2 Cr 28:20 - Chuj San Sebastian Bible

²⁰ Ax yic xjaw Tiglat-pileser sreyl Asiria cha, ma'ix colwj jac 'a 'a, ton̈j xwach' lajw 'el yu'uj.

Chuj San Mateo Bible

²⁰ Ayic ix javi vin̈aj Tiglat-pileser sreyal Asiria chi' d'a Judá, maj colvajlaj vin̈, palta to ix vach' lajviel yuj vin̈.

2 Cr 28:20 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 15:29

A 'a yol stiempoal Peka win sreyl Israel, ata 'ix jaw win Tiglat-pileser sreyl Asiria yet' eb' soldado, xyac' eb' owl yet' eb' Israel. 'Ix yac' ganar eb' 'aj Asiria jun tzo'n̈ chon̈b' tic: Atn Ijón, Abel-bet-maacá, Janoa, Cedes, Hazor, Galaad, Galilea, yet' smasnil smacb'en Neftalí; 'ix 'ijx 'at eb' 'anma 'aj jun tzo'n̈ chon̈b' tic 'a chon̈b' Asiria.

A Ch'an̈ Schab'il Libro Yic Yab'ixal Eb' Rey 17:5

Yajn̈j cha, 'ix smacn 'ec' win Salmanasar chon̈b' Israel chi smasnil, 'ix c'och yet' eb' soldado 'a chon̈b' Samaria yic tzya'n owl yet'oc. 'Ix 'och oyn eb' 'a spatquil jun chon̈b' chi 'a 'oxe ab'il.

1 Cr 5:26

Yuj wal cha, schecn Dios win Pul, atn win tzcuch pax Tiglat-pileser, sreyl chon̈b' Asiria, yic tzyi'n 'at win eb' rubenita, eb' gadita yet' spacl 'in̈tal eb' yic Manasés 'icha presoal 'a chon̈b' Halah, Habor, Hara, yet' 'a jun tzo'n̈ xo chon̈b' 'ay 'a stitc a Gozán. Ata xcann̈j eb'.

2 Cr 30:6

Xlajw cha, 'ix 'at eb' schecb' win rey 'a smasnil yol yic Israel yet' 'a yol yic Judá yet' ch'an̈ scarta win rey yet' eb' yajl yaj yet'oc. Xchi 'a ch'an̈ carta chi 'ixtic: Ex quit israelal on̈, meltzjan̈c 'a Jehová qui Diosalec, atn sDiosal Abraham, Isaac yet' Israel, sec 'oj meltzjoc pax cot Dios 'ayex, ex to 'atnc 'ex 'elc 'a yol sc'ab' eb' sreyl Asiria.

Is 30:16

A eyico', to 'ix eyal 'ixtic: Ma'ay, yel xo wach' quiquec, to a 'a yib'n̈ chej 'oj qui 'ati, yic tzqui colnec qui b'a, xe chi. Yel ton tzeyala, 'oj e 'at 'elc cha. 'Ix eyaln pax 'ixtic: 'Oj cochc 'a yol caruaje to caw jeln sb'eyi, xe chi. Yel ton tzeyala, palta yel xo jeln sb'ey eb' 'ajc'ojl chi 'oj e pechn b'eyc'oc cha.

Is 30:3

Palta a scolwal win faraón cha, 'oj ya'ch sb'a q'uixwc'ojlal 'a eb', ax scolwal Egipto cha, 'oj ya'ch sb'a somc'ojlal 'a eb'.

Is 7:17

Palta 'ay wal jun yailal 'oj ya' cot Jehová 'a eb'n̈ yet' eb' a chon̈b' tic, yet' 'a scal eb' yin̈tl David; a jun cha, mant 'a 'aj tzuj xon jun 'ejmoc yictax yi'n 'el sb'a eb' yic Efraín 'a Judá. (Tzyal 'el'chi, atn yailal 'oj ya'ch win sreyl Asiria.)

Is 7:20

A 'a jun tiempoal cha, 'icha junc joxlab' xil jolom, 'ixta 'oj yutc Dios smajnan win sreyl eb' 'aj Asiria 'a sc'axpil 'ec' sti a niwn a Éufrates. 'Oj wul yi'cc win smasnil tas 'ay 'a eb' israel, 'icha to 'oj sjoxl win xil sjolm eb', xil sti eb', yet' xil sniwnal eb'.

Jeremías 2:36

¿Tas yuj tzex 'och 'il e jeln 'el eb' tze nib'j tzcolwj eyet'oc? 'Icha wal 'ajnc ex e q'uixw 'el yuj eb' 'aj Asiria yujto ma'ex scol eb', 'ixta 'oj eyaj e q'uixw 'el pax yuj eb' 'aj Egipto.

Jeremías 2:37

Caw q'uixwc'ojlal 'oj eyaj e meltzj cot 'a Egipto cha, yujto an Jehová in, tox xin patquilj can 'el eb' 'aych cob' yipc e c'ojl cha. May jac tas 'oj eyac' ganar yet' eb', xchi Dios.

Ez 16:28

Palta matz c'och sc'ojl yuj jun tzo'n̈ cha, 'ix muln pax yet' eb' winc 'aj Asiria; man̈ yujoc cha xc'och pax sc'ojol.

Os 5:13

A yic 'oj yilnc eb' yic Efraín to ya xo 'ay eb', ax yiln pax eb' 'aj Judá to lajwnacx eb', yuj cha, ax s'at eb' 'aj chon̈b' Efraín yal sb'a 'a sreyl Asiria, yic tzc'ann eb' scolwal jun rey b'inab'il to jeln ya'n owal. Palta ma'oj stac' scolwj win rey chi 'a eb', ma'oj stac' yan̈tn win tas lajwnac 'a eb'.