2 Cr 28:8 - Chuj San Sebastian Bible

⁸ An̈jtona', wach'xam yit chon̈b' sb'a eb' yet' eb' israel, palta a eb' israel, 'ix 'yij 'at eb' chab' ciente mil eb' 'aj Judá 'icha presoal 'a Samaria. Til wal eb' 'ix 'ix, eb' winc 'unin, yet' eb' 'ix 'unn xyij 'at eb', til to wal pax tas xyij 'at eb'.

Chuj San Mateo Bible

⁸ Vach'chom yetchon̈ab' sb'a eb' yed' eb' israel chi', palta ix ic'jib'at 200 mil eb' yuj eb', aton eb' ix ix, eb' vinac unin yed' eb' ix unin, ix ic'jib'at eb' d'a Samaria. Man̈xo jantacoc pax tas ix yic'b'at eb' israel chi'.

2 Cr 28:8 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 6:22

—Ma'ay, man̈ 'a mil cham eb'. Ach tic, ¿tom tza mil cham eb' tzyamchj oj 'a owal? A eb' tic, 'ac' wa eb', 'ac' pax tas tzyu'j eb'. Tzlajw cha, tza'n meltzjoc eb' 'a syajlil, xchi Eliseo 'a win rey cha.

2 Cr 11:4

to an tzwal 'ixtic: Man̈ eyac' owl yet' eb' eyit israelal, meltzjan̈c junjn ex 'a eyatut, yujto an 'ixta 'ix wutj jun tic, xchi Dios, xa chi 'a eb'. A yic 'ix yab'n eb' tas 'ix yal Jehová cha, 'ix pax eb' 'a yatut, man̈xtoc 'ix 'at eb' yac' owl yet' Jeroboam.

2 Cr 28:11

A ticnec jun, chajc eyab' tas 'oj wala', 'a'c meltzjc eb' eyit israelal xe yij cot 'icha presoal, yujto caw tzcot yowl Jehová 'ayex, xchi Oded.

2 Cr 28:7

Ax win Zicri, atn jun soldado caw 'ay yip 'a scal eb' yin̈tl Efraín, a 'ix miln cham Maasías yunnal win rey, yet' Azricam, atn yajl yaj 'a sdespacho winac, yet' pax Elcaná, sat yajl yaj yuj win rey.

Is 9:21

'Oj meltzjoc 'och eb' yin̈tl Manasés 'a eb' yic Efraín, ax spacn sb'a eb' yic Efraín chi 'a eb' yic Manasés cha, ax 'oj 'ajoc, 'oj meltzjoc 'och eb' schac'ajil 'a eb' 'aj Judá. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

A Tas Sc'ulejnac Eb' Schecab' Jesús Hechos 13:26

Ex wit 'anma'il, ex yin̈tl can Abraham wet'oc, yet' ex 'ay e xiwc'ojlal 'a Dios, a jun 'ab'x yic colnb'il tic, eyic wet'oc.

A Tas Sc'ulejnac Eb' Schecab' Jesús Hechos 7:26

Ax 'a yic junx c'u, 'ix c'och 'a chawn̈ xo eb' yit chon̈ab'. 'Ix yilni, wan ya'n eb' owal. Tznib'j Moisés tzcan eb' 'a junc'ojlal. Yuj cha, xyaln 'a eb' 'ixtic: Ex winac, ¿tas yuj tzeyac' owal? 'In eyit chon̈b' e b'a, xchi 'a eb'.

Dt 28:25

Caw 'oj ex yac' ganar eb' 'ajc'ojl yajch 'ayex, stzol-l 'oj eyaj e 'at eyac' cob' owl yet' eb', palta caw sactzicnac 'oj eyaj e 'at 'elc yuj eb'. Caw wal 'oj sat sc'ojl smasnil nacion̈ yuj tas 'oj eyaji.

Dt 28:41

'Ay eyunnal, ay eyisil, palta may eb' 'oj 'ochwan eyet'oc, yujto 'oj 'ijxoc 'at eb' 'icha presoal 'a junc xo nacion̈.