2 Cr 28:18 - Chuj San Sebastian Bible

¹⁸ Ya' sb'a cha, ax eb' filisteo, 'ix yij 'at eb' tastc 'ay 'a jun tzo'n̈ chon̈b' 'ay 'a span̈nil yich lum witz, yet' 'a Neguev 'a yol yic Judá. 'Ix yi'n can 'ec' eb' chon̈b' Bet-semes, Ajalón, Gederot, Soco, Timna, yet' Guimzo yet' yaldeail jun jun. Xlajw cha, xcan cajn eb' filisteo chi 'a 'a.

Chuj San Mateo Bible

¹⁸ Yacb'an chi' axo eb' filisteo, ix ic'anpaxb'at tastac ay d'a juntzan̈ chon̈ab' d'a yichtac vitz yed' d'a Neguev d'a yol yic Judá chi'. Ix yic'anec' chon̈ab' Bet-semes eb', Ajalón, Gederot, Soco, Timna yed' Gimzo yed' yaldeail junjun juntzan̈ chon̈ab' chi'. Ix lajvi chi' axo eb' filisteo chi' ix cajnaj ta'.

2 Cr 28:18 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 18:8

'Ix 'ajx ganar eb' filisteo yu'uj, tz'atn̈j 'a jun tzo'n̈ cotc chon̈ab', masnto 'a jun tzo'n̈ niwc chon̈b' 'aych smuroal. Locn pax chon̈b' Gaza yet' smasnil 'aj tzc'och smacb'en.

Is 9:12

A eb' 'aj Siria, 'oj cot eb' 'a stojlal 'aj tzq'uel c'u, ax eb' filisteo, 'oj cot eb' 'a stojlal 'aj tz'em c'u. Junn̈j 'oj yutc sb'a eb', ax satn 'el eb' chon̈b' Israel. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Ez 16:27

Yuj wal cha xcot wowal, xwa'n 'och syailal, xwi'n 'emt yoc tas tzc'uxu, xwa'n 'a yol sc'ab' eb' 'ix filistea, eb' 'ajc'ojl yajch 'a 'a. Caw wal tzq'uixw eb' 'ix yiln 'och sb'eyb'al.

Ez 16:57

yujto mantzac checlj smul. Ax ticnec, a eb' edomita, eb' filistea yet' eb' cajn 'a stz'ey, caw wal 'oj sb'uch eb'.

Ez 25:15

An Jehová Yajl in, an tzwal 'ixtic: Yujto a eb' filisteo, ya'jnac eb' sgana spacn sb'a 'a eb' 'ajc'ojl yajch 'a 'a, atn eb' 'aj Judá, yujto 'ay xon schichnc'ojlal eb' chi 'a eb', yuj cha spacn sb'a eb'.

Josué 15:10

Ata tzmeltzj smon̈jonal 'a Baala cha, 'a stojlal 'aj tz'em c'u, masnto tzc'och 'a lum witz yic Seir, tzpaxx 'a snorteal 'a yich lum switzl Jearim, atn Quesalón. Tzlajw cha, tz'emx lu'um, masnto tz'e'mch 'a Bet-semes, tz'e'x 'a Timna,

Josué 15:48

Lum swacc'ajil 'ay uxlche chon̈b' yet' yaldeail, atn eb' lum chon̈b' 'ay 'a jolmctac witz 'a stojlal sur: Atn Samir, Jatir, Soco, Dana, Quiriat-sana (atn pax tzcuch Debir), Anab, Estemoa, Anim, Gosén, Holón, yet' Gilo.

Jueces 14:1

'Ay jun tiempoal, 'ix 'at 'ejm Sansón b'eyc'oc 'a jun chon̈b' tzcuch Timnat 'a yol smacb'en eb' filisteo, axta 'ix ya'ch sat 'a jun 'ix cob's filsitea cha.

A Ch'an̈ B'ab'el Libro Samuel 17:1

'Ay jun c'ual 'ix yac' eb' filisteo syam sb'a soldado, yic tzya'n eb' owl yet' eb' israel: Ata yamn x'aj eb' 'a chon̈b' Soco 'a yol yic Judá. Sb'o eb' scamplamento 'a Efes-damim. Ata 'ay 'a snan̈l Soco yet' Azeca.

A Ch'an̈ B'ab'el Libro Samuel 6:9

Si'mb'il wal tzeyila: Toto tojln̈ej s'at e no yet' te caruaje chi 'a sb'el Bet-semes yic tzpax te 'a slu'um, toto 'ixta', a Jehová a 'ixtc tzon̈ 'utnec yet' jun tzo'n̈ yailal tic. Toto ma'ay, tecn man̈oc tz'a'n 'och yailal tic 'a quib'n̈ec, comn yab'il tzon̈ 'ixtnec ama, xchi eb'.