2 Cr 26:9 - Chuj San Sebastian Bible

⁹ An̈jtona', 'ix sb'on pax jun tzo'n̈ cuartel 'a yib'n̈ smuroal Jerusalén, 'a yib'n̈ spuertail 'a schiquin, yet' 'a yib'n̈ puerta tzcuch pan̈an, yet' 'a yib'n̈ jun tzo'n̈ xo schiquin. Caw wach' 'ix yutj sb'on cha'an̈.

Chuj San Mateo Bible

⁹ Ix sb'oxiq'ue juntzan̈ b'aj tz'aj eb' soldado vin̈ d'a yib'an̈ smuroal Jerusalén chi' yed' d'a yib'an̈ spuertail d'a schiquin yed' d'a yib'an̈ puerta d'a ch'olan yed' d'a juntzan̈xo schiquintac. Te vach' ix aj sb'oanxiq'ue vin̈.

2 Cr 26:9 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 14:13

'Ix yamchj Amasías yuj Joás 'a scal owl 'a Bet-semes. Xlajw cha, 'ix cot Joás yet' eb' soldado 'a Jerusalén, 'ix wul sma'noc can 'ejm lan̈chjoc eb' 180 metro smuroal chon̈b' Jerusalén, 'ix schaj 'at 'a spuertail yic Efraín masnto 'a spuerta'il yisquinyoal.

2 Cr 25:23

'Ix yamchj Amasías sreyl Judá yuj win sreyl Israel 'a Bet-semes cha, xlajw cha, 'ix 'ijx 'at 'a Jerusalén yu'uj. 'Ix sma'n can lan̈chjoc eb' israel chi smuroal jun chon̈b' cha, tzchaj 'at 'a spuertail yic Efraín masnto 'a spuertail schicn jun muro cha. 'Aym junc 180 metro x'aj sat jun b'e chi yuj eb'.

Nehemías 2:13

On̈ 'elt 'a spuertail pan̈n 'a'lic, on̈ 'ec' 'a stojlal a pac'b'a tzcuch Dragón, on̈ 'ec' pax 'a spuertail 'aj tz'at can c'alem. X'ec' in maclnoc wil smuroal Jerusalén mac'b'il 'ejm lan̈chjoc, yet' spuertail tz'anac.

Nehemías 2:15

An̈ja q'ui'to in q'ue'ch 'a sti a Cedrón. 'Ix lajw 'ec' wilnc muro cha, on̈ meltzj pax 'och 'a spuertail pan̈n 'a'lic cha.

Nehemías 3:13

A Hanún yet' eb' cajn 'a Zanoa, a eb' 'ix b'on 'aj x'och spuertail yic lum pan̈n 'a'lic; xya'n 'och eb' spuertail, ax q'uen hierro xya'ch eb' yipnub'oc, sb'on pax eb' 450 metro muro masnto xc'och 'a spuertail 'aj tz'at can c'alem.

Nehemías 3:24

A Binuy, yunnal Henadad sb'o nan̈l xo yico', schaj 'at 'a yatut Azarías masnto tzc'och 'a yisquinyoal.

Nehemías 3:32

Ax eb' tzb'on jun tzo'n̈ q'uen wach' yilxi yet' eb' chon̈wjum, a eb' xb'on yic 'a 'aj 'ayc' eb' tztan̈wni 'isquinyo cha, masnto xc'och a 'aj 'ay spuertail yic no calnelu.

Jeremías 31:38

'Ay jun c'ul 'oj jawoc, 'oj b'ox chan̈ chon̈b' Jerusalén jun 'ejm xo wico'oc. 'Oj 'atn̈j 'a jun torre tzcuch Hananeel, masnto 'oj c'och 'a jun puerta 'ay 'a jun schiquin.

Zacarías 14:10

Smasnil jun c'aj lum lum cha, pan̈n 'oj 'ajcni, tzchaj 'at 'a Geba masnto 'a Rimón, 'a stojlal sur yic Jerusalén. Ax Jerusalén cha, caw chan̈ 'oj 'ajcn chan̈ 'icha junc tzalan. A 'aj 'oj 'aj cajn eb' 'anma 'a 'a, 'oj schaj 'at 'a jun puerta yic Benjamín, masnto 'a jun puerta yic yisquinyoal 'a 'aj 'ay jun b'ab'l puerta 'a yic pecti'. 'Oj 'atn̈j 'a jun torre yic Hananel, masnto tzc'och 'a 'aj tzpitz'x 'el yal yuva win rey.