2 Cr 28:24 - Chuj San Sebastian Bible

²⁴ Xlajw cha, syamb'tzan jun tzo'n̈ yamc'ab' tzc'anx 'a yatut Dios, 'ix sma'n pojoc, 'ix smacn can spuertail yatut Dios, 'ix ya'n b'o jun tzo'n̈ macsej 'a smasnil yisquinyoal caye 'a Jerusalén.

Chuj San Mateo Bible

²⁴ Ix lajvi chi', ix smolb'an juntzan̈ yamc'ab' yic stemplo Dios vin̈, ix smac'anpoj vin̈. Ix smacancan templo chi' vin̈, ix schecan vin̈ b'ojocq'ue juntzan̈ altar d'a schiquintac scalleal Jerusalén chi'.

2 Cr 28:24 ပူးပေါင်းရင်းမြစ်များ

2 Cr 28:25

An̈jtona', 'ix sb'on pax jun tzo'n̈ macsej 'a smasnil chon̈b' 'a yol yic Judá, yic tzya'n tz'a incienso 'a jun tzo'n̈ comn dios. 'Ixtnta xyutj stzuntzn cot yowl sc'ojl Jehová sDiosal yet' eb' smam yicham.

2 Cr 29:19

An̈jtona', tox 'ix qui sacb'tzej can smasnil jun tzo'n̈ yamc'ab' 'elnc can 'a yopiso yuj rey Acaz, yic yoch stenmtaquil yic ya'n reyal. Ax ticnec tox 'ix qui b'ox can 'och eb' 'a yet'l on̈. 'Ayx 'ec' eb' 'a yojltac yet'l xajmb'al yic Jehová, xchi eb' 'a 'a.

2 Cr 29:3

A 'a b'ab'l 'uj yic b'ab'l ab'il yoch reyal, 'ix ya'n jacxoc spuertail yatut Jehová, xlaj ya'n nipxoc 'aj juwnac.

2 Cr 29:7

'Ix smacn eb' spuertail yatut cha, xyutz'n tup eb' jun tzo'n̈ cantil, man̈xtoc xyac' tz'a eb' incienso, man̈xtoc xyac' eb' xajmb'al to tz'a smasnil 'a yatut qui Diosalec an̈ israel on̈c tic.

2 Cr 30:14

Xlajw cha, syamn 'och eb' yi'n 'el smasnil jun tzo'n̈ macsej 'ay 'a Jerusalén, yet' jun tzo'n̈ yet'l 'aj tz'a incienso, 'ix sjuln can 'at eb' 'a sch'olnil sti a Cedrón.

Jeremías 2:28

Ex 'aj Judá, ¿'ajtil 'ay jun tzo'n̈ e diosal e b'ojnac? ¡'Icha wal sb'isl e chon̈ab', 'ixta wal sb'isl eb' e diosal chi e b'ojnac! ¡Jaw cab' eb' quilnoc, ax quilni, toto 'oj stac' ex scoln eb', yic 'oj c'och stiempoal sjaw yailal 'a eyib'an̈!

Os 12:11

A 'a lum Galaad, ata 'ay sdiosal eb' chuc chon̈b'al, palta man̈x 'a jac yel'ch 'oj 'ajcni. A 'a lum Guilgal, ata tzlaj yac' eb' no wacx xajmb'alil; palta a yet'l xajmb'al eb' cha, lajn 'oj 'ajcn 'icha q'uen q'uen jun b'uln̈ yaj si'x syam sb'a 'a 'aj tz'awx lum lu'um, xchi Dios.

A Tas Sc'ulejnac Eb' Schecab' Jesús Hechos 17:16

Ax Pablo, 'ix stan̈wni sc'och Silas yet' Timoteo 'a chon̈b' Atenas. Ata', til wal jun tzo'n̈ tas tzya'ch eb' 'anma sdiosaloc. Yuj cha, caw wal xcus sc'ojl yilni.

A Tas Sc'ulejnac Eb' Schecab' Jesús Hechos 17:23

Yujto yic in b'eyc' 'a yol e chon̈ab', x'ec' wil 'ajtc tzlaj eyal e b'a 'a jun tzo'n̈ e diosal cha. Xwiln pax jun yet'l xajmb'al, 'ajtil tz'ib'b'il can 'och eyuj 'ixtic: A 'a tic tzcalc qui b'a 'a jun Dios man̈ cojcoc, xchi jun letra cha. A jun Dios cha, niwnoc cob' tzeyal e b'a 'a 'a, palta man̈ eyojcoc 'aj 'ay. Atn jun Dios chi tzwul wal yab'xil 'ayx ticnec.