyaln 'a eb' 'ixtic: Ex levita 'ab'tec tas 'oj wala': Sacb'tzejc e b'a ticnec, tze sacb'tzan pax yatut Jehová, atn qui Diosalec yet' eb' qui mam quichmec. Tzeyi'n 'elt smasnil tas man̈ wach'c 'aych 'a yol yatut cha.

2 Cr 30:15

A 'a schan̈lajn̈il c'u yoch schab'l 'uj cha, smiln cham eb' e no quelm calnelu yic q'uin̈ cha. Ax eb' ya'mal 'och sti eb' 'anma 'a Dios yet' eb' levita, caw 'ix q'uixw 'el eb', yuj cha, 'ix sacb'tzan sb'a eb'. 'Ix yi'n 'at eb' no xajmb'al to tz'a smasnil 'a yatut Jehová.

2 Cr 30:24

Yujto a Ezequías sreyl Judá, 'ix siyj jun mil no quelm wacax, uque mil no calnelu 'a eb' chon̈ab' yic tzya'n eb' xajmb'aloc, an̈jtona', 'ixta pax eb' yajl yaji, 'ix siyj eb' jun mil no quelm wacax, yet' lajn̈e mil no calnelu. Caw niwn eb' ya'mal 'och sti eb' 'anma 'a Dios 'ix sacb'tzej can sb'a.

2 Cr 30:3

ma'ix stac' snan eb' q'uin̈ 'a stiempoal, yujto mant niwnoc eb' ya'mal 'och sti eb' 'anma 'a Dios tox sacb'tzej sb'a, 'ixta pax eb' chon̈ab', man̈ niwnoc eb' 'ix syam sb'a 'a Jerusalén.

2 Cr 35:11

'Ixnta xyutj eb' smiln cham no noc' yic q'uin̈, tzya'n eb' schic'l no 'a eb' ya'mal 'och sti eb' 'anma 'a Dios, sec tzicch eb' schic'l no 'a yich yet'l xajmb'al. Xlajw cha, spatz'n 'el eb' levita chi stz'umal no xajmb'al cha,

Esdras 6:20

Ax eb' ya'mal 'och sti eb' 'anma 'a Dios yet' jun tzo'n̈ xo eb' levita, tox 'ix sacb'tzej sb'a eb' smasnil 'icha yaln ley. A eb' levita cha, a eb' xb'on jun tzo'n̈ no calnelu tzchix 'a yic q'uin̈ cha, atn no yic smasnil eb' yit chon̈b' eb' cha, no yic eb' ya'mal 'och sti eb' 'anma 'a Dios, yet' no yic eb' 'a mun yico'.

Salmos 26:6

Mamin Jehová tzin b'icl in c'ab', yic tzin ch'oxn 'eli to may in mul, 'ixta to b'i'an ax in c'och 'a stz'ey yet'l a xajmb'al.

Salmos 7:10

A Dios in Colmal yaji, caw tzcolx eb' tojl snab'en yu'uj.

Salmos 94:15

A tojlal 'oj yic' yip jun 'ejm xo. Smasnil eb' 'anma wach' snab'en, 'oj ya'ch eb' yipc sc'ojl jun tojlal cha.

Ez 44:11

'Oj 'a'wc servil eb' 'a watut, ax stan̈wni eb' yol sti spuertail watut yet' jun tzo'n̈ xo 'opiso; a eb' 'oj milnoc no noc' tz'ajx xajmb'al 'ayin, atn no tzeyac' ofrendail 'ayin; 'ixta 'oj yutc eb' ex ya'n servil.

Nm 18:3

Atn eb' 'oj munljoc et' 'a in cajnub' cha, palta checln̈ej 'aj wach' scolwj eb'. Matz tac' yochch eb' 'aj 'ay syamc'ab'il in cajnub', mto 'a yet'l xajmb'al. Toto ma'ay 'oj cham eb', ax e cham pax jun xo.

Nm 8:15

A yic tox xlajw sacb'tzax can eb' 'icha yaln sleyal, yet' 'a yic tox 'ix 'ajx eb' 'ayn cha, tztac' xo sjaw eb' munljoc 'a in Mantiado cha.

Nm 8:19

An xin si'cn 'elt eb' levita tic 'a e cal e masnil, 'ix wa'n can eb' 'a Aarón yet' 'a eb' yunnal, sec wach' a eb' tzin 'a'n servil e jelc 'a jun Mantiado 'aj tzin chaj in b'a eyet'oc, yic tzwa'n lajwc e mul. Ax eb' chon̈ab', matz tac' sjaw eb' 'a stz'ey in cajnub', sec wach' may tas 'oj 'i'nc eb', xchi Dios.