2 Cr 29:16 - Chuj San Sebastian Bible

¹⁶ 'Ix 'och eb' ya'mal 'och sti eb' 'anma 'a Dios 'a yol yatut Jehová yic tzsacb'tzan eb'. 'Ix yi'n 'elt eb' smasnil jun tzo'n̈ tas man̈ wach'c 'ix 'ilchj yuj eb' 'a yojol; x'el-l jun tzo'n̈ chi yuj eb' 'a yamq'uil, ax jun tzo'n̈ xo eb' levita xit' julnc can 'at jun tzo'n̈ chi 'a sch'olnil sti a Cedrón.

Chuj San Mateo Bible

¹⁶ Ix lajvi chi', ix och eb' vin̈ sacerdote chi' d'a yol templo yic sacb'itan eb' vin̈. Masanil tas man̈ vach'oc ix ilchaj yuj eb' vin̈, ix laj yiq'uelta eb' vin̈, ix yic'anel eb' vin̈ d'a yamaq'uil templo chi'. Axo juntzan̈ eb' vin̈ levita ix b'at julancanb'at d'a sch'olanil stitac a' Cedrón.

2 Cr 29:16 ပူးပေါင်းရင်းမြစ်များ

2 Cr 15:16

An̈jtona', 'ix yi'n 'el Asa chi sb'inab'ilal snun chichim, atn 'ix Maaca, yujto ya'jnac b'o 'ix jun yechl comn dios Aserá. Ax Asa cha, caw choc' 'ix yutj jun yechl cha, ax 'a sti a Cedrón, ata xit' yac' tz'a'oc.

Jn 18:1

Xlajw yaln Jesús jun tzo'n̈ tic, 'ix 'at yet' eb' scuywum. 'Ix c'och eb' 'a sc'axpil 'ec' jun ch'oln Cedrón sb'i', 'a 'aj 'ay jun tzo'n̈ 'awb'ente'. Ata xc'och eb' 'a scal.

Mt 23:27

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Lajn ex 'icha junc yet'l xi'lb'a 'ay 'a campusan, caw sac spatquil, caw wach' cob' yilxi, palta ax wal yojol, b'ut'n yet' sb'ac'l jun tzo'n̈ xi'lb'a cha, caw tu tas 'ay 'a yojl cha.

Ez 36:29

'Oj ex in tan̈woc sec man̈x 'oj eyixtc 'el e b'a yuj jun tzo'n̈ tzex jun 'el cha. Ax wa'n niwtjoc sat e trigo, sec man̈x 'oj eyac' wejel.

2 Cr 5:7

Xlajw cha, 'ix 'at ya'nc 'och eb' ya'mal 'och sti eb' 'anma te caxa chi 'a yet'ul, 'a jun Lugar to cojn Dios 'ay yico', 'a yaln̈ sc'axl jun tzo'n̈ yechl querubín 'a yol yatut Dios cha.

2 Cr 3:8

An̈jtona', 'ix ya'n b'o jun Lugar to cojn Dios 'ay yico'. 'Ix b'o 'a yojl cha. 'Ay b'aln̈e metro spac'b'il, lajn yet' slewnal sat yatut Dios cha, b'aln̈e metro pax schiquin. Xlajw cha, 'ix ya'n 'ajxoc 'och oro caw wal wach' 'a 'a, jab'xoj man̈ o'e'oc ciente quintal q'uen x'och 'a 'a.

A Ch'an̈ Schab'l Libro Samuel 15:23

Smasnil eb' 'anma 'a yol chon̈b' cha, caw ji'jmtac yoc' eb' yuj win rey, yic xyiln eb' s'atcn win yet' eb' ajun yet'oc. 'Ix 'ec' eb' 'anma chi 'a yojl a niwn a Cedrón. 'Ix 'ec' pax win rey chi yet' eb', 'ix 'atcn win yet' eb' 'anma chi 'a sb'el lum cusltac lu'um.

2 Cr 30:14

Xlajw cha, syamn 'och eb' yi'n 'el smasnil jun tzo'n̈ macsej 'ay 'a Jerusalén, yet' jun tzo'n̈ yet'l 'aj tz'a incienso, 'ix sjuln can 'at eb' 'a sch'olnil sti a Cedrón.

Nehemías 13:9

Xlajw cha, xwalni to tzsacb'tzax jun tzo'n̈ cuarto cha, 'ix wa'n 'ajxoc 'och jun tzo'n̈ yamc'ab' yic yatut Dios jun 'ejm xo 'a yojol, yet' ofrenda yet' incienso.