2 Cr 28:21 - Chuj San Sebastian Bible

²¹ Wach'xam 'ix yij to 'elt Acaz jun tzo'n̈ tas caw chan̈ stojl 'ay 'a yatut Jehová, yet' 'a sdespacho win rey cha, yet' pax 'a yatut eb' yajl yaj ta', yic tzya'n 'a sreyl eb' Asiria, palta nab'axoj, ma'ix colwj jac 'a 'a.

Chuj San Mateo Bible

²¹ Vach'chom ixto smolb'ejelta juntzan̈ tastac caro stojol ay d'a stemplo Jehová vin̈aj Acaz chi' yed' tastac ay d'a spalacio vin̈ yed' tastac ay d'a spat eb' vin̈ yajal yaji, ix yac'an vin̈ d'a vin̈ sreyal Asiria chi', palta nab'an̈ej, majxo colvaj jab'oc vin̈ yed' vin̈.

2 Cr 28:21 ပူးပေါင်းရင်းမြစ်များ

2 Cr 12:9

A Sisac sreyl Egipto cha, 'ix yac' owl yet' Jerusalén, xyi'n 'at smasnil q'uen tumn yic yatut Jehová, yet' q'uen 'ay 'a sdespacho win rey. 'Ix yi'n pax 'at jun tzo'n̈ smacl sat jul-lab' to nab'a oro b'ob'il can yuj Salomón.

2 Cr 16:2

Yuj cha, 'ix yi'n 'elt Asa q'uen plata yet' q'uen oro 'ay 'a yatut Jehová, yet' pax q'uen molb'il 'a sdespacho win rey cha. Xlajw cha, xya'n 'at 'a win Ben-hadad sreyl Siria cajn 'a Damasco, 'ix ya'n win alxoc 'a win 'ixtic:

Pr 20:25

Caw wal 'ay smay toto ji'lti tzcutjec ca'n qui ti 'a Dios, tzlajw cha, tzqui nanec pax qui b'a yuj tas 'aj 'ix ca'c can qui ti cha.

Pr 25:19

A yic 'ay eyailal, toto a junc 'anma tu snab'en tzeya'ch yipc e c'ojol, lajn wal jun chi 'icha yic tzwecchj coquec, mto 'icha yic to oln xo que.

Jeremías 2:36

¿Tas yuj tzex 'och 'il e jeln 'el eb' tze nib'j tzcolwj eyet'oc? 'Icha wal 'ajnc ex e q'uixw 'el yuj eb' 'aj Asiria yujto ma'ex scol eb', 'ixta 'oj eyaj e q'uixw 'el pax yuj eb' 'aj Egipto.

Os 5:13

A yic 'oj yilnc eb' yic Efraín to ya xo 'ay eb', ax yiln pax eb' 'aj Judá to lajwnacx eb', yuj cha, ax s'at eb' 'aj chon̈b' Efraín yal sb'a 'a sreyl Asiria, yic tzc'ann eb' scolwal jun rey b'inab'il to jeln ya'n owal. Palta ma'oj stac' scolwj win rey chi 'a eb', ma'oj stac' yan̈tn win tas lajwnac 'a eb'.