2 Cr 28:1 - Chuj San Sebastian Bible

¹ A Acaz cha, junc'l ab'il sq'uinal yic schan 'el yich ya'n reyal. Waclajn̈e ab'il xyac' reyl 'a Jerusalén, palta man̈ tojloc tas x'el sb'on 'a sat Jehová, man̈ 'ichaoc yic David, atn smam yicham.

Chuj San Mateo Bible

¹ Ayic ix och vin̈aj Acaz chi' reyal, 20 ab'il sq'uinal vin̈. 16 ab'il ix yac' reyal vin̈ d'a Jerusalén, palta man̈ vach'oc tas ix sc'ulej vin̈ d'a yichan̈ Jehová, maj sc'ulej vin̈ icha tas sc'ulejnac vin̈aj David smam yicham vin̈.

2 Cr 28:1 ပူးပေါင်းရင်းမြစ်များ

2 Cr 17:3

Ax Jehová x'och yet' Josafat, yujto 'ix sb'eylb'ej sb'eyb'al David 'a yic b'ab'el, atn smam 'icham. Man̈oc sb'eyb'al jun tzo'n̈ tz'a'n servil yechl Baal 'ix sb'eylb'ej,

2 Cr 27:2

A tas 'ix 'el sb'on Jotam, caw tojl 'a sat Jehová, 'icha sb'ojnac Ozías, atn smam, palta b'i'an, ma'ix 'och 'a yol yatut Jehová, palta ax eb' chon̈ab' caw sb'eylb'ejn̈ej eb' maysch'olnil.

2 Cr 27:9

A yic 'ix chami, ata xmucx 'aj mucn eb' smam yichm 'a Schon̈b' David. Xlajw cha, ax jun yunnal tzcuch Acaz a x'ochcn reyl sjeloc.

2 Cr 28:19

'Ix 'ijx 'ejm eb' 'aj Judá yuj Jehová, yujto a Acaz sreyl eb', a 'ix sjucb'tzan eb' 'a maysch'olnil. Caw wal tenmtac xyutj sb'a win 'a Jehová.

2 Cr 29:2

Caw tojl tas x'el sb'on Ezequías 'a sat Jehová, 'icha smasnil tas sb'ojnac David, atn smam yicham.

Is 1:1

An Isaías tic, yunnal in Amoz. 'Ix alx jun tzo'n̈ paxti tic 'ayin yuj tas 'oj jawc 'a yib'n̈ eb' 'aj Judá yet' eb' 'aj Jerusalén, atn 'a yic x'ec' ewin tic reyl 'a Judá: Ozías, Jotam, Acaz yet' pax Ezequías, ata 'ix yal Jehová 'ixtic:

Os 1:1

An Oseas in tic, yunnal in Beeri, 'ix paxtin Jehová 'ayin, yic xya'n ewin tic reyl 'a chon̈b' Judá: Atn Uzías, Jotam, Acaz, yet' Ezequías, ax Jeroboam yunnal Joás, a 'aych reyl 'a chon̈b' Israel.

Miqueas 1:1

An Miqueas in tic, ata cajn in 'a chon̈b' Moreset 'a yol yic Judá. A yic xlaj 'ec' ewin tic reyl 'a Judá, atn Jotam, Acaz, yet' Ezequías, ata sch'ox Jehová wil 'a 'icha waychil yuj tas wan sjaw 'a yib'n̈ Samaria yet' Jerusalén. Yuj cha, xwaln 'ixtic:

Mt 1:9

A Uzías a 'ay yunnal Jotam, ax Jotam a 'ay yunnal Acaz, atn smam Ezequías.