2 Cr 26:5 - Chuj San Sebastian Bible

⁵ Xyal sb'a 'a Dios, a yic pitznto win Zacarías, atn win xcuyn 'a yic Dios, caw niwn yel'ch Dios 'a sat. Ya' sb'a tzyac' servil Jehová, 'ix 'ijx q'ue'ch yu'uj.

Chuj San Mateo Bible

⁵ Ix yac' val och spensar vin̈ d'a Dios yacb'an pitzanto vin̈aj Zacarías. A vin̈aj Zacarías chi' ix c'ayb'an vin̈ d'a tas syutej sc'anab'ajan Jehová. Yacb'an ix sc'anab'ajej vin̈, vach'n̈ej ix ajelc'och vin̈ yuj Jehová.

2 Cr 26:5 ပူးပေါင်းရင်းမြစ်များ

Gn 41:15

Xyaln win rey chi 'ixtc 'a José: —'Ay wal jun in wayich, may xon junc ewin 'ayc' 'a tic tztac' snachj 'el yu'uj tas wal tzyal 'el'chi, xwab' speclal tolab' tznachj 'el o'oj tas tzyal 'el'ch jun tzo'n̈ wayich, xchi win rey cha.

Gn 41:38

Xyaln win 'ixtc 'a ewin 'aych yajlil yet' cha: —¿Yamto 'ay 'aj tz'ilchj junc xo winc cujec, to 'aych Yespíritu Dios 'a 'a, 'icha win tic? xchi winac.

A Ch'an̈ Schab'il Libro Yic Yab'ixal Eb' Rey 15:34

Caw wach' 'ix 'el sb'on Jotam 'a sat Jehová, 'icha wal sb'eyb'al smam, atn Uzías.

1 Cr 22:11

Ax ticnec ach wunnal, 'och cab' Jehová et'oc, 'oj colwjoc et'oc yic 'oj a b'on chan̈ jun yatut cha, 'icha 'ix yutj yaln oj tic.

1 Cr 22:13

Wach'n̈j 'oj 'el'choc smasnil, toto tza ya'ilj a yiclni scuynb'il, yet' sley 'ix yac' 'a Moisés cu'uj. ¡Te'n tzotj a b'a, 'ac' ep, man̈ ach xiwoc, man̈ a chab'c'ojloc pax a b'a!

2 Cr 14:6

'Ix ya'n b'o jun tzo'n̈ chon̈b' to 'aych smuroal 'a yol yic Judá, yujto 'ay junc'ojlal 'a jun tiempoal cha. Man̈x 'a 'aj 'ix 'at eb' 'a junc owal, yujto a Jehová 'ix 'a'n junc'ojlal 'a eb'.

2 Cr 15:2

'Ix 'elt wul scha win Asa, 'ix yaln 'a 'ixtic: 'Ab' tas 'oj wal 'aych mamin Asa, yet' e masnil ex wit chon̈b' 'aj Judá, yet' ex yin̈tl Benjamín. A Jehová 'aych ton wal quet'ec, toto a wal yet' 'ayn̈ec 'ochi. Toto tzcalc qui b'a 'a 'a, 'oj yab' tas tzcalec. Palta toto 'oj cactquec cani, 'oj on̈ yactc can paxi.

2 Cr 24:2

A smasnil tas sb'o Joás, caw tojl 'a sat Jehová ya' sb'a pitznto win Joiada cha.

2 Cr 25:8

Wach'xam tza na'a, to a yet' scolwal eb' chi 'ay yip eb' a soldado ya'n owal, a Dios 'oj ach 'a'nc 'ajxc ganar 'a sat eb' 'ajc'ojol, yujto a Dios 'ay spoder scolwji, 'ay pax spoder ya'n lajwoc, xchi.

2 Cr 26:4

A smasnil tas 'ix 'el sb'on Ozías cha, caw wal tojl 'a sat Jehová, 'icha sb'ojnac Amasías, atn smam.

2 Cr 27:6

Yuj cha, caw te'n x'aj Jotam 'a sreyal, yujto caw tojl xyutj sb'eyb'al 'a yojltac Jehová.

2 Cr 29:1

A Ezequías 25 ab'il sq'uinal, yic schan 'el yich ya'n reyal. 29 ab'il xyac' reyl 'a Jerusalén. A snun Abías sb'i 'ix, yisl win Zacarías.

