2 Cr 29:3 - Chuj San Sebastian Bible

³ A 'a b'ab'l 'uj yic b'ab'l ab'il yoch reyal, 'ix ya'n jacxoc spuertail yatut Jehová, xlaj ya'n nipxoc 'aj juwnac.

Chuj San Mateo Bible

³ A d'a b'ab'el uj yic b'ab'el ab'il yoch vin̈aj Ezequías reyal, ix schecan vin̈ jacchajxi stemplo Jehová, ix schecan vin̈ vach' b'ochajxi spuertail.

2 Cr 29:3 ပူးပေါင်းရင်းမြစ်များ

2 Cr 28:24

Xlajw cha, syamb'tzan jun tzo'n̈ yamc'ab' tzc'anx 'a yatut Dios, 'ix sma'n pojoc, 'ix smacn can spuertail yatut Dios, 'ix ya'n b'o jun tzo'n̈ macsej 'a smasnil yisquinyoal caye 'a Jerusalén.

2 Cr 29:17

'Ix schaj 'el eb' yich sacb'tzan jun tzo'n̈ yamq'uil yatut Jehová 'a yic b'ab'l c'u yoch b'ab'l 'uj cha, ax 'a yic swajxquil c'ual, 'ix c'och eb' 'a spuertail yatut Jehová cha. Wajxque pax c'u 'ix sacb'tzej eb' yojol, ax 'a yic swaclajn̈il c'ual, 'ix lajw sacb'tzan eb'.

2 Cr 29:4

'Ix ya'n 'awtxoc cot eb' ya'mal 'och sti eb' 'anma 'a Dios yet' jun tzo'n̈ xo eb' levita, 'ix syamn sb'a eb' yuj 'a yamq'uil yatut Jehová 'a stojlal 'aj tzq'uel c'u.

2 Cr 29:7

'Ix smacn eb' spuertail yatut cha, xyutz'n tup eb' jun tzo'n̈ cantil, man̈xtoc xyac' tz'a eb' incienso, man̈xtoc xyac' eb' xajmb'al to tz'a smasnil 'a yatut qui Diosalec an̈ israel on̈c tic.

2 Cr 34:3

A 'a yic swajxquil ab'il yoch reyal, yic quelm 'unn wali, 'ix schan 'el yich yaln sb'a 'a sDiosal David, atn smam yicham. Ax 'a slajchwil ab'il yoch reyal, syamn 'och satn 'el jun tzo'n̈ tas man̈ wach'c 'a Judá yet' 'a yol chon̈b' Jerusalén. 'Ix ya'n satxoc 'el jun tzo'n̈ macsej 'a jolmctac witz, jun tzo'n̈ sch'oxnb'il comn dios tzcuch Aserá, jun tzo'n̈ yechl to tzeyb'il b'o'oc, yet' pax jun tzo'n̈ yechl to tenb'il b'o'oc.

Salmos 101:3

May wal b'a'n̈ 'oj wa'ch in nab'en 'a tas maysch'olnil. Matz in nib'j wil eb' tzyij 'el sb'a 'a a tz'ey, may wal junc eb' 'oj wa'ch yopiso 'a in despacho.

Ex 40:2

A wal 'a b'ab'l c'u yic b'ab'l 'uj, ata tzac' b'o chan̈ in cajnub', atn jun Mantiado 'aj tzin chaj in b'a eyet'oc.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Mt 6:33

Yuj cha, 'a'c eyip e wach' 'a'n 'och e b'a 'a yol sc'ab' Dios. Tojln̈ej tzeyutj e b'eyb'al 'icha tznib'ej. Toto 'ixta', 'oj yac' jun tzo'n̈ chi 'ayx smasnil.

Gl 1:16

'ix ya'n wojcoc 'el Yunnal, sec wach' tz'ec' wal-l yab'xil colnb'il 'a e cal ax man̈ ex israeloc. A 'a yic xlajw in chan Cristo, may junc 'anma cuyjnac in.