2 Cr 28:7 - Chuj San Sebastian Bible

⁷ Ax win Zicri, atn jun soldado caw 'ay yip 'a scal eb' yin̈tl Efraín, a 'ix miln cham Maasías yunnal win rey, yet' Azricam, atn yajl yaj 'a sdespacho winac, yet' pax Elcaná, sat yajl yaj yuj win rey.

Chuj San Mateo Bible

⁷ Ay jun vin̈ soldado te tec'an d'a yin̈tilal Efraín scuchan Zicri, a vin̈ ix milancham vin̈aj Maasías yuninal vin̈ rey chi' yed' vin̈aj Azricam yajal d'a spalacio vin̈ rey chi' yed' vin̈aj Elcana sat yajal yuj vin̈ rey chi'.

2 Cr 28:7 ပူးပေါင်းရင်းမြစ်များ

Gn 41:43

Xlajw cha, xchecx q'ue José chi 'a yojl jun schab'l scaruaje win rey cha. 'Ix pechx 'el eb' 'anma 'a yol sb'e yic tz'ec' 'a sat eb'. 'Ixta x'aj José chi sq'ue'ch can 'a yopiso 'a sat smasnil eb' 'anma 'a yol yic Egipto.

Gn 43:12

'Ijec 'at e tumin yic tze mann 'ixm trigo cha, tzeyi'n pax 'at q'uen tumn xyac' meltzjoc ewin 'a yol sti e coxtl cha, tecn ton̈j sat sc'ojl ewinac.

Gn 43:15

Xlajw cha, xyi'n 'at ewin siylab', yet' q'uen tumin. Xyi'n pax 'at ewin win Benjamín, x'at ewin 'a Egipto. 'Ix c'och ewin 'a yojltac win José.

2 Cr 28:6

A eb' soldado win Peka, sreyl Israel, yunnal Remalías, junn̈j c'u smil cham eb' jun 120 mil soldado 'aj Judá, eb' caw tec'an, yujn̈ej to xyactjcan eb' Jehová, atn sDiosal eb' yet' smam yicham.

2 Cr 28:8

An̈jtona', wach'xam yit chon̈b' sb'a eb' yet' eb' israel, palta a eb' israel, 'ix 'yij 'at eb' chab' ciente mil eb' 'aj Judá 'icha presoal 'a Samaria. Til wal eb' 'ix 'ix, eb' winc 'unin, yet' eb' 'ix 'unn xyij 'at eb', til to wal pax tas xyij 'at eb'.

Ester 10:3

A Mardoqueo 'ix 'ochcn schab'loc 'a win rey cha. Caw wal niwn x'aj 'el'ch 'a scal eb' yit israelal, nib'b'il yuj smasnil eb' yit chon̈ab', yujto caw 'ix sayc' swach'l eb' yit chon̈b' cha. 'Ix yac' wal yip, yic wach' tzcan eb' 'a tzaljc'ojlal yet' 'a junc'ojlal.