2 Cr 32:30

A Ezequías chi 'ix a'n macx a a tzb'ey 'a yib'n̈ q'ue a spac'b'a 'ay 'a Guihón, ax 'a yaln̈ lum 'ix 'ec' a', atn 'a stojlal 'aj tz'em c'u, a 'a Schon̈b' David, ata xc'och a'. Caw wach' 'ix 'el'ch Ezequías yet' smasnil tas 'ix sb'o'o.

Salmos 1:3

Smasnil tas tzb'o eb', caw wach' tz'aj 'el'chi. A eb' cha, lajn wal eb' 'icha junc te te 'ayc' 'a sti junc a a', tzyac' sat 'a stiempoal, may pax b'a'n̈ tzpucl xi'il.

Dn 1:17

A ewin quelm tic schan̈wn̈il, a Dios 'ix 'a'n snab'en ewinac, xya'n sjelnal ewin scuyn smasnil jun tzo'n̈ ch'an̈ u'un̈. Ax Daniel 'ix 'ajx sjelnal snan 'el jun tzo'n̈ wayich, yet' jun tzo'n̈ 'ilwal.

Dn 10:1

A yic yoxl ab'il yoch win Ciro reyl 'a chon̈b' Persia, 'ix japx spaxti Dios 'a Daniel, atn tzcuch pax Beltsasar. Waychil 'ix 'aj yalx 'a 'a, yuj tas wal tzyal 'el'chi. A jun paxti cha, niwquil owl tzch'oxo.

Dn 2:19

Ax 'a yic jun 'ac'wl cha, 'ix ya'n Dios swaychoc Daniel jun paxti to caw c'ultac yaj cha. Yuj cha 'ix yaln win swach' paxti 'a Dios 'aj satcha'an̈.

Dn 5:16

Ach xo tic, xwab'i chajtlto tznachj 'el o'oj, tztac' alni tas tzyal 'el'ch jun tzo'n̈ paxti 'ajltac snachj 'eli. Yuj cha, toto tztac' awtn jun tzo'n̈ letra tz'ib'b'il 'och tic, tzaln pax 'ayin tas tzyal 'el'chi, toto 'ixta', caw 'oj 'ajxoc 'och te pichl púrpura 'ayach. 'Oj 'ajxoc 'och jun q'uen cadena nab'a oro 'a a jaj 'icha ton̈, ax och yoxloc reyl 'ayin, xchi winac.

Os 6:4

Xyaln Jehová 'ixtic: ¿Tas wal 'oj ex wutc ex 'aj Efraín? ¿Tas wal 'oj ex wutc ex 'aj Judá? A e chamc'ojlal 'ayin, lajn wal 'icha 'asn 'a yic sq'uin̈b'ial, lajn 'icha chicb'chan̈ tz'em 'a yic 'ayt sacb'i, ax 'a yic tzsacb'i, yajn̈ej tzsatx cha'an̈.

A Tas Sc'ulejnac Eb' Schecab' Jesús Hechos 20:30

An̈jtona 'a e cal ax tic, 'ay pax jun tzo'n̈ xo eb' 'oj pitzwc cha'an̈. Ax ya'n eb' jun tzo'n̈ 'es, yic tzya'n eb' sc'ojloc eb' creyente, sec tz'och eb' yet' eb'.

Josué 1:7

A tas tzwal 'ayach, to tza te'wtzej a b'a, man̈ ach xiwoc, tza yiclni smasnil jun tzo'n̈ ley 'ix yalcn win in checb' Moisés 'ayach. Wach' tzotj a yiclni smasnil, sec wach'n̈j 'oj el'ch yet' tas 'oj a b'o'.

Josué 1:8

May cab' b'a'n̈ tzcan awtn ch'an̈ un̈ 'aj tz'ib'b'il can ley, sc'ual, yac'wlil a cuyn ch'an̈, sec wach' 'oj a yiclc tas tz'ib'b'il can 'a ch'an̈. Toto 'oj a yicloc, wach' 'oj 'el'choc smasnil tas 'oj a b'o'.

Jueces 2:7

A eb' israel cha, syiclj eb' tas xyal Jehová ya' sb'a pitznto Josué, yet' 'a yic pitznto pax eb' yichmtac wincal chon̈ab', eb' tza'nto chamnc 'a Josué cha, eb' 'iljnac smasnil tas niwn yel'ch sb'ojnac Jehová yuj schon̈ab'.