2 Cr 28:5 - Chuj San Sebastian Bible

⁵ Yuj wal cha, 'ix 'ajx 'och yuj Jehová sDiosal 'a yol sc'ab' sreyl Siria. Caw niwn sb'isl eb' 'aj Judá xyij 'at eb' sirio 'a 'icha presoal 'a Damasco. An̈jtona', xya'n pax 'och Jehová eb' 'aj Judá chi 'a yol sc'ab' sreyl chon̈b' Israel, yuj cha, caw niwn eb' xchami.

Chuj San Mateo Bible

^5-6 Yuj chi' ix ac'jioch vin̈ yuj Jehová sDiosal d'a yol sc'ab' vin̈ sreyal Siria. Te nivan anima ix ic'jib'at d'a Damasco yuj eb' sirio chi'. An̈eja' ix ac'jipaxoch vin̈ yuj Jehová d'a yol sc'ab' vin̈aj Peka yuninal vin̈aj Remalías sreyal Israel. A d'a jun c'u, 120 mil eb' soldado te tec'an yic Judá ix smilcham eb', yujto ix yactejcan Jehová sDiosal eb', aton sDiosal smam yicham eb'.

2 Cr 28:5 ပူးပေါင်းရင်းမြစ်များ

2 Cr 24:24

Jaywn̈ej eb' soldado sirio 'ix jaw yac' owl yet' eb' 'aj Judá, palta a Jehová 'ix 'a'n 'och eb' soldado to niwn sb'isl chi 'a yol sc'ab' eb', yujto 'ix yactj can eb' Jehová, atn sDiosal eb' yet' smam yicham. 'Ixtnta x'aj Joás yab'n syal yuj tas tu x'el sb'oni.

2 Cr 29:9

Yuj wal cha, 'ay eb' qui mam quichmec chamnc yuj espada, til wal eb' cunnalec, eb' 'ix quislec, yet' eb' 'ix quistzilec 'ijxnac 'at 'icha presoal.

2 Cr 33:11

Yuj wal cha, xya'n cot Jehová eb' syajlil eb' soldado yic sreyl Asiria, 'ix yamchj Manasés yuj eb', xya'n 'och eb' q'uen gancho 'a sn̈i', sjaln eb' yet' cadena to nab'a bronce, xyi'n 'at eb' 'a chon̈b' Babilonia.

2 Cr 36:17

Xlajw cha, xchecx cot win rey yet' eb' soldado 'aj Babilonia yuj Jehová, yic tzya'n owl yet' eb' 'aj Judá cha. A yic 'ix 'ajx ganar eb', 'ix milx cham eb' quelm yet' espada a yol yamq'uil yatut Dios. Man̈x 'a jac sniwnc'ojlal 'a eb' quelem, 'a eb' cob'es, yet' 'a eb' 'ichmtac 'anma man̈x 'a yip. Xya'ch Jehová smasnil eb' 'a yol sc'ab' jun rey cha.

2 Cr 36:5

A Joacim 25 ab'il sq'uinal, yic schan 'el yich ya'n reyal, uxlche ab'il xyac' reyl 'a Jerusalén. Palta caw maysch'olnil x'el sb'on 'a sat Jehová sDiosal.

Is 7:1

A yic 'aych win Acaz reyl 'a Judá, win yunnal Jotam, yixchicn Uzías, ata x'och jun owl 'a Jerusalén yuj win Rezín sreyl Siria, yet' yuj win Peka, yunnal Remalías, sreyl chon̈b' Israel. Snib'j ewin to xyac' 'ejm chon̈b' Jerusalén, palta ma'ix stac' yuj ewinac.

Is 7:6

Coyc 'at qui macc 'ec' chon̈b' Judá, qui xib'tquec eb' 'anma cha. Tzlajw cha, tzqui pojnec 'ec' jun chon̈b' chi 'ayn̈ec, ax win yunnal Tabeel, a win tzca'c can 'och reyl ta', xchi cob' eb'.

Ez 16:57

yujto mantzac checlj smul. Ax ticnec, a eb' edomita, eb' filistea yet' eb' cajn 'a stz'ey, caw wal 'oj sb'uch eb'.

Jueces 2:14

Yuj wal cha, xcot yowl sc'ojl Jehová 'a eb'. 'Ix 'ajx 'och eb' 'a yol sc'ab' nan̈l eb' soldado xwul 'elc'noc tas 'ay 'a eb'. 'Ix 'ajx 'och pax eb' 'a yol sc'ab' eb' 'ajc'ojl 'ayc' 'a stz'ey, man̈x 'ic stac' scoln sb'a eb' 'a eb' 'ajc'ojl cha.